1 SAMIELE 18:10 - Xitsonga (Bibele)

¹⁰ Hi siku leri tlhandlamaka, moya lowo biha lowu rhumiwaka hi Xikwembu wu khoma Sawulo, kutani a bvumbha a ri endlwini ya yena, Davhida yena a a yimba haripa kukotisa siku rin'wana ni rin'wana, kambe Sawulo a a tamele tlhari evokweni ra yena.

BIBELE Mahungu Lamanene

¹⁰ Siku leri tlhandlamaka, Sawulo a ngheniwa hi moya lowo biha lowu rhumiweke hi Xikwembu, a jamuka-jamuka endlwini ya yena, Davhida a ri eku n'wi chayeleni ka haripa tanihi masiku. Enkarhini wolowo, Sawulo a a khomile tlhari,

1 SAMIELE 18:10 Referans Kwoze

2 Vatesalonika 2:11

Hikwalaho Xikwembu xi ta va rhumela matimba lama hambukisaka, leswaku va ta pfumela mavunwa,

1 TIHOSI 18:29

Kuteloko nhlekanhi wu hundzile va bvumbha ku fika enkarhini wa ku humesa gandzelo; kambe va nga twi rito ni ku hlamula, va nga voni nchumu.

1 SAMIELE 19:9

Kambe moya lowo biha lowu humaka eka Yehovha wu nghena eka Sawulo loko a tshamisile endlwini ya yena, a ri ni tlhari ra yena evokweni; Davhida a ri karhi a yimba haripa.

Timhaka 16:16

Kambe, kakuloko hi ya exikhongelweni, ku humelela nandza un'wana wa wansati loyi ngi a ri ni moya wa pitona (wa vungoma), a hlangana na hina; a a fumisa veni va yena hi ku bvumbha.

1 SAMIELE 16:23

Kutani kakuloko moya lowo biha, lowu humaka eka Xikwembu, wu ri henhla ka Sawulo, Davhida a teka haripa ya yena a yimba, kutani Sawulo a rhula a tsaka, moya lowo biha a wu suka ka yena.

Yeremiya 28:11

Kutani Hananiya a vulavula emahlweni ka tiko hinkwaro, a ku: “Ku vula Yehovha, ndzi ta tshova sweswo joko ra Nebukadnetsara, hosi ya Babilona, enhan'wini ya tiko hinkwaro, malembe mambirhi loko ma herile,” kutani muprofeta Yeremiya a famba hi ndlela ya yena.

1 TIHOSI 22:12

Kutani vaprofeta hinkwavo a va bvumbha sweswo, va ku: “Tlhandlukela eRamoto wa Giliyadi, u ta hlula, Yehovha u ta wu nyiketa emavokweni ya hosi.”

1 SAMIELE 26:19

Sweswi hosi yanga yi nga yingisa marito ya nandza wa yena! Loko a ri Yehovha la ku susumetaka ku ndzi hlongorisa, a a amukele mhamba! Kambe loko va ri vanhu, a va rhukaniwe emahlweni ka Yehovha, hikuva va ndzi hlongorile ku ndzi sivela ku hlangana ni ndzhaka ya Yehovha, va te: ‘Famba u ya tirhela swikwembu swin'wana!’

1 SAMIELE 18:9

Ku sungula siku lero ni ku ya emahlweni, Sawulo a languta Davhida hi tihlo lero biha.

1 SAMIELE 19:7

Kavaloko Yonatani a vitana Davhida, a n'wi byela marito hinkwawo lawa, kutani Yonatani a tlherisela Davhida eka Sawulo, kutani a yima emahlweni ka yena, kukotisa khale.

Vaavanyisi 16:20

A ku eka yena: “Oho Samsoni, Vafilista hi lava!” Kutani a pfuka evurhongweni bya yena, a ku: “Ndzi ta pona kukotisa masiku, ndzi tilamulela emavokweni ya vona,” kasi a a nga swi tivi leswaku Yehovha u n'wi fularhele.

1 SAMIELE 19:10

Kutani Sawulo a lava ku tlhava Davhida hi tlhari, a n'wi pfanga ni khumbi; kambe Davhida a bvutama emahlweni ka Sawulo, kutani tlhari ri tlhava khumbi. Kavaloko Davhida a baleka, a tsutsuma hi vusiku byebyo.