1 SAMIELE 2:8 - Xitsonga (Bibele)

⁸ Wa pfuxa mupfumari ethyakeni, Ku va tshamisa ni tihosi, Ni ku va avela swiluvelo swa ntwalo. Hikuva masungulo ya misava i ya Yehovha; U tiyisile misava ehenhla ka wona.

BIBELE Mahungu Lamanene

⁸ HOSI yi humesa xisiwana entshurini, yi pfuxa mupfumari etaleni, yi va tshamisisa ni tinganakana, va nyikiwa xiyimo xa vuchaviseki, hikuva masungulo ya misava i ya HOSI, yi akile ntumbuluko ehenhla ka wona.

1 SAMIELE 2:8 Referans Kwoze

Daniele 2:48

Kutani hosi yi kurisa Daniele, yi n'wi avela tinyiko leto tala ta nkoka; yi n'wi veka mufumi wa tiko hinkwaro ra Babilona, yi n'wi endla ni ndhuna ya tintlhari hinkwato ta Babilona.

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

Daniele 6:3

Loko a ri Daniele, a hundza tindhuna ni masatrapi hikuva a a ri ni moya lowu hlamarisaka kambe hosi yi anakanya ku n'wi veka ehenhla ka ku fuma hinkwako.

Nhlavutelo 1:6

Eka loyi a hi rhandzeke, la nga hlantswa swidyoho swa hina hi ngati ya yena a va a endla tiko ha hina ni vaprista va Xikwembu, Tata wa yena eka yena a ku ve ku kwetsima ni matimba, hi masiku ni masiku Amen!

Eklesiasta 4:14

Hikuva a nga fuma a humile endlwini ya vabohiwa kumbe xi ri xisiwana eku fumeni ka yena.

1 SAMIELE 15:17

Samiele a ku: “Hambi u tiringanisa lontsongo, a ku vekiwanga hosi ya tinyimba ta Israele, kutani Yehovha a nga ku chelanga hi mafurha leswaku u va hosi ya Israele xana?

Nhlavutelo 22:5

Kutani vusiku a byi nga ha vi kona, a va nga ha pfumari ku vonakala ka rivoni, hambi ku ri ku vonakala ka dyambu, hikuva Hosi Xikwembu xi ta va voningela, kutani va ta fuma hi masiku ni masiku.

Nhlavutelo 5:10

kambe u va vekile tihosi ni vaprista eka Xikwembu xa hina, kutani va ta fuma emisaveni.”

2 SAMIELE 7:8

Sweswi, u ta ya vurisa sweswo eka Davhida nandza wanga, u ku: ‘Yehovha wa mavandla u te: Ndzi ku tekile ematshangeni, exikarhi ka tinyimpfu leswaku u va mufambisi wa Israele, tiko ra mina;

Nhlavutelo 3:21

“ ‘Loyi a nga ta hlula, ndzi ta n'wi nyika ku tshama na mina exiluvelweni xa mina, kukotisa loko na mina ndzi hlurile, kutani ndzi tshamile na Tatana exiluvelweni xa yena.

Vaheveru 1:3

yena yeloyi a nga ku vonakala ka ku kwetsima ka xona, ni xivumbeko xa xiviri xa xona, la tamelaka swilo hinkwaswo hi rito ra yena ra matimba kuteloko a hlantswile swidyoho swa hina hi xiviri xa yena, u tshamile evokweni ra xinene ra vukulukumba bya le henhla,

Pisalema 104:5

U tiyisile misava emasungulweni ya yona, Yi nga ka yi nga tsekatseki ni siku ni rin'we.

Pisalema 102:25

I khale u vekile masungulo ya misava, Ni matilo, i ntirho wa mavoko ya wena,

Pisalema 24:2

Hikuva u yi sungurile ehenhla ka malwandle, U yi tiyisile ehenhla ka milambu.

Genesa 41:14

Kavaloko Faro a rhuma ku ya vitana Yosefa; kutani va ta hatlisa va n'wi humesa ekhotsweni; va n'wi byewula, a ambala tinguvu tin'wana, a ta eka Faro.

Ntirho 2:8

Kutani a ba Yobo hi marhumba layo vavisa, ku suka emikondzweni ku fika enhlokweni. Yobo a lava xirhengele ku tinwaya ha xona, a tshamile enkumeni.

Genesa 41:40

Hi wena la nga ta va hosi ya yindlu ya mina, kutani tiko ra mina hinkwaro ri ta fumiwa hi nomu wa wena; ntsena ndzi ta va nkulukumba eka wena, hi xiluvelo xa mina.”

Daniele 4:17

Ku avanyisa kuloko ku huma emakungwini ya valanguteri mhaka yoleyi yi lerisiwile hi vahlawuriwa, leswaku lava hanyaka va tiva leswaku La nge henhlahenhla u ni ku fuma ehenhla ka vuhosi bya vanhu, ni leswaku u byi nyika loyi a rhandzaka ku n'wi nyika byona, ni leswaku a nga tlakusela eka byona la hundzisaka hi vutsongo.’

1 TIHOSI 16:2

“Ndzi ku humesile entshurini ndzi ku vekile mufambisi wa tiko ranga ra Israele; kambe, leswi u fambeke endleleni ya Yerobuwamu, u dyohiseke tiko ranga ra Israele ku ndzi hlundzukisa hi swidyoho swa vona;

2 TIHOSI 9:6

Kutani Yehu a pfuka a nghena ekamareni, nandza wa muprofeta a chela mafurha enhlokweni ya yena, a ku: “Yehovha, Xikwembu xa Israele u vurisile, a ku: ‘Ndzi ku cherile hi mafurha leswaku u va hosi ya Israele, etikweni ra Yehovha.

Ntirho 1:21

“Ndzi humile ekhwirini ra manana ndzi ri hava nchumu, ndzi ta tlhelela kona ndzi ri hava nchumu. Yehovha u ndzi nyikile, Yehovha u tlhele a teka; a ku dzunisiwe vito ra Yehovha!”

Pisalema 75:3

Misava yi tsekatseka ni hinkwavo lava akeke eka yona, Mina ndza tiyisa timhandze ta yona.

Pisalema 75:7

Kambe i Xikwembu lexi avanyisaka; Xi tsongahata un'wana, xi tlakusa un'wanyana.

Pisalema 107:41

Kambe a tlakusa mpfumari ekhombyeni ra yena, A endla mindyangu kukotisa loko ngi i mitlhambi ya tinyimpfu.

Esaya 22:23

Ndzi ta n'wi tlhoma kukotisa mhingu laha ku tiyeke; u ta va xitshamo lexi kwetsimaka endlwini ya tata wa yena.

Pisalema 75:4

Ndzi ku eka lava tidzunisaka: “Mi nga tshuki mi tidzunisa!” Ni ka timbabva: “Mi nga tlakusi tinhloko!”