1 SAMIELE 18:5 - Xitsonga (Bibele)

⁵ Kutani Davhida a huma a famba hinkwako laha Sawulo a n'wi rhumaka kona; kambe a a tlharihile; kutani Sawulo a n'wi veka ndhuna ya vanhu va nyimpi; kutani a a tsakisa tiko hinkwaro, hambi ma ri malandza ya Sawulo.

BIBELE Mahungu Lamanene

⁵ Loko Davhida a tshuka a huma ni mavuthu, a a kota hinkwaswo leswi Sawulo a n'wi lerisaka swona. Hikokwalaho, Sawulo a n'wi tlakusa, a va un'wana wa vafambisi va mavuthu. Kutani ku tlakusiwa ka Davhida swi tsakisa tiko hinkwaro, hambi ma ri malandza laman'wana ya Sawulo.

1 SAMIELE 18:5 Referans Kwoze

1 SAMIELE 18:30

Kakuloko tihosi ta Vafilista ti huma ku ya hlasela, emikarhini hinkwayo loko ti huma, Davhida a a tlula hi vutlhari malandza hinkwawo ya Sawulo; kutani vito ra yena ri dzunisiwa ngopfu.

Vakolosa 4:5

Fambani hi ku xiya eka lava nga ehandle, mi ri karhi mi hatlisela mikarhi.

Vaefesa 5:17

Hikwalaho-ke, mi nga tshuki mi endla hi ku rivala, kambe mi twisisa swinene leswi rhandziwaka hi Hosi.

Timhaka 7:10

xi n'wi tshunxa emakhombyeni ya yena hinkwawo; xi n'wi nyika ku tsakisa ni ku tlhariha emahlweni ka Faro, hosi ya Egipta, kutani yona yi n'wi veka mufumi wa Egipta ni wa yindlu ya yona hinkwayo.

Matewu 10:16

“Vonani, ndza mi rhuma mi fana ni tinyimpfu exikarhi ka mahlolwa, hikwalaho-ke tlharihani kukota tinyoka, mi va lavo kala mano kukota magugurhwana.

Pisalema 1:3

U fana ni murhi lowu simekiweke kusuhi ni milambu ya mati, Lowu tswalaka mihandzu ya wona hi nkarhi wa wona, Lowu matluka ya wona ma nga omiki: Hinkwaswo leswi a swi endlaka swi ta kateka.

1 SAMIELE 13:2

Sawulo a tihlawulela vanhu va Israele va 3 000; va 2 000 a va ri na Sawulo eMikamaxa ni le ntshaveni ya Betele, kambe va 1 000 a va ri na Yonatani eGibeya wa Benjamini; loko va ri lava seleke va tiko, a va rhuma un'wana ni un'wana entsongeni wa yena.

Genesa 39:23

N'wini wa khotso a a nga ha langutisi nchumu eka swilo hinkwaswo leswi ngi swi ri emavokweni ya Yosefa, hikuva Yehovha a a ri na yena; ni leswi a swi endlaka, Yehovha a a swi katekisa.

1 SAMIELE 14:52

Masiku hinkwawo ya ku hanya ka Sawulo, a ku lwiwa hi matimba ni Vafilista; kutani, kakuloko Sawulo a vona wanuna lowo tiya ni wa vunhenha, a n'wi hlawula a famba na yena.

1 SAMIELE 18:4

Kavaloko Yonatani a hluvula nkhancu lowu a wu ambaleke, a wu nyika Davhida swin'we ni tinguvu ta yena, hambi ri ri banga, ni vurha, ni vamba ra yena.

1 SAMIELE 18:6

Kakuloko va nghena loko Davhida a dlayile Mufilista, vavasati va huma emitini hinkwayo ya Israele va ri karhi va yimbalela, va cina emahlweni ka hosi Sawulo, va ri ni madzandzana ni tintlhama, va huwelela hi ku tsaka;

1 SAMIELE 18:16

Kambe Vaisraele hinkwavo ni va Yuda hinkwavo a va rhandza Davhida hikuva a a tshama a nghena ni ku huma emahlweni ka vona.

2 SAMIELE 5:2

Khale, loko Sawulo a hi fuma, a a ri wena u tshamaka u humesa ni ku vuyisa Israele. Kutani Yehovha a ku eka wena: ‘Hi wena la nga ta risa tiko ra mina ra Israele; hi wena la nga ta va hosi ya Israele.’ ”

Pisalema 101:2

Ndzi ta famba endleleni leyo hlawuleka, U ta ta rini eka mina xana? Ndzi ta famba hi mbilu leyi lulameke endlwini ya mina.

Vaavanyisi 1:19

Yehovha a va na Yuda, kutani a hlongorisa lava akeke etintshaveni, kambe a tsandzeka ku hlongorisa lava akeke erivaleni, hikuva a va ri ni tigolonyi ta nsimbhi.

1 SAMIELE 3:19

Samiele a a kula, kutani Yehovha a a ri na yena; kambe a nga tshikanga rito rin'we ra marito hinkwawo ya yena ri wa ehansi.

2 SAMIELE 5:10

Davhida a a ri karhi a ya emahlweni a kula, kutani Yehovha, Xikwembu xa mavandla a a ri na yena.

2 TIKRONIKA 17:3

Yehovha a va na Yoxafati, hikuva a fambile etindleleni to sungula ta Davhida, tata wa yena; a nga lavanga va Baali,