1 SAMIELE 2:2 - Xitsonga (Bibele)

² “La kwetsimaka kukotisa Yehovha, a nga kona; Hikuva a ku na Xikwembu ehandle ka wena; A ku na Ribye lero tiya kukota Xikwembu xa hina.

BIBELE Mahungu Lamanene

² A ku na la kwetsimaka tanihi HOSI; ehandle ka yona, ku hava xin'wana Xikwembu; a ku na ribye leri tiyeke kukota Xikwembu xa hina.

1 SAMIELE 2:2 Referans Kwoze

2 SAMIELE 22:32

I mani Xikwembu, loko a nga ri Yehovha? I mani ribye, loko xi nga ri Xikwembu xa hina?

Esaya 44:6

“Ku vula sweswo Yehovha, Hosi ya Israele, ni mukutsuri wa yena, Yehovha wa tinyimpi: Hi mina lowo rhanga ni lowa makumu, ehandle ka mina a ku na xikwembu.

Pisalema 86:8

A ku na la ringanaka na wena exikarhi ka swikwembu, wee Yehovha, A ku na mitirho leyi fanaka ni ya wena.

Pisalema 89:8

Oho Yehovha, Xikwembu xa tinyimpi, i mani la fanaka, na wena hi matimba? Ku tshembeka ka wena ku ku rhendzela hi matlhelo hinkwawo.

Eksoda 15:11

“I mani la fanaka na wena, Yehovha, exikarhi ka swikwembu! I mani la kwetsimaka, la tengeke kukotisa wena, La fanelaka ku dzunisiwa hi tinsimu, U endle masingita!

1 Petro 1:16

hikuva ku tsariwile leswaku: “Hlawulekani, hikuva ndzi hlawulekile.”

Yeremiya 10:6

A ku na la fanaka na wena Yehovha; u nkulukumba; vito ra wena ri tlakukile hikwalaho ka matimba.

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Duteronoma 3:24

‘Hosi Yehovha u sungurile ku kombisa nandza wa wela vukulu bya wena, ni matimba ya voko ra wena, hikuva Xikwembu i xihi ematilweni ni le misaveni lexi tivaka ku tirha mitirho ni maendlelo kukotisa ya wena?

Levhitika 19:2

“Byela nhlengeletano ya vana va Israele, u ku eka vona: ‘Hlawulekani hikuva ndzi hlawulekile, mina Yehovha, Xikwembu xa n'wina.

Varhoma 15:4

Hikuva timhaka hinkwato leti tsariweke eku sunguleni, ti tsariwile ku hi dyondzisa, leswaku, hi ku yingisela, ni ku chavelela loku humaka eMatsalweni, hi ta va ni ku langutela.

Esaya 44:8

Mi nga chaveni, mi nga rhurhumeli! Xana a ndzi ku byelanga, a ndzi ku tivisanga ni khale? A hi n'wina timbhoni ta mina xana? Xana ku ni xikwembu ehandle ka mina? A ku na rin'wana ribye lerikulukumba, a ndzi ri tivi.”

Esaya 40:18

Mi ta fanisa Xikwembu na mani? Mi ta endla xifaniso xihi xa yena?

Esaya 6:3

A tihuwelelana, ti ku: “Wa kwetsima, wa kwetsima, wa kwetsima, Yehovha wa tinyimpi! Misava hinkwayo yi tele hi ku kwetsima ka yena.”

Pisalema 111:9

U rhumele tiko ra yena ku tshunxeka; U lerisile ntwanano wa yena hi laha ku nga heriki; Vito ra yena ri hlawulekile, ra chaviseka.

Pisalema 99:5

Dzunisani Yehovha, Xikwembu xa hina, Mi khinsama emahlweni ka vunavelo bya milenge ya yena, Hikuva u hlawulekile!

Pisalema 89:6

Hikuva i mani, le tilweni, la nga tiringanisaka na Yehovha? Exikarhi ka vana va Xikwembu, i mani la fanaka na Yehovha?

