1 SAMIELE 26:10 - Xitsonga (Bibele)

¹⁰ Davhida a ku: “Yehovha wa hanya! I Yehovha ntsena a nga ta n'wi ba, hambi siku ra ku fa ka yena ri fika, kumbe loko a ya eku lweni a dlawa kona!

BIBELE Mahungu Lamanene

¹⁰ Davhida a engeta a ku: “Ndza hlambanya emahlweni ka HOSI Xikwembu lexi hanyaka, ndzi ri: HOSI Xikwembu, hi xona xi nga ta lovisa Sawulo: Ku nga va loko siku ra yena ra ku fa ri ta va ri fikile, kumbe a ya fela enyimpini.

1 SAMIELE 26:10 Referans Kwoze

Duteronoma 31:14

Yehovha a ku eka Muxe: “Waswivo! Masiku ya rifu ra wena ma tshinela. Vitana Yoxuwa, mi ta yima etabernakeleni ya nhlengeletano, hi kona ndzi nga ta n'wi lerisa.” Kavaloko Muxe a suka na Yoxuwa, va ya yima etabernakeleni ya nhlengeletano.

Genesa 47:29

Kutani nkarhi wolowo Yakobo a nga ta fa ha wona, loko wu tshinerile, a vitana Yosefa, n'wana wa yena, a ku eka yena: “Loko ndzi kume tintswalo emahlweni ka wena, wanga veka voko ra wena ehansi ka ndzhumbi wa mina, u ndzi endlela hi tintswalo ni vunene, u nga ndzi lahli kwala Egipta.

Varhoma 12:19

Varhandziwa, mi nga tshuki mi tirihisela mi ri n'wina; kambe kendlukelani vukari bya Xikwembu, hikuva ku tsariwe leswaku: “Ku rihisa, i ka mina; hi mina loyi ndzi nga ta rihisa; ku vula Hosi.”

Pisalema 37:13

Kambe hosi ya n'wi hleka, Hikuva yi vona leswaku siku ra yena ri kusuhi.

1 SAMIELE 31:6

Hi siku rolero ku file Sawulo swin'we ni vana va yena va vavanuna vanharhu, ni mutameri wa matlhari ya yena, ni vanhu va yena hinkwavo.

1 SAMIELE 25:38

Kuteloko ku hundzile masiku lama lavaka ku va khume. Yehovha a ba Nabala, kutani a fa.

1 SAMIELE 25:26

Kutani sweswi, hosi yanga, Yehovha wa hanya, ni moya wa wena wa hanya, Yehovha u ku sivele ku halata ngati ni ku tirihisela hi voko ra wena. Sweswi, valala va wena, ni lava lavelaka hosi yanga swo biha, a va kotise Nabala!

Duteronoma 32:35

Ku tirihisela ni ku hakela, i ka mina, Siku nenge wa vona wu nga ta tsekatseka; Hikuva siku ra khombo ra vona ri tshinele, Lexi va xi lunghiseriweke xa hatlisa.

Nhlavutelo 18:8

hikwalaho makhombo ya yena ma ta humelela hi siku rin'we, rifu, ni nhlomulo ni ndlala, kutani u ta hisiwa hi ndzilo, hikuva Hosi leyi n'wi avanyisaka i Xikwembu xa matimba.”

Vaheveru 9:27

Kutani kukotisa loko ku lerisiwe leswaku vanhu hinkwavo va fa kan'we, endzhaku ka swona ku va ku avanyisiwa;

Luka 18:7

Loko xi ri Xikwembu, xana xi nga ka xi nga avanyiseri vahlawuriwa va xona, lava vitanaka eka xona nhlekanhi ni vusiku, hambi xi hlwela ku va rihisela xana?

Eklesiasta 3:2

Nkarhi wu kona wa ku velekiwa wu kona nkarhi wa ku fa, nkarhi wu kona wa ku simeka, wu kona nkarhi wa ku tsuvula leswi simekiweke.

Pisalema 94:23

U ta vuyisela ka vona ku homboloka ka vona, U ta va herisa hi vudyohi bya vona; Ina, Yehovha, Xikwembu xa hina u ta va herisa.

Pisalema 37:10

Ku sele nkarhinyana, kutani lowo biha a nga ka a nga ha vi kona; U ta lavisisa xivandla xa yena, kutani u ta va a nga ha ri kona.

Ntirho 14:14

Loko ngi munhu la feke a nga tlhela a hanya, A ndzi ta yingisela hi masiku hinkwawo ya tinyimpi ta mina, Ku fikela enkarhini lowu timhaka ta mina ti nga ta hundzuka.

Ntirho 14:5

Loko masiku ma hlayiwile, ni ntsengo wa tin'hweti ta yena loko wu tiviwile hi wena, Loko a vekiwile endzilakaneni wolowo, a nga ka a nga wu tluli.

Ntirho 7:1

“Vutomi bya munhu la emisaveni i matlhari; Masiku ya yena ma fana ni masiku ya munhu la thoriweke.

1 SAMIELE 24:15

Hosi ya Israele yi humile endzhaku ka mani xana? U landzela mani xana? I mbyana leyi feke, kumbe vutseka xana?

Vaheveru 10:30

Hikuva hi tiva la nga te: “Ku rihisa i ka mina; ndzi ta tirihisela ndzi ri mina, ku vula Hosi.” Na kona kambe u te: “Hosi yi ta avanyisa tiko ra yona.”

1 SAMIELE 24:12

Languta tatana, vona nguvu ya wena evokweni ra mina. Leswi ndzi xekeke nguvu ya wena ndzi nga ku dlayanga, tiva ni ku vona leswaku a ku na ku biha ni ku dlaya evokweni ra mina, ni leswaku a ndzi ku dyohelanga; kambe wena wa ndzi hlongorisa ku ndzi tekela vutomi.

1 SAMIELE 25:39

Davhida a twa leswaku Nabala u file, kutani a ku: “A ku katekisiwe Yehovha la kaneleke mhaka ya mina exisandzwini lexi Nabala a ndzi sandzeke ha xona, kutani a sivele nandza wa yena ku dyoha, Yehovha u tlherisile ku biha ka Nabala enhlokweni ya yena.” Kavaloko Davhida a rhuma vanhu eka Abigayele ku n'wi vutela yena.

1 SAMIELE 31:4

Kutani Sawulo a ku eka mutameri wa matlhari ya yena: “Hlomula banga ra wena u ndzi tlhava ha rona, leswaku lava nga yimbangiki va nga tshuki va ta ndzi tlhava, va tlanga ha mina.” Kambe mutameri wa matlhari ya yena a nga pfumelanga, hikuva a a chavile ngopfu. Kavaloko Sawulo a teka banga ra yena, a titlhava ha rona.