1 SAMIELE 26:19 - Xitsonga (Bibele)

¹⁹ Sweswi hosi yanga yi nga yingisa marito ya nandza wa yena! Loko a ri Yehovha la ku susumetaka ku ndzi hlongorisa, a a amukele mhamba! Kambe loko va ri vanhu, a va rhukaniwe emahlweni ka Yehovha, hikuva va ndzi hlongorile ku ndzi sivela ku hlangana ni ndzhaka ya Yehovha, va te: ‘Famba u ya tirhela swikwembu swin'wana!’

BIBELE Mahungu Lamanene

¹⁹ Hikokwalaho, wena hosi n'wini wanga, ndzi kombela leswaku u yingisa marito ya mina nandza wa wena: Loko ku ri leswaku i HOSI Xikwembu lexi ku susumeteke ku lwa na mina, hiswona, ndzi ta xi humesela gandzelo ra risuna ra ku tisola. Kambe loko u kuceteriwile hi vanhu, vona va tivangela khombo emahlweni ka HOSI Xikwembu, hikuva namuntlha va ndzi hlongorile, va ndzi sivela ku titwa ndzi ri un'wana wa vaaki va tiko ra HOSI Xikwembu, va ku ka mina: ‘Famba u ya tirhela swikwembu swimbe.’

1 SAMIELE 26:19 Referans Kwoze

2 SAMIELE 20:19

Ndzi un'wana wa lava rhulaka ni lava tshembekaka eka Vaisraele; u lava ku dlaya muti lowu nga manana un'wana wa Vaisraele. U nga mitela yini ndzhaka ya Yehovha xana?”

2 SAMIELE 16:11

Kutani Davhida a ku eka Abixayi ni ka malandza ya yena hinkwawo: “Maswivo, n'wananga la humeke exisutini xa mina, u lava vutomi bya mina; ngopfungopfu loyi wa Benjamini u ta byi lavisisa! N'wi tshikeni a rhuketela, hikuva Yehovha u n'wi byerise sweswo.

2 SAMIELE 14:16

hikuva hosi yi ta yingisa nandza wa yona ku n'wi kutsula evokweni ra munhu loyi a nga ta ndzi heta, swin'we ni n'wananga endzhakeni ya Xikwembu.’

Pisalema 120:5

Khombo ra mina loko ndzi akile Mexeke, Loko ndzi tshamisa emitsongeni ya Kedari.

1 TIKRONIKA 21:1

Satana a pfukela Vaisraele, kutani a kucetela Davhida ku hlaya Vaisraele.

1 SAMIELE 18:10

Hi siku leri tlhandlamaka, moya lowo biha lowu rhumiwaka hi Xikwembu wu khoma Sawulo, kutani a bvumbha a ri endlwini ya yena, Davhida yena a a yimba haripa kukotisa siku rin'wana ni rin'wana, kambe Sawulo a a tamele tlhari evokweni ra yena.

Genesa 8:21

Kutani Yehovha a twa ku nun'hwela loku tsakisaka; Yehovha a ku embilwini ya yena: “A ndzi nga ha tlheli ndzi rhuketela misava hikwalaho ka vanhu, hikuva makungu ya timbilu ta vanhu ma bihile ku suka evuhlangini bya vona, kutani a ndzi nga ha tlheli ndzi ba hinkwaswo leswi hanyaka hilaha ndzi endleke hakona.

2 Timotiya 4:14

Aleksandro, mufuri wa nsuku, u ndzi pfuxele makhombo layo tala; Hosi yi ta n'wi tlherisela leswi faneleke mitirho ya yena!

Vagalatiya 5:12

Ngi va nga tsemiwa lava mi pfilunganyisaka.

Varhoma 14:15

Kambe loko u khomisa makwenu tingana hi swakudya, kwalaho a ku fambi hi rirhandzu. U nga tshuki u lovisa hi swakudya swa wena loyi Kriste a n'wi feleke.

Esaya 60:5

“U ta swi vona, kutani u ta tsaka, mbilu ya wena yi ta tlulatlula, yi va yi ahlama hi ku tsaka, hikuva rifuwo ra lwandle ri ta kongoma wena, vukosi bya matiko byi ta ta eka wena.

