1 SAMIELE 23:4 - Xitsonga (Bibele)

⁴ Davhida a vutisa kambe Yehovha, kutani Yehovha a n'wi hlamula, a ku: “Pfuka, u ngirimela eKeyila, hikuva ndzi ta nyiketa Vafilista emavokweni ya wena.”

BIBELE Mahungu Lamanene

⁴ Kutani Davhida a engeta a ya vutisa mhaka leyi eka HOSI Xikwembu, xona xi n'wi hlamula xi ku: “Rhelela, u ya eKeyila, hikuva ndzi ta nyiketa Vafilista emavokweni ya wena.”

1 SAMIELE 23:4 Referans Kwoze

Vaavanyisi 7:7

Kutani Yehovha a ku eka Gidiyoni: “Ndzi ta mi lamulela hi vanhu lava va kapiteleke va madzana manharhu, ndzi ta nyiketa Vamidiyani emavokweni ya wena ha vona; van'wana hinkwavo a va titlhelele, un'wana ni un'wana ekaya ka yena.”

Yoxuwa 8:7

Loko mi ri n'wina, mi ta pfuka eku tumbeleni mi ta nghena emutini, kutani Yehovha Xikwembu xa n'wina, xi ta wu nyiketa emavokweni ya n'wina.

2 TIHOSI 3:18

Kambe i xilo lexitsongo emahlweni ka Yehovha, a ta engeta a nyiketa Mowabu emavokweni ya n'wina:

2 SAMIELE 5:19

Xana u ta va nyiketa emavokweni ya mina?” Yehovha a hlamula, a ku eka Davhida: “Tlhandluka, hikuva kunene ndzi ta nyiketa Vafilista emavokweni ya wena.”

1 SAMIELE 28:6

Sawulo a vutisa Yehovha, kambe Yehovha a nga n'wi hlamulanga nchumu, hambi ku ri milorhweni, hambi hi Urimi, hambi hi vaprofeta.

Vaavanyisi 6:39

Kutani Gidiyoni a ku eka Xikwembu: “Ku kariha ka wena ku nga tshuki ku ndzi pfurhela, ndza ha ta vulavula kan'we ntsena, ndzi ringeta kambe kan'we ntsena hi dzovo, ndzi ri: ‘Dzovo rona ri ri roxe a ri kumiwe ri omile, mberha yi wele hinkwako emisaveni.’ ”

1 SAMIELE 10:22

Va engeta va vutisisa Yehovha, va ku: “Xana a ku tanga munhu un'wana?” Yehovha a ku: “Maswivo, u tumberile etinhundzwini.”

1 SAMIELE 23:2

Kavaloko Davhida a vutisa Yehovha, a ku: “Xana ndzi ta ya hlasela Vafilista lava?” Yehovha a ku eka Davhida: “Famba, u ta hlula Vafilista kutani u ta ponisa Keyila.”

1 SAMIELE 23:3

Kambe vanhu va Davhida va ku eka yena: “Waswivo, ni haleno etikweni ra Yuda ha ha chava, kutani hi ta ku yini loko hi ya eKeyila, hi ya lwa ni tinyimpi ta Vafilista?”

1 SAMIELE 23:5

Sweswo Davhida a suka ni vanhu va yena, a ya eKeyila, a lwa ni Vafilista, a teka mitlhambi ya vona, a va hlula swinene. Sweswo Davhida a ponisa vaaki va Keyila.

1 SAMIELE 30:8

Kutani Davhida a vutisa Yehovha, a ku: “Loko ndzi landzela nyimpi leyi, ndzi ta yi kuma xana?” A ku eka yena: “Yi landze, hikuva kunene u ta yi kuma, u ta kutsula.”

2 SAMIELE 2:1

Endzhaku ka swona, Davhida a vutisa Yehovha, a ku: “Xana ndzi ta khandziyela emutini wun'wana wa Yuda xana?” Yehovha a ku eka yena: “Khandziya.” Davhida a ku: “Ndzi ta khandziyela kwihi xana?” Yehovha a ku: “EHebroni.”

Vaavanyisi 7:9

Hi vusiku byebyo, Yehovha a ku eka yena: “Yima, u ngirimela emixaxeni, hikuva ndzi yi nyiketile emavokweni ya wena.

1 TIKRONIKA 14:10

Kutani Davhida a vutisa Yehovha, a ku: “Xana ndzi ta tlhandluka ku ya lwa ni Vafilista; xana u ta va nyiketa emavokweni ya mina-ke?” Yehovha a n'wi hlamula, a ku: “Tlhandluka, ndzi ta va nyiketa emavokweni ya wena.”