1 SAMIELE 21:11 - Xitsonga (Bibele)

¹¹ Kutani malandza ya Akixi ma ku eka yena: “Loyi a hi Davhida hosi ya tiko xana? A hi yena loyi va n'wi yimbeleleke tinsin'wini, va ku: “ ‘Sawulo u dlele khume ra madzana! Kambe Davhida u dlele dzana ra madzana!’ ”

BIBELE Mahungu Lamanene

¹¹ Malandza ya Akixi ma ku ka yena: “Xana loyi a hi Davhida hosi ya tiko ra Israele, yena loyi a va n'wi khanela, va ri karhi va yimbelela swin'we, va ku: “ ‘Sawulo ú dlele magidi ya vanhu, Davhida ú dlele va magidi-gidi!’ xana?”

1 SAMIELE 21:11 Referans Kwoze

1 SAMIELE 29:5

A hi Davhida loyi va nga hlamulana eku cineni, va n'wi dzunisa, va ku: “ ‘Sawulo u dlele khume ra madzana, Kambe Davhida u dlele dzana ra madzana!’?”

1 SAMIELE 16:1

Yehovha a ku eka Samiele: “U ta rila Sawulo ku yisa kwihi-ke, loko mina ndzi n'wi cukumetile leswaku a nga ha fumi Israele? Tata rimhondzo ra wena hi mafurha, u famba; ndza ku rhuma eka Yese wa Betlehema hikuva ndzi vonile exikarhi ka vana va Yese loyi a faneleke ku va hosi.”

1 SAMIELE 19:18

Davhida a tsutsuma a baleka, kutani a ya eka Samiele eRhama; a ya n'wi byela hinkwaswo leswi Sawulo a n'wi endleke. Kavaloko va suka yena na Samiele va ya aka eNayoto.

1 SAMIELE 27:1

Kutani Davhida a ehleketa embilwini ya yena, a ku: “Ndzi ta dlawa siku rin'wana hi mavoko ya Sawulo; a ndzi na ku endla kun'wana loko ku nga ri ku tsutsumela etikweni ra Vafilista; Sawulo a ta tshika ku ndzi lava etikweni hinkwaro ra Israele; sweswo ndzi ta chupuka evokweni ra yena.”

1 SAMIELE 27:2

Kavaloko Davhida a pfuka a ri ni vanhu va yena va 600 kutani va kongoma eka Akixi, n'wana Mawoko, hosi ya Gati.

Pisalema 34:1

Ndzi ta twarisa Yehovha hi masiku hinkwawo; Ku dzunisa ka yena ku ta va enon'wini wa mina hi masiku.