1 SAMIELE 2:3 - Xitsonga (Bibele)

³ Mi nga ha tarisi marito ya n'wina ya ku tikurisa; Ku tikukumuxa ku nga ha humi emilon'wini ya n'wina; Hikuva Yehovha i Xikwembu lexi nga ni vutivi, Hi yena la ringanisaka maendlelo ya vanhu.

BIBELE Mahungu Lamanene

³ Mi nga ha yi emahlweni mi tidzunisa, marito ya ku tikurisa ma nga ha humi emilon'wini ya n'wina, hikuva HOSI i Xikwembu xa vutivi, lexi kambisisaka mintirho ya vanhu.

1 SAMIELE 2:3 Referans Kwoze

Swivuriso 8:13

Ku chava Xikwembu i ku venga swo biha; Ndzi venga manyunyu, ni ku tidzunisa, ni ku famba loko biha, Ni nomu wo homboloka.

1 TIHOSI 8:39

Wena, yingisa u ri ematilweni laha u akeke kona, u rivalela, u tirha! U nyika un'wana ni un'wana hi tindlela hinkwato ta yena, wena la tivaka mbilu ya yena, hikuva hi wena, wena ntsena, la tivaka timbilu ta vana hinkwavo va vanhu,

Swivuriso 24:12

Loko u ku: “A ndzi va tivanga!” La pimaka timbilu a nga swi voni xana? Loyi a xiyaka moya wa wena a nga swi tivi xana? A nga ka a nga hakeli munhu ha un'we hi ku ringanisa mitirho ya yena xana?

Vaheveru 4:12

Hikuva rito ra Xikwembu i rito leri hanyaka, leri tirhaka, leri karihaka ku tlula tlhari leri nga ni vukari hi matlhelo mambirhi, ri ya fika emahlanganweni ya mbilu ni moya, ni ka misiha ni mongo, kambe hi rona leri avanyisaka mianakanyo ni makungu ya timbilu.

Swivuriso 16:2

Mikhuva hinkwayo ya munhu yi lulamile emahlweni ka yena, Kambe Yehovha u pima mimoya.

Esaya 37:23

U rhukanile mani, u sandzile mani xana? U tlakusile rito ra wena ehenhla ka mani? U tlakusile mahlo, ya wena ehenhla ku lwa ni Mukwetsimi wa Israele.

Pisalema 147:5

Hosi ya hina yi kulukumba; matimba ya yona makulu ngopfu, Vutlhari bya yona a byi na ku pimiwa.

Pisalema 94:4

Va vulavula hi ku tikukumuxa; Hinkwavo lava dyohaka va tidzunisa.

Pisalema 44:21

Xana Xikwembu ingi xi nga swi tivanga, Leswi xi tivaka leswi fihliweke etimbilwini xana?

Ntirho 31:6

Xikwembu a xi ndzi veke exikalweni lexo lulama, Xi ta kuma leswaku ndzi hava nandzu!

1 SAMIELE 16:7

Kambe Yehovha a ku eka Samiele: “U nga languti nghohe ya yena, hambi xi ri xiyimo xa yena, hikuva ndzi n'wi cukumetile; Yehovha a nga languti leswi langutiwaka hi vanhu, hikuva vanhu va languta nghohe, kambe Yehovha u languta mbilu.”

Nhlavutelo 2:23

ndzi ta dlaya hi rifu, vana va yena, kutani tikereke hinkwato ti ta tiva leswaku hi mina la kambelaka swifungha ni timbilu, ndzi va ndzi hakela un'wana ni un'wana wa n'wina hi leswi ringanaka mitirho ya yena.

Malakiya 3:13

“Marito ya n'wina ma nonon'hwa ehenhla ka mina, ku vula Yehovha; kutani mi ri: ‘Hi vulavula hi tihi ehenhla ka wena?’

Daniele 5:27

Tekele (ku ringanisiwa): U ringanisiwile hi xikalo, kutani u kumiwe la vevukeke.

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

Esaya 26:7

Ndlela ya la lulameke yi latekile; u khula swinenenene ndlela ya lulameke.

Pisalema 17:10

Va tipfalela timbilu ta vona leti noneke, Hi milomu ya vona va vulavula hi ku tikurisa.

Pisalema 31:18

Milomu leyi hembaka, a yi hundzuke ya mbheveve, Leyi sandzaka la lulameke, Leyi vulavulaka hi ku tikukumuxa ni ku sola!

Pisalema 75:5

Mi nga tlakusi tinhloko swonghasi, Mi nga vulavuli hi ku tikurisa swonghasi!

Yoxuwa 22:22

“Xikwembu xa matimba, Xikwembu, Yehovha wa swi tiva, na yena Israele u ta swi tiva! Loko hi endlile sweswo ku pfuka Yehovha ni ku n'wi dyohela, u nga tshuki u hi ponisa namuntlha.

Vaavanyisi 9:38

Zebulu a ku eka yena: “Mhaka ya wena yi kwihi sweswi, leyi u yi vuleke loko u ku: ‘Abimeleke i mani, leswaku hi n'wi tirhela?’ Vanhu lava a hi lava sandziweke hi wena xana? Huma sweswi u ya lwa na vona.”

Ezekiele 35:13

Mi tikukumuxele mina hi milomu ya n'wina, mi andzise marito ya n'wina eka mina; ndzi ma twile.