1 SAMIELE 27:10 - Xitsonga (Bibele)

¹⁰ Kakuloko Akixi a vutisa, a ku: “A mi yile mi ya hlasela kwihi namuntlha xana?” Davhida a a ku: “Edzongeni ra Yuda, ni le dzongeni ra va Yerahamiele, ni le dzongeni ra Vakeni.”

BIBELE Mahungu Lamanene

¹⁰ Loko Akixi a n'wi vutisa a ku: “Xana namuntlha a mi hlasela kwihi xana?” Davhida a a hlamula a ku: “A hi hlasela edzongeni, ematlhelweni ya va le Yuda”, kumbe: “Ematlhelweni ya va le Yerahamiele”, kumbe: “Etikweni ra Vakeni.”

1 SAMIELE 27:10 Referans Kwoze

Vaavanyisi 1:16

Loko, va ri vana va Mukeni, mukon'wana wa Muxe, a va sukile emutini wa micindzu, va tlhandlukela ni vana va Yuda emananga ya Yuda, edzongeni ka Aradi; kutani va ya kona, va aka ni vanhu va kona.

1 TIKRONIKA 2:25

Vana va xinuna va Yerahamiele, mativula ya Hesironi, a a ri Rhamu, mativula, na Buna, na Orene, na Oseme, n'wana Ahiya.

1 TIKRONIKA 2:9

Vana va xinuna lava tswaleriweke Hesironi: Yerahamiele, Rhamu na Kelubayi (Kalebe).

1 SAMIELE 30:29

ni ka va Rakala, ni ka lava ngi va ri emitini ya Yerahamiele ni ka lava ngi va ri emitini ya Vakeni,

Vaavanyisi 4:11

(Loko a ri Hebere, Mukeni, a a hambene ni Vakeni, vana va Hobabu, mukon'wana wa Muxe, a a akile ntsonga wa yena ekusuhi ni nkuhlu wa Saanayimi, ekusuhi na Kedexe.)

Vaefesa 4:25

Hikwalaho-ke, tshikani vunwa, mi vulavula leswi tiyeke, un'wana ni un'wana eka warikwavo, hikuva hi swirho van'wana eka van'wana.

Swivuriso 29:25

Ku chava vanhu ka rhiya ntlhamu, Kambe la tshembaka Yehovha u le ku tlakukeni.

Pisalema 119:163

Ndzi vengile, ndzi nyenya mavunwa; Kambe ndzi rhandza nawu wa wena.

Pisalema 119:29

U ndzi tingisa ndlela ya vunwa, U ndzi ha ku tiva nawu wa wena!

2 SAMIELE 17:20

Malandza ya Abixalomu ma ta eka wansati endlwini ma ku: “Va Ahimaasi na Yonatani va kwihi xana?” Wansati a ku eka vona: “Va perile xinambyana.” Kutani va va lava, kambe va nga va kumi kutani va tlhelela eYerusalema.

1 SAMIELE 23:27

Kambe ntsumi yi fika eka Sawulo, yi ku: “Hatlisa u ta, hikuva Vafilista va nghene etikweni.”

1 SAMIELE 21:2

Davhida a hlamula, a ku eka Ahimeleke, muprista: “Hosi yi ndzi lerisele mhaka, yi te: ‘Ku nga tshuki ku va na munhu la tivaka mhaka leyi ndzi ku rhumelaka yona, ni ku lerisa loku ndzi ku leriseke.’ Loko va ri vanhu va mina, ndzi va kombisile kun'wana ni kun'wana.

1 SAMIELE 15:6

Kutani Sawulo a ku eka Vakeni: “Sukani, mi huma exikarhi ka Amaleke leswaku ndzi nga tshuki ndzi mi herisa na yena, hikuva mi kombisile tintswalo eka vana va Israele hinkwavo loko va huma eEgipta.” Kutani Vakeni va huma exikarhi ka Amaleke.

Vaavanyisi 5:24

“A ku dzunisiwe Yaele, exikarhi ka vavasati, Nsati wa Hebere, Mukeni! A a dzunisiwe exikarhi ka vavasati lava akeke emitsongeni.

Tinhlayo 24:21

Balaama a vona Vakeni, a bvumbha, a ku: “Yindlu ya wena yi tiyile, Xisaka xa wena xi vekiwile eribyeni ra ntshava.

Genesa 27:24

Kambe a ku: “Kunene hi wena u nga n'wananga Esawu, xana?” Yakobo a ku: “Hi mina!”

1 SAMIELE 27:11

Davhida a nga tshikanga munhu un'we a hanya, hambi a ri wanuna, hambi a ri wansati ku va tisa eGati, hikuva a a chava leswaku va nga ta vula timhaka tin'wanyana leti va nga kanetaka Davhida ha tona, va ku: “Davhida u endlile leswo karhi.” A tshama a endla sweswo emikarhini hinkwayo leyi a akeke etikweni ra le handle ka Vafilista.

1 SAMIELE 29:8

Davhida a ku eka Akixi: “Ndzi endle yini xana? U kume yini eka nandza wa wena, ku sungula siku leri ndzi teke mahlweni ka wena, ku fika namuntlha, leswaku ndzi siveriwa ku ya lwa ni valala va hosi, mufumi wanga xana?”