1 SAMIELE 20:3 - Xitsonga (Bibele)

³ Kutani Davhida a hlambanya kambe, a ku: “Tata wa wena wa swi tiva swinene leswaku ndzi kumile tintswalo emahlweni ka wena, kutani u te: ‘Yonatani a nga tshuki a swi tiva, leswaku swi nga n'wi dyisi mbitsi!’ Kambe Yehovha wa hanya, ni moya wa wena wa hanya: ku ni nkondzo wun'we ntsena exikarhi ka mina ni ku fa.”

BIBELE Mahungu Lamanene

³ Kambe Davhida a tiyisa hi ku hlambanya, a ku: “Tata wa wena wa swi tiva swinene leswaku u ndzi kombile tintswalo letikulu; kutani ú ri: ‘Yonatani a nga tshuki a twa mhaka leyi, hikuva yi nga n'wi vavisa mbilu.’ Kambe mina ndzi tiyisa hi ku hlambanya emahlweni ka HOSI Xikwembu lexi hanyaka ni le mahlweni ka wena, ndzi ri: Sirha ri ndzi ahlamele!”

1 SAMIELE 20:3 Referans Kwoze

2 TIHOSI 2:6

Kutani Eliya a ku eka yena: “Wa nga tshama la, hikuva Yehovha a ndzi rhuma eYordani.” Yena a hlamula, a ku: “Yehovha wa hanya ni moya wa wena wa hanya, ndzi nga ka ndzi nga ku tshiki.” Kutani va famba swin'we.

1 SAMIELE 27:1

Kutani Davhida a ehleketa embilwini ya yena, a ku: “Ndzi ta dlawa siku rin'wana hi mavoko ya Sawulo; a ndzi na ku endla kun'wana loko ku nga ri ku tsutsumela etikweni ra Vafilista; Sawulo a ta tshika ku ndzi lava etikweni hinkwaro ra Israele; sweswo ndzi ta chupuka evokweni ra yena.”

1 SAMIELE 25:26

Kutani sweswi, hosi yanga, Yehovha wa hanya, ni moya wa wena wa hanya, Yehovha u ku sivele ku halata ngati ni ku tirihisela hi voko ra wena. Sweswi, valala va wena, ni lava lavelaka hosi yanga swo biha, a va kotise Nabala!

Duteronoma 6:13

“U ta chava Yehovha, Xikwembu xa wena, u xi tirhela, ni ku hlambanya hi vito ra xona.

2 TIHOSI 2:4

Kutani Eliya a ku eka yena: “Wa nga tshama la, wee Elixa, hikuva Yehovha a ndzi rhuma eYeriko.” Yena a hlamula, a ku: “Yehovha wa hanya, ni moya wa wena wu hanya, ndzi nga ka ndzi nga ku tshiki.” Kavaloko va fika eYeriko.

2 TIHOSI 2:2

Eliya a ku eka Elixa: “Tshama la, hikuva Yehovha u ndzi rhumela eBetele.” Elixa a ku: “Yehovha wa hanya, ni moya wa wena wa hanya, ndzi nga ka ndzi nga ku tshiki.

1 SAMIELE 1:26

Kavaloko wansati a ku: “Ha! Hosi yanga, hi lahla moya wa wena wu hanyaka hakona, hi mina wansati loyi ingi a yimile kwala emahlweni ka wena, a khongela Yehovha.

Vaheveru 6:16

Hikuva loko va ri vanhu, va hlambanya hi loyi a va tlulaka hi vukulukumba, kutani ku kanetana hinkwako ka vona ku hela eku hlambanyeni loku tiyisaka timhaka.

Yeremiya 38:16

Kutani hosi Sedekiyasi a hlambanyela Yeremiya exihundleni, a ku: “Ha Yehovha la hanyaka, la hi nyikeke vutomi, a ndzi nga ku dlayi, hambi ku ri ku ku nyiketa emandleni ya vanhu lava lavaka vutomi bya wena!”

Yeremiya 4:2

Loko u hlambanya hi swinene, ni ku tiyisa, ni ku lulama u ku: ‘Yehovha wa hanya,’ matiko ma ta kateka ha yena, ma tidzunisa ha yena.”

Pisalema 116:3

Mapindza ya rifu a ma ndzi tsondzerile, Maxangu ya sirha a ma ndzi khomile, A ndzi kumile ni gome ni ku vaviseka,

2 SAMIELE 15:21

Itayi a hlamula a ku eka hosi: “Yehovha wa hanya, ni hosi n'wini wanga, wa hanya, leswaku laha hosi, n'wini wa mina, a nga ta va kona, hambi ku ri eku feni, hambi ku ri eku hanyeni, nandza wa wena u ta va kona.”

1 SAMIELE 17:55

Kakuloko Sawulo a vona Davhida a huma ku ya hlangana ni Mufilista, a ku eka Abinere, ndhuna ya nyimpi: “Wandzisanyana loyi i n'wana mani, Abinere?” Abinere a hlamula, a ku: “Hi ku hanya ka wena, wee hosi, a ndzi n'wi tivi.”

Duteronoma 28:66

Vutomi bya wena byi ta va lebyi nga tiyiki emahlweni ka wena; u ta rhurhumela vusiku ni nhlekanhi, kambe u nga ka u nga tshembi vutomi bya wena.

1 SAMIELE 20:2

Yonatani a ku: “A hi swona! U nga ka u nga fi! Waswivo, tatana a nga endli nchumu, hambi xi ri lexikulu hambi lexitsongo, a nga ndzi tivisanga; xana tatana a nga ndzi fihlelela yini mhaka leyi? A swi tano.”

1 SAMIELE 20:4

Yonatani a ku eka Davhida: “Mbilu ya wena yi ri yini? Ndzi ta ku endlela swona.”