1 SAMIELE 21:5 - Xitsonga (Bibele)

⁵ Davhida a hlamula a ku eka muprista: “Ku ni masiku manharhu leswi hi nga riki na vavasati, loko swi ri swibya swa vanhu va mina swi basile; kutani, hambi ndlela leyi yi nga basanga, yi ta kwetsimisiwa namuntlha hi swibya.”

BIBELE Mahungu Lamanene

⁵ Davhida a hlamula muprista a ku: “Ndza tiyisa leswaku a hi hlangananga ni vavasati; hi wona nawu loko ndzi huma nyimpi ni masocha ya mina; hambiloko hi teka riendzo leritsongo, masocha ya mina ni swilo swa wona swi tshama swi hlawulekile; xana leswi namuntlha ri nga riendzo lerikulu, swi nga va swi nga hlawulekanga ha yini xana?”

1 SAMIELE 21:5 Referans Kwoze

Timhaka 9:15

Kambe Hosi yi ku eka yena: “Yana, hikuva loyi, i khuwana leri ndzi tihlawuleleke rona, ku yisa vito ra mina eka vamatiko, ni ka tihosi, ni ka vana va Israele;

Levhitika 24:9

Swi ta va swa Aroni ni vana va yena, va ta swi dya exivandleni lexo hlawuleka hikuva i xilo lexi hlawulekeke ngopfu eka vona, lexi pamburiweke emihlengweni leyi humeseriwaka Yehovha hi ndzilo. I ku lerisa loku nga heriki.”

Levhitika 8:26

A engeta a teka ni ximbundzu lexi nga riki na comela, ni ximbundzu lexi pfuviweke hi mafurha, ni xinkwa xa ximphampha exirhundzwini xa swimbundzu leswi nga emahlweni ka Yehovha; a swi veka ehenhla ka mafurha ni le henhla ka voko ra xinene;

1 Petro 3:17

Hikuva loko ku ri ku rhandza ka Xikwembu leswaku mi twisiwa ku vava, swi nga tlula hi loko mi ku yingisela mi ri karhi mi endla swinene ku nga ri ku endla swo biha.

1 Vakorinto 7:5

Mi nga tshuki mi tsonana, loko ku nga ri hi ku pfumelelana, hi nkarhi wun'wana, loko mi rhandza ku titsona swakudya ni ku khongela, kutani ndzhaku, mi tlhela mi hlangana, Satana a nga ti tshuka a mi ringa hi ku navela ka n'wina loku mi hlulaka.

Eksoda 19:14

Kutani Muxe a ngirimela entshaveni, a ya eka tiko, a basisa tiko, vona va hlantswa tinguvu ta vona.

Eksoda 19:15

Muxe a ku ta tiko: “Tilunghiseleni siku ra vunharhu; mi nga tshuki mi vundzamana ni vavasati.”

Eksoda 25:30

U ta veka etafuleni vuswa bya xikombiso, byi va kona hi masiku hinkwawo.