1 SAMIELE 23:16 - Xitsonga (Bibele)

¹⁶ Kambe Yonatani n'wana Sawulo, a suka a ya eka Davhida exihlahleni, kutani a tiyisa mavoko ya yena eka Xikwembu.

BIBELE Mahungu Lamanene

¹⁶ Yonatani n'wana Sawulo a suka a ya eka Davhida le Horexe, a ya n'wi khongotela leswaku a tiyisela a tshemba Xikwembu.

1 SAMIELE 23:16 Referans Kwoze

2 Timotiya 2:1

Loko u ri wena, n'wananga, tiya matimba etintswalweni leti nga eka Yesu Kriste.

Vaefesa 6:10

Loko swi ri tano, tiyani eHosini ni le matimbeni ya yona lama nga tsandziwiki ha nchumu.

Luka 22:32

kambe mina ndzi ku khongelele, leswaku ku pfumela ka wena ku nga tshuki ku titivala. Kutani wena, loko u hundzukile, u ta tiyisa vamakwenu.”

1 SAMIELE 30:6

Davhida a a ri enhlomulweni lowukulu, hikuva vunyingi a byi ehleketa ku n'wi khandla hi maribye, hikuva mimoya ya vona hinkwavo a yi tele mbitsi, un'wana ni un'wana hikwalaho ka vana va yena. Kambe Davhida a lava matimba eka Yehovha, Xikwembu xa yena.

Luka 22:43

Kutani ntsumi yi humelela, yi huma etilweni, yi ta n'wi tiyisa.

Nehemiya 2:18

Kambe ndzi va hlamusela hilaha voko ra vunene bya Xikwembu xa mina ingi ri ri eka mina: ndzi va byela marito lawa hosi yi ma vulavuleke na mina, kutani va ku: “A hi sukeni hi aka,” kutani va titiyisa ku tirha ntirho wolowo wo saseka.

Swivuriso 27:9

Mafurha, ni leswi nun'hwelaka ku nandziha, swi tsakisa mbilu; Hi sweswo, ku lerisa loku humaka embilwini ya nakulobye, ka nandziha.

Swivuriso 27:17

Nsimbhi yi lota nsimbhi, Hi sweswo eka munhu, u hlohlotela vukari bya munhu.

Duteronoma 3:28

Lerisa Yoxuwa, u n'wi tiyisa, ni ku n'wi khongotela, hikuva hi yena la nga ta famba emahlweni ka tiko, ni loyi a nga ta va nyika tiko leri u nga ta ri vona, ri va ndzhaka ya vona.’

Ntirho 16:5

A ndzi ta va muhlamuri hi nomu wa mina, A ndzi ta mi tiyisa hi ku ndzakambula ka milomu ya mina.

Ezekiele 13:22

Leswi mi hlunamisaka moya wa lowo lulama hi mavunwa ya n'wina, kasi mina a ndzi n'wi hlunamisanga; ma tiyisa mandla ya lowo biha leswaku a nga hundzuki emikhuveni ya yena leyo biha ku kuma vutomi;

1 SAMIELE 23:15

Davhida a vona leswaku Sawulo a a humile ku lava vutomi bya yena, kutani a tshama emananga ya Zifi, exihlahleni.