1 SAMIELE 23:9 - Xitsonga (Bibele)

⁹ Kambe Davhida a swi tiva leswaku Sawulo a a n'wi lava, kutani a ku eka Abiyatara, muprista: “Tisa efodi!”

BIBELE Mahungu Lamanene

⁹ Davhida a a swi tiva leswaku Sawulo ú le ku lukeni ka mano layo biha yo lwa na yena, kutani a byela muprista Abiyatara a ku: “Tisa nkwama wa ‘efodi’ haleno.”

1 SAMIELE 23:9 Referans Kwoze

1 SAMIELE 30:7

Davhida a ku eka Abiyatara, muprista, n'wana Ahimeleke: “Wa nga ndzi tisela efodi.” Kavaloko Abiyatara a tisa efodi eka Davhida.

1 SAMIELE 23:6

Kakuloko Abiyatara, n'wana Ahimeleke, a balekela eka Davhida eKeyila, efodi a yi ri evokweni ra yena.

Tinhlayo 27:21

U ta yima emahlweni ka Eliyazara, muprista, kutani yena u ta n'wi kombelela hi nawu wa Urimi, emahlweni ka Yehovha: hi ku lerisa ka yena, vana va Israele hinkwavo va ta huma, kambe hi ku lerisa ka yena, va ta tlhela va nghena.”

Timhaka 14:6

vona, loko va twa sweswo, va tsutsumela emitini yin'wana ya Likawoniya, yi nga Listra, na Derbe, ni le matikweni ya kona.

Timhaka 9:24

Kambe Sawulo a tivisiwa leswi va swi kaneleke. A va n'wi tumbelela etinyangweni ta muti, nhlikanhi ni vusiku leswaku va ta n'wi dlaya;

Yeremiya 33:3

Vitana eka mina, ndzi ta ku hlamula, ndzi ku komba leswikulu, leswi fihliweke, leswi u nga swi tiviki.

1 SAMIELE 22:20

Ku baleka un'wana wa vana va Ahimeleke, n'wana Ahituba, vito ra yena a a ri Abiyatara; a tsutsumela eka Davhida.

1 SAMIELE 14:18

Sawulo a ku eka Ahiya: “Tshineta areka ya Xikwembu!” Hikuva areka ya Xikwembu a yi ri kona siku lero ni vana va Israele.

1 SAMIELE 23:8

Kutani Sawulo a vitana tiko hinkwaro va huma nyimpi, va ta ngirimela eKeyila, va rhendzela Davhida ni vanhu va yena.

1 SAMIELE 23:10

Kutani Davhida a ku: “Yehovha, Xikwembu xa Israele, nandza wa wena u swi twile leswaku Sawulo a lava ku nghena eKeyila ku herisa muti hikwalaho ka mina.

1 TIHOSI 2:26

Loko a ri Abiyatara, muprista, hosi yi ku eka yena: “Suka u famba emasin'wini ya wena, eAnatoto, hikuva u fanekele hi rifu; kambe namuntlha a ndzi nga ku dlayi, hikuva u pingile areka ya Hosi Yehovha emahlweni ka Davhida, tata wa mina, kambe u tsongahatiwile na tatana, eku tsongahatiweni hinkwako ka yena.”

Hosiya 3:4

Hikuva hi masiku lamanyingi, vana va Israele va ta tshama va nga ri na hosi ni tihosana, va nga ri na magandzelo ni xifaniso, va nga ri na efodi na “titerafi”.

1 SAMIELE 10:22

Va engeta va vutisisa Yehovha, va ku: “Xana a ku tanga munhu un'wana?” Yehovha a ku: “Maswivo, u tumberile etinhundzwini.”