1 SAMIELE 2:12 - Xitsonga (Bibele)

¹² Vana va Heli a va ri vana va Beliyali (lavo biha); a va nga tivi Yehovha.

BIBELE Mahungu Lamanene

¹² Vana va Heli a va ri vaprista lava nga pfuniki nchumu; a va nga ri na mhaka na HOSI Xikwembu.

1 SAMIELE 2:12 Referans Kwoze

Yeremiya 2:8

Vaprista a va vulanga, va ku: ‘U kwihi Yehovha?’ Ni vatameri va nawu a va ndzi tivanga; varisi va ndzi hundzukela, ni vaprofeta va profeta ha Baali, kambe va landza lava nga pfuniki nchumu.

2 Vakorinto 6:15

Kriste u ni ntwanano wihi na Beliyali? Kumbe la pfumelaka u ni ku averiwa kwihi ni la nga pfumeriki?

Vaavanyisi 2:10

Na vona vanhu va nkarhi lowuya hinkwavo, va tlhelela eka vatata wa vona, kutani ku humelela vanhu va nkarhi lowu, lava nga tivangiki Yehovha, hambi yi ri mitirho leyi a yi endleleke Israele.

Varhoma 1:21

Hikuva, hambi va tivile Xikwembu, a va xi dzunisanga leswaku i Xikwembu, naswona a va xi khensanga; kambe va hundzukile swahava emiehleketweni ya vona; ni timbilu ta vona leti pfumalaka vutlhari ti nyamisiwile.

Yohane 17:3

Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

Yohane 16:3

Va ta mi endla hinkwaswo leswi, hikuva a va tivi Tatana na mina.

Yohane 8:55

kasi a mi n'wi tivanga, kambe mina, ndza n'wi tiva; loko ndzi nga vula ndzi ku: A ndzi n'wi tivi, ndzi nga kotisa n'wina, ndzi va ni vunwa; kambe ndza n'wi tiva, kutani ndzi hlayisa rito ra yena.

Yeremiya 22:16

A avanyisela mupfumari ni xisiwana, a ri ni ku rhula hakona. Xana sweswo a hi ku ndzi tiva xana? Ku vula Yehovha.

Yeremiya 9:6

U akile exikarhi ka lavo homboloka; hi mano ya vona va ala ku ndzi tiva,” ku vula Yehovha.

1 TIHOSI 21:13

kutani vanhu vambirhi lavo biha va ta tshamisa emahlweni ka yena; vanhu vo biha lava, va vula vumbhoni ehenhla ka Naboto, emahlweni ka tiko, va ku: “Naboto u rhukanile Xikwembu ni hosi.” Kutani va n'wi humesela ehandle ka muti, va n'wi khandla hi maribye, a fa.

1 TIHOSI 21:10

mi veka ni vanhu vambirhi lavo biha emahlweni ka yena, leswaku va vula vumbhoni ehenhla ka yena, va ku: ‘U rhukanile Xikwembu ni hosi.’ Kutani mi n'wi humesela ehandle, mi n'wi khandla hi maribye, a fa.”

1 SAMIELE 25:17

Sweswi, anakanya, u vona leswi u nga ta swi endla, hikuva khombo ri kaneriwile ehenhla ka hosi ya hina, ni yindlu ya yena hinkwayo; kambe leswi a nga munhu wa tihanyi ngopfu, hi tsandzeka ku vulavula na yena.”

1 SAMIELE 10:27

kambe vanhu van'wana lavo biha a va ku: “Xana loyi a nga hi ponisa ku yini-ke?” Kutani va n'wi sandza, a va n'wi tiselanga ndzuvu. Kambe Sawulo a nga vulanga nchumu ha swona.

1 SAMIELE 3:7

A ku ri loko Samiele a a nga si tiva Yehovha, ni loko rito ra Yehovha ri nga si humelela eka yena.

Vaavanyisi 19:22

Va ku va ha tsakisa timbilu ta vona, vonani, vavanuna va muti, vanhu va Beliyali, va fika va rhendzela yindlu exikarhi, va bakanya rivanti, va vulavula ni wanuna wa xidyuhati, n'wini wa yindlu, va ku: “Humesela ehandle nuna la hambukeleke eka wena, hi ta n'wi tiva.”

Duteronoma 13:13

‘Vanhu va hava va hume eka wena, va khunguvanyisile vaaki va muti wa vona va ku: “A hi yeni, hi ya tirhela swikwembu swin'wana,” ’ leswi mi nga swi tivangiki;

1 SAMIELE 3:13

Ndzi n'wi byerile leswaku ndzi ta avanyisa yindlu ya yena hilaha ku nga heriki hikwalaho ka xidyoho lexi a xi tivaka. Hikuva vana va yena va tilavele ndzhukano ehenhla ka vona, kambe a nga va layanga.

Yeremiya 9:3

“Va kongile tindzimi ta vona kukotisa vurha ku copa vunwa; kambe a hi hikwalaho ka ku lulama loko va ri ni matimba laha emisaveni, hikuva loko va huma eku dyoheni kun'wana, va hundzela eku dyoheni kun'wanyana, kutani a va ndzi tivi,” ku vula Yehovha.

Ezekiele 22:26

Vaprista va rona va tlula nawu wa mina, va nyamisa swa mina leswi kwetsimaka, a va avanyisi exikarhi ka leswo kwetsima ni leswi nga riki swo kwetsima, a va kombi swangi ku hambana ku kona exikarhi ka leswi nga tengangiki ni leswi tengeke; va siva mahlo ya vona leswaku va nga voni Tisavata ta mina, kutani ndzi nyamisiwa exikarhi ka vona.

Duteronoma 13:14

u ta lavisa timhaka, u vutisisa swinene. Kutani waswivo! Loko mhaka hi yoleyo, yi tiyisiwile, leswo biha leswi, swi endliwile exikarhi ka wena;