1 SAMIELE 20:1 - Xitsonga (Bibele)

¹ Kutani Davhida a suka eNayoto wa Rhama; a ya humelela eka Yonatani, a ku eka yena: “Ndzi endle yini xana? Nandzu wa mina hi wihi, kambe ndzi dyohele tata wa wena hi yini, leswi a lavaka vutomi bya mina?”

BIBELE Mahungu Lamanene

¹ Davhida a tsutsuma a suka eNayoto le Rhama, a ya eka Yonatani, a fika a n'wi vutisa a ku: “Ndzi onhile yini xana? Nandzu wa mina hi wihi ke? Xana tata wa wena ndzi n'wi dyohele yini, leswi a lavaka ku ndzi dlaya xana?”

1 SAMIELE 20:1 Referans Kwoze

2 Petro 2:9

naswona, Hosi yi tiva ku kutsula emiringweni lava nga ni xichavo, ni ku hlayisela lavo homboloka ku biwa hi siku ra ku avanyisa;

1 Yohane 3:21

Varhandziwa, loko timbilu ta hina ti nga hi avanyisi, hi ni ku tshemba loku tiyeke eka Xikwembu.

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

1 SAMIELE 24:17

Kuteloko Davhida a hetile ku byela Sawulo marito lawa, Sawulo a ku: “Xana i rito ra wena, Davhida, n'wananga?” Kutani Sawulo a tlakusa rito a rila.

1 SAMIELE 24:11

Wa swi vona sweswi hi mahlo ya wena leswaku Yehovha a a ku nyiketile emavokweni ya mina ebakweni. Va ndzi byele ku ku dlaya, kambe ndzi ku tsetselerile, ndzi ku: ‘Ndzi nga ka ndzi nga tlakusi voko ra mina ehenhla ka hosi ya mina, hikuva u muhlawuriwa wa Yehovha.’

1 SAMIELE 24:9

Endzhaku ka swona, Davhida a pfuka a huma ebakweni kutani a huwelela endzhaku ka Sawulo, a ku: “Oho hosi! Hosi yanga!” Sawulo a languta endzhaku ka yena, kutani Davhida a korhama ehansi hi mombo wa yena, a khinsama.

1 SAMIELE 12:3

Hi mina loyi; ndzi landzuleni emahlweni ka Yehovha, ni le mahlweni ka muhlawuriwa wa yena: Ndzi tekile homu ya mani xana? Ndzi tekile mbhongolo ya mani xana? Ndzi dyelele mani? Ndzi xanisile mani? Ndzi khandlile mani? Ndzi amukerile tinyiko emavokweni ya mani leswaku ndzi pfala mahlo ehenhla ka yena ndzi ta mi tlherisela swona!”

1 SAMIELE 20:2

Yonatani a ku: “A hi swona! U nga ka u nga fi! Waswivo, tatana a nga endli nchumu, hambi xi ri lexikulu hambi lexitsongo, a nga ndzi tivisanga; xana tatana a nga ndzi fihlelela yini mhaka leyi? A swi tano.”

Pisalema 54:3

Hikuva va tiko rin'wana va ndzi pfukele matimba, Vanhu lava levaka va lava vutomi bya mina; A va vekangi Xikwembu emahlweni ka vona.

1 SAMIELE 19:1

Sawulo a vulavula na Yonatani, n'wana wa yena, ni malandza hinkwawo ya yena, a ku: “Ndzi lava ku dlaya Davhida”; kambe Yonatani, n'wana Sawulo, a a rhandza ngopfu Davhida;

1 SAMIELE 19:18

Davhida a tsutsuma a baleka, kutani a ya eka Samiele eRhama; a ya n'wi byela hinkwaswo leswi Sawulo a n'wi endleke. Kavaloko va suka yena na Samiele va ya aka eNayoto.

1 SAMIELE 20:32

Yonatani a hlamula a ku eka Sawulo, tata wa yena: “U ta fela yini-ke? U endle yini xana?”

1 SAMIELE 24:12

Languta tatana, vona nguvu ya wena evokweni ra mina. Leswi ndzi xekeke nguvu ya wena ndzi nga ku dlayanga, tiva ni ku vona leswaku a ku na ku biha ni ku dlaya evokweni ra mina, ni leswaku a ndzi ku dyohelanga; kambe wena wa ndzi hlongorisa ku ndzi tekela vutomi.

1 SAMIELE 26:18

A ku: “Xana hosi yanga yi hlongorisela yini sweswo nandza wa yena? Hikuva ndzi endle yini xana? Ku dyoha ku kwihi evokweni ra mina xana?