1 SAMIELE 2:9 - Xitsonga (Bibele)

⁹ “Wa hlayisa mikondzo ya lava n'wi rhandzaka, Kambe lavo biha va miyela emunyameni; Hikuva munhu a nga ka a nga kurisiwi hi matimba.

BIBELE Mahungu Lamanene

⁹ HOSI yi ta hlayisa vutomi bya lava va yi tshembaka, kambe lavo biha va ta nyamalala emunyameni, hikuva munhu a nga ka a nga khani hi matimba ya yena.

1 SAMIELE 2:9 Referans Kwoze

Pisalema 121:3

A nga ka a nga pfumeri leswaku nenge wa wena wu rhetemuka, A nga khudziheri, muhlayisi wa wena!

1 Petro 1:5

hina hi laveleriwaka hi matimba ya Xikwembu, hi ku pfumela, leswaku hi ta nyikiwa ku hlayiseka loku lunghiseriweke ku humelela enkarhini wa makumu.

Zakariya 4:6

Kutani a ndzi byela, a ku: “I rito ra Yehovha eka Zerubabele, ri nge: Ku nga ka ku nga vi hi nyimpi ni matimba, kambe hi Moya wa mina, ku vula Yehovha wa tinyimpi!

Pisalema 97:10

N'wina lami rhandzaka Yehovha, vengani leswo biha! U hlayisa mimoya ya vakwetsimi va yena, U va kutsula emavokweni ya lavo biha.

Pisalema 94:18

Kakuloko ndzi ku: “Nenge wa mina wu rhetemuka!” Vunene bya wena, Yehovha, byi ndzi seketela.

Pisalema 37:28

Hikuva Yehovha u rhandza ku lulama, A nga ka a nga tshiki lava n'wi rhandzaka, Va hlayisiwa hi masiku. Kambe vana va lavo biha va ta herisiwa.

Ntirho 5:24

U ta kuma ku rhula entsongeni wa wena, U ta kamba matshanga ya wena kutani u nga pfumali nchumu.

Duteronoma 33:3

Kunene, wa rhandza matiko; Vahlawuriwa va yena hinkwavo va le vokweni ra yena; Vona va tshama emilengeni ya wena, Va amukela marito ya wena.

Swivuriso 16:9

Mbilu ya munhu yi tikanelela ndlela; Kambe i Yehovha la lulamisaka mikondzo ya yena.

Pisalema 121:8

Yehovha u ta ku sirhelela eku sukeni ni le ku fikeni ka wena, Ku sungula sweswi, ni ku fika ni makumu.

2 Petro 2:17

Valavo, i swihlovo leswi nga riki na mati, mapapa lama susumetiwaka hi xidzedze; kambe munyama lowu chavisaka hi ntima, wu hlayiseriwa vona hilaha ku nga heriki.

Matewu 8:12

Kambe vana va ku fuma va ta cukumetiwa ehandle emunyameni, laha mikosi yi nga ta va kona ni ku getsela ka meno.”

Sofoniya 1:15

Siku rolero! Siku ra vukari, i siku ra khombo ni ra nhlomulo, i siku ra ku onha ni ra ku onhaka, i siku ra munyama lowa ntima, i siku ra mapapa ni ra munyama lowa ntima!

Eklesiasta 9:11

Ndzi tlherile kambe ndzi vona ehansi ka dyambu leswaku eku siyisaneni, switsutsumi a swi siyi van'wana hi masiku kumbe tinhenha a ti hluri hi masiku ni swakudya a hi swa lavo tlhariha hi masiku, ni rifuwo a hi ra lava nga ni ku twisisa hi masiku, ni ku fundziwa a hi ka tintlhari hi masiku, hikuva nkarhi ni khombo, i swa hinkwavo.

Swivuriso 3:26

Hikuva Yehovha u ta va xitshembo xa wena, U ta ponisa nenge wa wena entlhan'wini.

Eklesiasta 5:17

Kutani u dya hi masiku hinkwawo vuswa bya yena emunyameni, a ri ni tingana letikulu, a karihile hi ku vaviseka ka yena.

Swivuriso 2:8

U tiyisa mitila ya lava fambaka hi mfanelo, U hlayisa ndlela ya lava n'wi rhandzaka.

