1 SAMIELE 22:6 - Xitsonga (Bibele)

⁶ Kutani Sawulo a twa leswaku vanhu va tiva timhaka ta Davhida ni ta vanhu lava ngi va ri na yena. Kambe Sawulo a a tshamisile eGibeya, ehansi ka nkuhlu, exitsungeni; a a ri ni tlhari evokweni ra yena, ni malandza ya yena hinkwawo a ma yimile ekusuhi na yena.

BIBELE Mahungu Lamanene

⁶ Mahungu ya leswaku Davhida ni masocha ya yena va tiviwa lomu va nga kona, ma fika etindleveni ta Sawulo. Siku ra kona, Sawulo a a tshamile ehansi ka murhi wa “tamarisiki”, exitsungeni xa le Gibeya. A a tamerile tlhari ra yena, malandza ya yena hinkwawo ma yimile ma n'wi rhendzela.

1 SAMIELE 22:6 Referans Kwoze

1 SAMIELE 20:33

Kutani Sawulo a tlakusa tlhari ra yena ku n'wi tlhava ha rona; sweswi Yonatani a tiva leswaku mhaka yi tiyile eka tata wa yena ku dlaya Davhida.

1 SAMIELE 19:9

Kambe moya lowo biha lowu humaka eka Yehovha wu nghena eka Sawulo loko a tshamisile endlwini ya yena, a ri ni tlhari ra yena evokweni; Davhida a ri karhi a yimba haripa.

1 SAMIELE 18:10

Hi siku leri tlhandlamaka, moya lowo biha lowu rhumiwaka hi Xikwembu wu khoma Sawulo, kutani a bvumbha a ri endlwini ya yena, Davhida yena a a yimba haripa kukotisa siku rin'wana ni rin'wana, kambe Sawulo a a tamele tlhari evokweni ra yena.

Vaavanyisi 4:5

A a tshamisa ehansi ka ncindzu wa Debora, emaaveni ya Rhama na Betele, entshaveni ya Efrayimi. Kutani vana va Israele a va tlhandlukela eka yena ku ta avanyiseriwa kona.

Genesa 21:33

Kutani Abrahama a byala mikuhlu eBerexeba, a khongela kona vito ra Yehovha, Xikwembu xa mikarhi leyi nga heriki.

1 SAMIELE 14:2

Sawulo a a tshamile emakun'weni ya Gibeya, ehansi ka murhi wa girenada lowu nga eMigirono; kutani vanhu lava ngi va ri na yena a va ri 600.

1 SAMIELE 31:13

Kutani va teka marhambu ya vona, va ma yimbela ehansi ka nkanyi wa Yabexe; kutani va titsona swakudya masiku ya ntlhanu na mambirhi.