1 SAMIELE 21:9 - Xitsonga (Bibele)

⁹ Muprista a ku: “Ku ni banga ra Goliyadi, Mufilista, loyi u n'wi dlayeke enkoveni wa mikanyi, hi rona, ri phutseriwile engubyini endzhaku ka efodi; loko u rhandza ku ri teka, ri teke, hikuva a ku na rin'wana kwala.” Kutani Davhida a ku: “A ku na rin'wana leri fanaka na rona, ndzi nyikete rona.”

BIBELE Mahungu Lamanene

⁹ Kutani muprista a hlamula a ku: “Laha ku ni banga ra Goliyadi, Mufilista loyi u nga n'wi dlaya eka Nkova-wa-Nkuhlu, ri le ndzhaku ka swiambalo swa vaprista, ri phutseriwile hi nceka; loko u ri lava ri teke, hikuva a ku na rin'wana kwala, hi rona ntsena.” Kwalaho Davhida a ku: “Ndzi nyikete rona, hikuva ku hava leri fanaka na rona.”

1 SAMIELE 21:9 Referans Kwoze

1 SAMIELE 17:2

Sawulo ni vavanuna va Israele va hlengeletana na vona; va ya gova enkoveni wa mikanyi, kutani va huma nyimpi, va langutene ni Vafilista.

1 SAMIELE 31:10

Va veka matlhari ya yena endlwini ya Astarte, kutani va hayeka ntsumbu wa yena erirhangwini ra Beta-Xani.

1 SAMIELE 21:8

Kutani Davhida a ku eka Ahimeleke: “Xana a ku na tlhari, hambi ri ri banga ekusuhi na wena-ke? Hikuva a ndzi tekanga banga ra mina, hambi ma ri matlhari ya mina, hikuva mhaka ya hosi yi ndzi hatlisele.”

1 SAMIELE 22:10

Kutani Ahimeleke u n'wi vutisisile Yehovha a n'wi nyika timbuva, kambe u n'wi nyika ni banga ra Goliyadi, Mufilista.”