1 SAMIELE 17:12 - Xitsonga (Bibele)

¹² Davhida a a ri n'wana wa Muefrata wa Betlehema wa Yuda lo va nge i Yese; munhu loyi a a ri ni vana va vavanuna va ntlhanu na vanharhu, kambe enkarhini wa Sawulo a a ri wa khale swinene.

BIBELE Mahungu Lamanene

¹² Davhida a a ri n'wana Yese, munhu wa yindlu ya Efrata loyi a a tshama eBetlehema, etikweni ra Yuda. Yese a a ri ni vana va majaha va 8. Enkarhini wa ku fuma ka Sawulo, a a ri nkulukumba, naswona a a tiveka swinene evanhwini.

1 SAMIELE 17:12 Referans Kwoze

Genesa 35:19

Kavaloko Rahele a fa, a lahliwa endleleni ya Efrata, yi nga yona Betlehema.

1 SAMIELE 16:18

Un'wana wa malandza ya yena a hlamula, a ku: “Waswivo, ndzi vonile n'wana un'wana wa Yese wa Betlehema, la tivaka ku yimba haripa; i nhenha leyi hlomaka, wa vulavula swinene, u ni miri lowo saseka, kambe Xikwembu xi na yena.”

1 SAMIELE 17:58

Sawulo a ku eka yena: “Wee jaha, un'wana mani xana?” Davhida a ku: “Ndzi n'wana wa nandza wa wena Yese, wa Betlehema.”

Rhuti 4:22

Obede a veleka Yese; Yese a veleka Davhida.

Matewu 2:6

‘Na wena Betlehema, tiko ra Yuda, a ku ntsongo exikarhi ka tihosi ta Yuda, hikuva ku ta huma eka wena mufambisi la nga ta risa tiko ra mina ra Israele.’ ”

Matewu 1:6

Davhida a veleka Solomoni hi nsati wa Uriya.

1 SAMIELE 16:1

Yehovha a ku eka Samiele: “U ta rila Sawulo ku yisa kwihi-ke, loko mina ndzi n'wi cukumetile leswaku a nga ha fumi Israele? Tata rimhondzo ra wena hi mafurha, u famba; ndza ku rhuma eka Yese wa Betlehema hikuva ndzi vonile exikarhi ka vana va Yese loyi a faneleke ku va hosi.”

Matewu 2:1

Yesu, kuteloko a tswariwile Betlehema wa Yudiya, enkarhini wa hosi Heroda, vonani, tintlhari ta le vuxeni ti fika eYerusalema, ti ku:

Mikiya 5:2

Loko u ri wena Betlehema-Efrata, u lontsongo ku hlayiwa exikarhi ka tinxaka ta Yuda, eka wena ku ta huma loyi a nga ta va hosi ya Israele, a nga loyi a nga kona ka ha ri eku sunguleni, emikarhini leyi nga riki na ku sungula.

Pisalema 132:6

Languta, hi swi twile loko yi vuriwa Efrata, Hi yi kumile emasin'wini ya Yaare ...

1 SAMIELE 17:11

Sawulo ni Vaisraele hinkwavo va twa marito ya Mufilista, kutani va hela timbilu va chava ngopfu.

Rhuti 1:2

Vito ra munhu loyi a a ri Elimeleke ni vito ra nsati wa yena a a ri Nahumi ni mavito ya vana vambirhi va yena a a ri Mahaloni na Kiliyoni; a va ri Vaefrata, va Betlehema-Yuda, kutani va ya aka etikweni ra Mowabu.

Rhuti 4:17

Kutani vavasati lava akeke na yena, va n'wi thya vito, va ku: “N'wana wa wandzisanyana u velekiwele Nahumi.” Kutani va n'wi thya Obede. Yena a va tata wa Yese, tata wa Davhida.

1 SAMIELE 1:1

A ku ri ni munhu wa Ramatayimi-Sofimi, entshaveni ya Efrayimi, vito ra yena a a ri Elikana. A a ri n'wana Yerohama, n'wana Elihu, n'wana Tohu, n'wana Sufu, wa Efrayimi.

2 SAMIELE 23:1

Hi wona marito ya Davhida ya ku hetelela: Rito ra Davhida n'wana Yese, Rito ra munhu la tlakusiweke, Ra muhlawuriwa wa Xikwembu xa Yakobo, Ra muyimbeleri la rhandzekaka wa Israele.