1 SAMIELE 27:1 - Xitsonga (Bibele)

¹ Kutani Davhida a ehleketa embilwini ya yena, a ku: “Ndzi ta dlawa siku rin'wana hi mavoko ya Sawulo; a ndzi na ku endla kun'wana loko ku nga ri ku tsutsumela etikweni ra Vafilista; Sawulo a ta tshika ku ndzi lava etikweni hinkwaro ra Israele; sweswo ndzi ta chupuka evokweni ra yena.”

BIBELE Mahungu Lamanene

¹ Davhida a tiehleketa, kutani a ku: “Sawulo ú ta kala a ndzi dlaya. A ku na ndlela yin'wana, ehandle ka ku va ndzi balekela etikweni ra Vafilista; Sawulo ú ta karhala ku ndzi lava ematlhelweni hinkwawo ya tiko ra Israele; kutani mina ndzi ta va ndzi ponile emavokweni ya yena.”

1 SAMIELE 27:1 Referans Kwoze

Esaya 51:12

“Hi mina, hi mina la mi chavelelaka. U mani wena u chavaka vanhu lava nga ta fa, ni vana va vanhu lava nga ta hundza kukota byanyi,

1 SAMIELE 23:17

A ku eka yena: “U nga chavi, hikuva voko ra tatana Sawulo ri nga ka ri nga ku kumi; u ta fuma Israele, na mina ndzi ta va ndhuna ya wena; tatana Sawulo wa swi tiva na yena.”

Swivuriso 13:12

Ku langutela loku hlwelaka ku vavisa timbilu, Kambe ku navela, u vuya u swi kuma, i murhi wa vutomi.

Pisalema 116:11

Emahikeni ya mina, ndzi te: “Munhu un'wana ni un'wana u ni vunwa.”

1 SAMIELE 29:2

Tihosi ta Vafilista a ti hundza hi madzana ni mavandla hi makume ya madzana; kutani Davhida ni vanhu va yena a va famba endzhaku, va ri na Akixi.

1 SAMIELE 25:30

Kutakuloko Yehovha a endlele hosi yanga hinkwaswo leswinene leswi a ku hlayeleke swona, ni loko a ku vekile hosi ya Israele,

1 SAMIELE 22:5

Kutani Gadi, muprofeta, a ku eka Davhida: “U nga tshami ekhokholweni; suka u ya etikweni ra Yuda.” Kutani Davhida a suka a ya exihlahleni xa Hereti.

1 SAMIELE 16:13

Kavaloko Samiele a teka rimhondzo ra mafurha a n'wi chela exikarhi ka vamakwavo, kutani Moya wa Yehovha wu khoma Davhida, ku sungula siku leri ni ku ya emahlweni, Kavaloko Samiele a pfuka a muka eRhama.

1 SAMIELE 16:1

Yehovha a ku eka Samiele: “U ta rila Sawulo ku yisa kwihi-ke, loko mina ndzi n'wi cukumetile leswaku a nga ha fumi Israele? Tata rimhondzo ra wena hi mafurha, u famba; ndza ku rhuma eka Yese wa Betlehema hikuva ndzi vonile exikarhi ka vana va Yese loyi a faneleke ku va hosi.”

Eksoda 14:12

Xana a hi tona timhaka leti hi ku byeleke tona eEgipta, loko hi ku: ‘Hi tshike, hi tirhela Vaegipta,’ hikuva a swi sasekile loko hi tirhela Vaegipta, swi nga ri leswaku hi fa emananga.”

2 Vakorinto 7:5

Hikuva mpfhuka hi fika eMakedoniya, miri wa hina a wu wisanga niswitsongo, hi ri karhi hi xaniseka hinkwako; ku va ni ku lwa ehandle, ku va ku chava endzeni.

Marka 4:40

Kutani a ku eka vona: “Mi ni vutoya ha yini swonghasi-ke? Mi pfumala ha yini ku pfumela?”

Matewu 14:31

Yesu a hatlisa a tshambuluta voko, a n'wi khoma, a ku eka yena: “Munhu wa ku pfumela lokutsongo, u kanakanisile ha yini?”

Tinhlayo 14:3

Xana Yehovha u hi yisela yini etikweni leri leswaku hi ya wa kona hi tlhari, ni leswaku vasati va hina, ni vananyana va hina va khomiwa? Xana a swi nga hi sasekeli loko hi tlhelela eEgipta-ke?”

1 SAMIELE 26:19

Sweswi hosi yanga yi nga yingisa marito ya nandza wa yena! Loko a ri Yehovha la ku susumetaka ku ndzi hlongorisa, a a amukele mhamba! Kambe loko va ri vanhu, a va rhukaniwe emahlweni ka Yehovha, hikuva va ndzi hlongorile ku ndzi sivela ku hlangana ni ndzhaka ya Yehovha, va te: ‘Famba u ya tirhela swikwembu swin'wana!’

1 SAMIELE 29:3

Kutani tihosi ta Vafilista ti ku: “Vaheveru lava i yini xana?” Akixi a ku eka tihosi ta Vafilista: “A hi Davhida loyi ingi a ri nandza wa Sawulo, hosi ya Israele, loyi ngi a ri na mina masiku layo tala, hambi ma ri malembe; a ndzi kumanga nchumu eka yena, ku suka siku leri a fikeke eka mina ku fika namuntlha.”

1 SAMIELE 20:3

Kutani Davhida a hlambanya kambe, a ku: “Tata wa wena wa swi tiva swinene leswaku ndzi kumile tintswalo emahlweni ka wena, kutani u te: ‘Yonatani a nga tshuki a swi tiva, leswaku swi nga n'wi dyisi mbitsi!’ Kambe Yehovha wa hanya, ni moya wa wena wa hanya: ku ni nkondzo wun'we ntsena exikarhi ka mina ni ku fa.”

1 TIHOSI 12:26

Kavaloko Yerobuwamu a vulavula embilwini ya yena, a ku: “Sweswi, ku fuma ku nga tlhelela endlwini ya Davhida.

1 TIHOSI 12:28

Hosi yi endla makungu, kutani yi chulula marhole mambirhi ya nsuku, yi ku eka tiko ra yona: “Mi tlhandlukile eYerusalema hi nkarhi lowu ringanaka: O Israele! Hi xona xikwembu lexi ku humeseke etikweni ra Egipta!”

1 TIHOSI 19:3

Kuteloko a swi vona, a suka a famba hikwalaho ka vutomi bya yena. Kutani a ya fika eBerexeba wa Yuda, a siya kona nandza wa yena;

2 TIKRONIKA 25:17

Amasiya, hosi ya Yuda, kuteloko a endla makungu, a rhuma eka Yowasi, n'wana Yowahazi, n'wana Yehu, hosi ya Israele, a ku eka yena: “Tana hi ta vonana, hi langutana hi mahlo!”

Pisalema 55:7

Ndzi ta tsutsumela ekule, Ndzi ya chavela emananga.