1 SAMIELE 18:8 - Xitsonga (Bibele)

⁸ Kutani Sawulo a kariha ngopfu; rito leri a ri biha emahlweni ka yena kutani a ku va nyika Davhida dzana ra madzana, kambe va ndzi nyika khume ra madzana ntsena, a pfumala vuhosi ntsena.

BIBELE Mahungu Lamanene

⁸ Sawulo a hlundzuka swinene, a nga tsakeli risimu leri ni kutsongo, kutani a ku: “Davhida va n'wi hlayela magidi-gidi ya ntsandza-vahlayi, kasi mina, va ndzi hlayela magidinyana ntsena. Ka ha sele yini? Ku lo sala ntsena leswaku va n'wi veka hosi!”

1 SAMIELE 18:8 Referans Kwoze

1 SAMIELE 15:28

Samiele a ku eka yena: “Namuntlha Yehovha u handzurile vuhosi bya Israele ehenhla ka wena, u byi nyikile warikwenu la ku tlulaka.

Swivuriso 13:10

Ku tikukumuxa ku humesa ku hambana; Kambe vutlhari byi le ka lava pfumelaka ku tsundzuxiwa.

Yakobo 4:5

Xana mi ringanisa leswaku Matsalwa ma vula swahava xana? Moya lowu akeke eka hina, xana wu ni ku navela loku yisaka eku kalaleni xana?

Estere 3:5

Kuteloko Hamani a vona leswaku Mordekayi a nga korhami, a nga khinsami emahlweni ka yena, Hamani a tala hi ku kariha.

1 SAMIELE 20:31

Hikuva hi mikarhi hinkwayo leyi n'wana Yese a nga ta hanya la emisaveni, u nga ka u nga tiyisiwi, hambi u ri wena, hambi byi ri vuhosi bya wena. Sweswi, rhuma vanhu va ya n'wi khoma va n'wi tisa eka mina, hikuva u fanekele hi rifu.”

Swivuriso 27:4

Ku kariha ku ni nsele, ku holova i ku tala ka nambu, Loko ma ri mavondzo i mani a nga ta yima emahlweni ka wona?

Eklesiasta 4:4

Kambe ndzi tsundzukile ntirho hinkwawo ni ntirho wihi ni wihi lowu nga ni vutlhari, kutani ndzi vonile leswaku munhu un'wana u ni mona eka un'wana. Na swona i swahava ni ku landza mheho.

1 TIHOSI 2:22

Hosi Solomoni a hlamula, a ku eka mana wa yena: “U n'wi kombelelela yini Adoniya, Abixaga wa Xuneme xana? N'wi kombelele ni vuhosi, hikuva makwerhu i hosi ya mina; kunene, u byi kombelela yena, na Abiyatara, muprista, na Yowabu, n'wana Seruya!”

1 SAMIELE 16:13

Kavaloko Samiele a teka rimhondzo ra mafurha a n'wi chela exikarhi ka vamakwavo, kutani Moya wa Yehovha wu khoma Davhida, ku sungula siku leri ni ku ya emahlweni, Kavaloko Samiele a pfuka a muka eRhama.

1 SAMIELE 13:14

kambe sweswi, ku fuma ka wena ku nga ka ku nga tiyi. Yehovha u tihlawulele munhu la rhandziwaka hi yena, kutani Yehovha u n'wi vekile ku va hosi ya tiko ra yena, hikuva a ku hlayisanga leswi Yehovha a ku leriseke swona.”

Tinhlayo 22:34

Balaama a ku eka ntsumi ya Yehovha: “Ndzi dyohile hikuva a ndzi swi tivanga leswaku u yimile emahlweni ka mina endleleni. Kutani sweswi, loko swi bihile emahlweni ka wena, ndzi ta tlhelela ekaya.”

Tinhlayo 11:1

Tiko ri sungula ku n'unun'uta etindleveni ta Yehovha. Kuteloko Yehovha a swi twa, ku kariha ka Yehovha ku pfurha, kutani ndzilo wa Yehovha wu pfurha exikarhi ka vona, wu heta vanhu emakun'wini ya mixaxa.

1 SAMIELE 18:9

Ku sungula siku lero ni ku ya emahlweni, Sawulo a languta Davhida hi tihlo lero biha.

1 SAMIELE 19:1

Sawulo a vulavula na Yonatani, n'wana wa yena, ni malandza hinkwawo ya yena, a ku: “Ndzi lava ku dlaya Davhida”; kambe Yonatani, n'wana Sawulo, a a rhandza ngopfu Davhida;

Genesa 37:8

Vamakwavo va ku eka yena: “Xana u ri u ta fuma ehenhla ka hina xana, kumbe u ta tshama u hi risa xana?” Kutani va engeta ku n'wi venga ngopfungopfu hikwalaho ka milorho ya yena ni ku vulavula ka yena.

Genesa 37:11

Kutani vamakwavo va n'wi xondzolota; kambe tata wakwe a anakanya timhaka teto, a ti hlayisa.