Pisalema 121:5

Yehovha i muhlayisi wa wena, Yehovha i ndzhuti wa wena evokweni ra xinene ra wena.

Yuda 1:13

I magandlati lama levaka ya lwandle, lama tlhutlhaka khuvi, swi nga swisandzu swa vona; i tinyeleti leti lahlekeke, leti lunghiseriweke ntima wa munyama hilaha ku nga heriki.

Yuda 1:3

Varhandziwa, loko ndzi ri karhi ndzi chivirikela ku mi tsalela timhaka ta ku hlayiseka loku hi ku averiweke swin'we, a swi ndzi fanerile ku mi tsalela leswaku ndzi mi khongotela, ndzi ku: Mi lwela ku pfumela loku vakwetsimi va ku nyikiweke kan'we.

Yuda 1:1

Yuda, nandza wa Yesu Kriste, makwa Yakobo; Eka lava vitiweke va nga lava hlawuriweke hi Xikwembu Tatana, lava hlayisiwaka hi Yesu Kriste:

Varhoma 3:19

Kambe ha swi tiva leswaku hinkwaswo leswi vuriwaka hi nawu, swi byeriwa lava nga enawini, leswaku milomu hinkwayo yi siviwa; vanhu hinkwavo va ta kumiwa va ri ni nandzu emahlweni ka Xikwembu.

Yeremiya 9:23

Yehovha u vurisile, a ku: “La nga ni vutlhari a nga tshuki a tidzunisa hi vutlhari bya yena, la nga ni matimba a nga tidzunisi hi matimba ya yena; na yena mufuwi a nga tidzunisi hi rifuwo ra yena;

Yeremiya 8:14

Hi tshamisela yini kwala? Hlengeletanani, hi ta nghena emitini ya makhokholo, hi fa kona, hikuva Yehovha, Xikwembu xa hina, u ta hi lovisa, u hi nwisile mati lama bavaka, hikuva hi dyohele Yehovha.

Ntirho 5:16

Ku tshemba ku ta tlhelela eka loyi a tsaneke, Kasi ku homboloka ku siviwa milomu.

Tinhlayo 6:24

“ ‘Yehovha a a ku katekise, a a ku hlayise.

Pisalema 31:17

Yehovha, ndzi nga tshuki ndzi khomiwa hi tingana, hikuva ndzi ku khongele; Lavo homboloka vona a va khomiwe hi tingana, A va xike va miyela exivandleni xa vafi!

Esaya 27:3

Hi mina Yehovha la yi hlayisaka; ndzi ta yi cheleta hi mikarhi hinkwayo ndzi yi hlayisa vusiku ni nhlekanhi leswaku munhu a nga ngheni eka yona.

1 SAMIELE 25:26

Kutani sweswi, hosi yanga, Yehovha wa hanya, ni moya wa wena wa hanya, Yehovha u ku sivele ku halata ngati ni ku tirihisela hi voko ra wena. Sweswi, valala va wena, ni lava lavelaka hosi yanga swo biha, a va kotise Nabala!

Ntirho 18:18

U ta hlongoriwa eku vonakaleni, a ya emunyameni, A susiwa emisaveni leyi akiweke.

Ntirho 40:13

U va lahla hinkwavo entshurini, U yimbela mimombo ya vona emunyameni!

Pisalema 1:6

Hikuva Yehovha u tiva ndlela ya lavo lulama, Kambe ndlela ya lavo homboloka yi helela eku onhakeni.

Pisalema 105:37

Kutani a humesa Vaisraele va tekile silivhere ni nsuku, Ku nga ri na munhu la tsekatsekaka etinxakeni ta vona.

Pisalema 145:20

Yehovha u londzovota hinkwavo lava n'wi rhandzaka, Kambe wa lovisa lavo biha hinkwavo.

Esaya 47:5

Tshamisa, u ku ntsee, u nghena emunyameni, nhwanyana wa Vakalediya! Hikuva va nga ka va nga ha ku vuri mufumi wa matiko.

Nahume 1:8

U ta lovisa xivandla xa Ninivha hi ndhambi leyi kukutaka, kutani lava nga valala eka yena u ta va pfalela emunyameni.