1 SAMIELE 22:2 - Xitsonga (Bibele)

² Kavaloko vanhu hinkwavo lava nga eku chaveni, ni hinkwavo lava ingi va ri ni milandzu ni hinkwavo lava vavisekaka emimoyeni ya vona, va hlengeletana eka yena, kutani a va hosi ya vona. Vanhu lava lavaka ku va mune wa madzana a va ri na yena.

BIBELE Mahungu Lamanene

² Vanhu hinkwavo lava a va xaniseka, ni hinkwavo lava a va ri ni milandzu ya mali, ni hinkwavo lava a va ri eku vileleni, va hlengeletana eka yena, kutani a hundzuka murhangeri wa vona. Vanhu lava va nga ya va ya tshama na yena, a va lava ku ringana 400.

1 SAMIELE 22:2 Referans Kwoze

Matewu 11:28

“Tanani eka mina n'wina hinkwenu lava karheleke, ni lava tikeriwaka, ndzi ta mi wisisa.

1 SAMIELE 30:6

Davhida a a ri enhlomulweni lowukulu, hikuva vunyingi a byi ehleketa ku n'wi khandla hi maribye, hikuva mimoya ya vona hinkwavo a yi tele mbitsi, un'wana ni un'wana hikwalaho ka vana va yena. Kambe Davhida a lava matimba eka Yehovha, Xikwembu xa yena.

1 SAMIELE 25:13

Kutani Davhida a ku eka vanhu va yena: “Un'wana ni un'wana a a tibohe banga ra yena!” Kutani hinkwavo va hloma, na yena Davhida a hloma. Kutani vanhu lava lavaka ku va 400 va tlhandluka na yena; kambe vanhu va 200 va salela tinhundzu.

1 SAMIELE 23:13

Kavaloko Davhida a suka ni vanhu va yena, va lava ku va vavanuna va 600, kutani va huma eKeyila va famba va rhendzeleka hilaha va swi kotaka hakona. Kutani va tivisa Sawulo leswaku Davhida u tsutsumile u suke eKeyila kutani a tshika ku humesa nyimpi.

1 SAMIELE 9:16

“Mundzuku, enkarhini wolowo, ndzi ta ku rhumela munhu wa tiko ra Benjamini, u ta n'wi chela hi mafurha leswaku a va mufambisi wa tiko ra mina ra Israele, kutani u ta ponisa tiko ra mina emavokweni ya Vafilista; hikuva ku huwelela ka rona ku fikile eka mina.”

1 SAMIELE 1:10

kambe Hana a a ri ni gome emoyeni wa yena, kutani a khongela Yehovha, a rila ngopfu, a ku:

Vaavanyisi 11:3

Kutani Yefta a baleka hi ku chava vamakwavo, a ya aka etikweni ra Toba, kutani vavanuna va swahava va hlengeletana eka yena, va huma nyimpi na yena.

Vaheveru 2:10

Hikuva a swi n'wi fanela, loyi hinkwaswo swi endleriweke yena, kambe swi endliwe hi yena, leswaku loko a lave ku yisa lavo tala eku vonakaleni, a hetisisa hi ku vaviseka, la nga n'wini wa ku hlayiseka ka vona.

Matewu 11:12

Kutani ku sungula enkarhini wa Yohane Mukhuvuri ku fika sweswi, ku fuma ka matilo ku ngheniwa hi matimba, kutani va matimba hi vona lava ku tekaka.

Swivuriso 31:6

Nyikani byalwa eka munhu loyi a faka, Ni vhinyo eka munhu wa mbilu ya nhlomulo,

2 TIHOSI 20:5

“Tlhela ka Hezekiya, mufambisi wa tiko ra mina, u ku eka yena: Yehovha, Xikwembu xa Davhida, tata wa wena, xi ku: ‘Ndzi yingisile xikhongelo xa wena, ndzi vonile mihloti ya wena, ndzi ta ku hanyisa. Siku ra vunharhu u ta tlhandlukela endlwini ya Yehovha.

2 SAMIELE 17:8

Kutani Huxayi a ku: “Wa tiva vunhenha bya tata wa wena ni bya vanhu va yena, va kariha kukotisa bere leyi lahlekeriweke hi vana va yona emananga. Kambe tata wa wena i wanuna wa nyimpi, kutani a nga ka a nga tshami ni tiko nivusiku.

2 SAMIELE 5:2

Khale, loko Sawulo a hi fuma, a a ri wena u tshamaka u humesa ni ku vuyisa Israele. Kutani Yehovha a ku eka wena: ‘Hi wena la nga ta risa tiko ra mina ra Israele; hi wena la nga ta va hosi ya Israele.’ ”

Vaavanyisi 18:25

Vana va Dani va ku eka yena: “U nga tshuki u twakarisa rito ra wena, hikuva kumbe vavanuna va timbilu leti karihaka va nga mi wela ehenhla, u va u tidlayisa ni va yindlu ya wena.”

1 SAMIELE 22:3

Davhida a suka kona, a ya eMispe wa Mowabu; kutani a ku eka hosi ya Mowabu: “Wa nga pfumelela tatana na manana va tshama eka wena, ndzi ko ndzi tiva leswi Xikwembu xi nga ta endla swona ha mina.”

2 TIHOSI 4:1

Kutani wansati exikarhi ka vasati va vana va vaprofeta a huwelela eka Elixa, a ku: “Nandza wa wena, la ngi a ri nuna wa mina, u file; Wa swi tiva leswaku a a ri munhu la chavaka Yehovha. Kambe loyi a n'wi lombeke u tile ku teka vana va mina vambirhi a ta va endla makhumbi ya yena.”