Duteronoma 32:39

“Vonani sweswi leswaku hi mina, mina ntsena, Ni leswaku a ku na xikwembu xin'wana ehandle ka mina. Hi mina la dlayaka, naswona hi mina la hanyisaka; Ndzi boxile mbanga, kambe ndzi ta ongola, A ku na munhu la kutsulaka evokweni ra mina.

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Pisalema 99:9

Dzunisani Yehovha, Xikwembu xa hina, Mi n'wi khinsamela entshaveni leyo kwetsima ya yena; Hikuva u hlawulekile, Yehovha, Xikwembu xa hina!

Pisalema 73:25

Ndzi na mani etilweni, loko a nga ri wena? Ni la emisaveni ndzi tsakela wena ntsena.

Pisalema 71:19

Ku lulama ka wena Xikwembu, ku tlakukile ngopfu, U endle leswikulu, oho Xikwembu! I mani la fanaka na wena!

Pisalema 71:3

U va ribye ra mina laha ndzi akaka kona, Laha ndzi tivaka ku ya kona hi masiku. U lerisile leswaku ndzi ponisiwa; Hikuva u ribye ra mina, ni khokholo ranga.

Pisalema 18:2

Oho Yehovha! Ribye ra mina, ni khokholo ra mina, ni mulweri wa mina! Oho Xikwembu xanga! Ribye ra mina leri ndzi chavelaka eka rona! Xitlhangu xa mina, ni matimba lama ndzi ponisaka, ni xichavelo xa mina!

Duteronoma 32:20

U te: ‘Ndzi ta va fihlela mombo wa mina, Ndzi ta vona leswi nga ta va humelela; Hikuva i rixaka ro homboloka, I vana lava nga tshembekiki.

Duteronoma 4:35

A wu ri mbhoni ya swilo leswi, u ta tiva leswaku Yehovha i Xikwembu, ni leswaku a ku na xin'wana ehandle ka xona.

Varhoma 4:8

Ku katekile munhu loyi Hosi yi nga n'wi hlayeriki ku dyoha ka yena.”

2 SAMIELE 7:22

Sweswo u nkulukumba, Yehovha Xikwembu! Hikuva a ku na un'we la fanaka na wena, kutani a ku na Xikwembu ehandle ka wena, hilaha hi nga swi twa hinkwaswo hi tindleve ta hina.

2 SAMIELE 22:3

Oho! Xikwembu xa mina, ribye ra mina leri ndzi chavelaka eka rona, Xitlhangu xa mina, ni matimba lawa ndzi hlayisekaka ha wona, Ni khokholo leri tlakukeke ra mina, ni xichavelo xa mina! Muponisi wanga! U ndzi sirhelela eka lava ndzi endlaka hi matimba.

1 TIHOSI 8:23

“O Yehovha, Xikwembu xa Israele! A ku na Xikwembu lexi fanaka na wena, hambi ku ri ehenhla etilweni hambi ku ri la hansi emisaveni; u hlayisa ntwanano ni tintswalo eka malandza ya wena lama fambaka emahlweni ka wena hi timbilu Hinkwato ta vona!

Pisalema 18:31

I mani Xikwembu, loko a nga ri Yehovha? I mani ribye lero tiya, loko xi nga ri Xikwembu xa hina?

Pisalema 99:3

A va dzunise vito ra wena lerikulu leri chavisaka, Hikuva ri hlawulekile!

Levhitika 11:44

Hikuva hi mina Yehovha, Xikwembu xa n'wina; mi ta tihlawula, mi va lava hlawuriweke, hikuva ndzi hlawulekile; mi nga tshuki mi yirisa miri ya n'wina hi xin'wana xa leswi kokovaka la emisaveni.

Levhitika 11:45

Hikuva hi mina Yehovha la mi humeseke etikweni ra Egipta leswaku ndzi va Xikwembu xa n'wina; mi ta kwetsima hikuva ndzi kwetsimile.’ ”

Duteronoma 4:39

swi tive namuntlha, u tsala embilwini ya wena leswaku Yehovha i Xikwembu ehenhla etilweni, ni le hansi emisaveni; a ku na xin'wana.