Swivuriso 30:10

U nga hehli nandza eka n'wini wa yena, A nga ti ku rhukana, u kuma nandzu.

1 TIHOSI 22:22

Wu ku: ‘Ndzi ta huma ndzi va moya wa vunwa emilon'wini ya vaprofeta va yena hinkwavo.’ Yehovha a ku: ‘U ta n'wi kanganyisa, u n'wi hlula: Huma, u ya endlisa sweswo.’

2 SAMIELE 24:1

Vukari bya Yehovha byi pfurhela kambe Vaisraele, kutani a va pfuka hi Davhida loko a ku: “Yana, u hlaya Vaisraele ni va Yuda.”

1 SAMIELE 25:24

Kutani a tiwisa emilengeni ya yena, a ku: “Nandzu wu na mina, hosi yanga. Wa nga pfumelela nandza wa wena ku vulavula na wena; u yingisa marito ya nandza wa wena.

Levhitika 26:31

Ndzi ta onha miti ya n'wina, ma va marhumbi ndzi hlanhla vukwetsimelo bya n'wina; ndzi nga ka ndzi nga nun'hweteli mirhi ya risuna ya mihlengo ya n'wina.

Genesa 44:18

Kavaloko Yuda a tshinelela Yosefa, a ku: “Oho! Hosi yanga, nandza wa wena a nga vulavula rito ri ri rin'we etindleveni ta hosi yanga, kambe ku kariha ka wena ku nga tshuki ku holovela nandza wa wena, hikuva u ringana na Faro.

1 SAMIELE 24:9

Endzhaku ka swona, Davhida a pfuka a huma ebakweni kutani a huwelela endzhaku ka Sawulo, a ku: “Oho hosi! Hosi yanga!” Sawulo a languta endzhaku ka yena, kutani Davhida a korhama ehansi hi mombo wa yena, a khinsama.

1 SAMIELE 27:1

Kutani Davhida a ehleketa embilwini ya yena, a ku: “Ndzi ta dlawa siku rin'wana hi mavoko ya Sawulo; a ndzi na ku endla kun'wana loko ku nga ri ku tsutsumela etikweni ra Vafilista; Sawulo a ta tshika ku ndzi lava etikweni hinkwaro ra Israele; sweswo ndzi ta chupuka evokweni ra yena.”

2 SAMIELE 21:3

“Ndzi ta mi endlela yini, ndzi ta endla mhamba ha yini, leswaku mi ta katekisa ndzhaka ya Yehovha xana?”

Tinhlayo 36:7

leswaku ndzhaka ya vana va Israele yi nga tshuki yi sukela nyimba yin'wana ku nghena eka yin'wana; vana va Israele va ta namarhela un'wana ni un'wana endzhakeni ya nyimba ya vatata wa yena.

Tinhlayo 36:9

Ndzhaka yin'wana yi nga tshuki yi sukela nyimba ku yisiwa eka yin'wana; hikuva tinyimba ta vana va Israele ti ta namarhela, yin'wana ni yin'wana endzhakeni ya yona.’ ”

Duteronoma 13:3

u nga tshuki u yingisa marito ya muprofeta loyi, ni ya mulorhi loyi, hikuva Yehovha, Xikwembu xa n'wina, a mi ringa ku tiva xana mi rhandza Yehovha, Xikwembu xa n'wina, hi timbilu hinkwato ta n'wina, ni mimoya hinkwayo ya n'wina.

2 SAMIELE 16:10

Hosi yi ku: “Ku ni mhaka yihi exikarhi ka mina na n'wina, vana va Seruya xana? A a rhuketele; hikuva Yehovha u n'wi byerile, a ku: ‘U ta rhuketela Davhida.’ Kutani i mani la nga ta ku: ‘U endlisela yini sweswo xana?’ ”

Pisalema 20:4

A a ku nyike leswi rhandziwaka hi mbilu ya wena, A hetisa ni makungu ya wena hinkwawo!