1 SAMIELE 22:3 - Xitsonga (Bibele)

³ Davhida a suka kona, a ya eMispe wa Mowabu; kutani a ku eka hosi ya Mowabu: “Wa nga pfumelela tatana na manana va tshama eka wena, ndzi ko ndzi tiva leswi Xikwembu xi nga ta endla swona ha mina.”

BIBELE Mahungu Lamanene

³ Loko a suka kona, Davhida a ya emutini wa Mispe le Mowabu, a ya vulavula ni hosi ya Mowabu, a ku: “Ndzi kombela leswaku u pfumelela tata wa mina ni mana wa mina ku huma ebakweni va ta laha ka n'wina Vamowabu, ndzi ko ndzi tiva makungu ya Xikwembu ehenhla ka mina.”

1 SAMIELE 22:3 Referans Kwoze

1 Timotiya 5:4

Kambe loko yi ri noni leyi nga ni vana, kumbe vatukulu, a va dyondze eku sunguleni ku hlayisa va yindlu ya vona, ni ku endlela vatswari va vona hilaha va nga endleriwa hakona, hikuva i xilo lexi amukelekaka emahlweni ka Xikwembu.

1 SAMIELE 14:47

Sawulo, kuteloko a nghenile evuhosini bya Israele a hlasela valala hinkwavo lava ngi va n'wi rhendzele, va ri Vamowabu, ni vana va Amoni, na Edomu, ni tihosi ta Soba, ni Vafilista; kutani hinkwako laha ingi a kongoma kona, a a ri muhluri.

1 SAMIELE 3:18

Kavaloko Samiele a n'wi byela hinkwaswo, a nga n'wi fihlelanga nchumu, Kutani Heli a ku: “Yehovha; a a endle hi ku twisisa ka yena.”

Rhuti 4:17

Kutani vavasati lava akeke na yena, va n'wi thya vito, va ku: “N'wana wa wandzisanyana u velekiwele Nahumi.” Kutani va n'wi thya Obede. Yena a va tata wa Yese, tata wa Davhida.

Rhuti 4:10

Ndzi xavile na Rhuti wa Mowabu, nsati wa Mahaloni, leswaku ndzi hlayisa rixaka ra loyi a feke, ri nga tshuki ri lova exikarhi ka vamakwavo, ni le hubyeni ya rikwavo. Mi timbhoni namuntlha.”

Vaavanyisi 11:29

Kutani moya wa Yehovha wu tela Yefta, a tsemakanya tiko ra Giliyadi na Manase, a hundza eMispa wa Giliyadi, a ya eka vana va Amoni.

Eksoda 20:12

“Xixima tata wa wena ni mana wa wena, leswaku masiku ya wena ma engeteriwa emisaveni leyi u yi nyikiwaka hi Yehovha, Xikwembu xa wena.

Genesa 47:11

Yosefa a akisa tata wa yena ni vamakwavo etikweni ra Egipta, a va nyika vuako lebyo nona etikweni ra Ramsese, hilaha Faro a nga lerisa hakona.

1 SAMIELE 22:2

Kavaloko vanhu hinkwavo lava nga eku chaveni, ni hinkwavo lava ingi va ri ni milandzu ni hinkwavo lava vavisekaka emimoyeni ya vona, va hlengeletana eka yena, kutani a va hosi ya vona. Vanhu lava lavaka ku va mune wa madzana a va ri na yena.

1 SAMIELE 22:4

Kavaloko a va tisa emahlweni ka hosi ya Mowabu; kutani va tshama eka yena hi masiku hinkwawo lawa Davhida a tshamaka ekhokholweni ha wona.

2 SAMIELE 8:2

Kutani a hlasela Vamowabu, a va etlerisa ehansi a va pima hi ngoti: lava ringanaka tingoti timbirhi a va dlaya, ni lava ringanaka ngoti yin'we a va hanyisa. Hi sweswo Vamowabu va fumiwa hi Davhida, va ta luva eka yena.