1 SAMIELE 16:7 - Xitsonga (Bibele)

⁷ Kambe Yehovha a ku eka Samiele: “U nga languti nghohe ya yena, hambi xi ri xiyimo xa yena, hikuva ndzi n'wi cukumetile; Yehovha a nga languti leswi langutiwaka hi vanhu, hikuva vanhu va languta nghohe, kambe Yehovha u languta mbilu.”

BIBELE Mahungu Lamanene

⁷ Kambe HOSI Xikwembu xi ku ka yena: “U nga languti ku saseka ka yena kumbe ku leha ka xiyimo xa yena, hikuva a ndzi n'wi hlawulanga. Mina HOSI, a ndzi yi hi leswi vanhu va vonaka swona; vanhu va languta nghohe, kambe mina HOSI ndzi languta mbilu.”

1 SAMIELE 16:7 Referans Kwoze

Yohane 7:24

Mi nga avanyisi hi nghohe ntsena, avanyisani hi ku avanyisa loku lulameke.”

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

Luka 16:15

Yena a ku eka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi tlakukeke emahlweni ka vanhu, i manyala emahlweni ka Xikwembu.

1 Petro 3:4

kambe a ku ve hi munhu wa xihundla xa mbilu, la nga onhakiki, a nga ni moya wa ku olova ni ku rhula lowo pfumariwaka ngopfu emahlweni ka Xikwembu.

Swivuriso 16:2

Mikhuva hinkwayo ya munhu yi lulamile emahlweni ka yena, Kambe Yehovha u pima mimoya.

Swivuriso 31:30

Ku saseka ka kanganyisa, vumbhurhi i vusinge! Wansati la chavaka Yehovha hi yena la nga ta dzunisiwa.

1 TIKRONIKA 28:9

Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.

1 TIHOSI 8:39

Wena, yingisa u ri ematilweni laha u akeke kona, u rivalela, u tirha! U nyika un'wana ni un'wana hi tindlela hinkwato ta yena, wena la tivaka mbilu ya yena, hikuva hi wena, wena ntsena, la tivaka timbilu ta vana hinkwavo va vanhu,

Timhaka 1:24

Kutani va khongela, va ku: “Hosi, wena la tivaka timbilu ta hinkwavo, kombisa loyi u n'wi hlawuleke eka lavambirhi lava,

2 TIKRONIKA 16:9

Hikuva mahlo ya Yehovha ma fambafamba emisaveni hinkwayo ku tiyisa lava nga va yena hi timbilu hinkwato ta vona. U endlile hi vuhunguki emhakeni leyi, hikuva ku sungula sweswi, u ta va ni tinyimpi.”

Vaheveru 4:13

Kutani a ku na xivumbiwa lexi nga vonakiki emahlweni ka xona, kambe hinkwaswo swi tshama ntsena swi ri erivaleni emahlweni ka loyi hi nga ni mhaka na yena.

Yeremiya 20:12

Yehovha wa tinyimpi u ringa la lulameke, u languta swisuti ni timbilu; ndzi ta vona ku tirihisela ka wena eka vona, hikuva ndzi ku tivisile timhaka ta mina.

Pisalema 139:2

U tiva loko ndzi tshama, ni loko ndzi pfuka; U tiva miehleketo ya mina u ri kule;

Nhlavutelo 2:23

ndzi ta dlaya hi rifu, vana va yena, kutani tikereke hinkwato ti ta tiva leswaku hi mina la kambelaka swifungha ni timbilu, ndzi va ndzi hakela un'wana ni un'wana wa n'wina hi leswi ringanaka mitirho ya yena.

2 Vakorinto 10:10

Hikuva van'wana va ri: “Tiepistola ta yena ta tika, ti ni matimba; kambe loko a humelela hi miri, va ri: I munhu la tsaneke, ni marito ya yena ma soleka.”

1 Petro 2:4

Hi yena loyi, loko mi n'wi tshinelele, ri nga ribye leri hanyaka, leri nga cukumetiwa hi vanhu, kambe eka Xikwembu, ri nga leri hlawuriweke, leri pfumariwaka;

Ntirho 10:4

Xana mahlo ya wena i ya nyama-ke? Xana u vona kukotisa munhu xana?

2 SAMIELE 14:25

Exikarhi ka Vaisraele hinkwavo, a ku vanga na munhu la sasekeke kukotisa Abixalomu; a va n'wi dzunisa ngopfu; ku suka emikondzweni ku yisa enhlokweni, a ku nga ri na xivati emirini wa yena.

1 SAMIELE 9:2

A a ri ni n'wana la thyiweke Sawulo; loyi ingi a ri mburhi, a tlula vana va Israele hinkwavo hi ku saseka ka yena; a va tlula hi ku leha, hinkwavo a va fika ekhatleni ri ra yena.

Yeremiya 11:20

Kambe, oho Yehovha wa tinyimpi Mulerisi la lulameke, la ringaka swisuti ni timbilu, ndzi ta vona ku tirihisela ka wena ehenhla ka vona, hikuva ndzi vekile mhaka ya mina emavokweni ya wena.

Swivuriso 15:11

Xivandla xa vafi ni xidziva swi le mahlweni ka Yehovha; Ngopfungopfu timbilu ta vana va vanhu!

Pisalema 7:9

Herisa lunya ra lavo homboloka, Kambe u tiyisa la lulameke, Wena la kambaka timbilu ni swisuti, oho Xikwembu xo lulama!

2 Vakorinto 10:7

Xana mi languta nghohe xana? Kungakuloko un'wana eka n'wina a tshemba leswaku i wa Kriste, a a anakanye kambe leswaku, kukota leswi yena a nga wa Kriste, na hina hi va Kriste.

Yohane 8:15

N'wina, mi avanyisa hi mukhuva wa nyama; mina, a ndzi avanyisi munhu.

Genesa 4:5

kambe a nga langutanga hi ku tsaka Kayini, ni nhlengo wa yena; kutani Kayini a kariha ngopfu, ni mombo wa yena wu khanyana.

1 SAMIELE 2:3

Mi nga ha tarisi marito ya n'wina ya ku tikurisa; Ku tikukumuxa ku nga ha humi emilon'wini ya n'wina; Hikuva Yehovha i Xikwembu lexi nga ni vutivi, Hi yena la ringanisaka maendlelo ya vanhu.

2 SAMIELE 7:20

Kutani Davhida a ta engeta a ku byela yini xana? Wa tiva nandza wa wena, wee Hosi Yehovha!

2 TIKRONIKA 6:30

wena, yingisa u ri ematilweni, laha u akeke kona, u rivalela; u nyika un'wana ni un'wana hi tindlela hinkwato ta yena, wena la tivaka mbilu ya munhu un'wana ni un'wana (hikuva wena ntsena u tiva timbilu ta vana va vanhu),

Swivuriso 24:12

Loko u ku: “A ndzi va tivanga!” La pimaka timbilu a nga swi voni xana? Loyi a xiyaka moya wa wena a nga swi tivi xana? A nga ka a nga hakeli munhu ha un'we hi ku ringanisa mitirho ya yena xana?

1 TIKRONIKA 17:18

Xana Davhida a ta engeta a ku byela yini ehenhla ka ku twala loku u ku nyikeke nandza wa wena? U tiva nandza wa wena.

Ntirho 35:5

Languta matilo, u ma vonisisa! Languta mapapa hikuva ma tlakukile ngopfu ehenhla ka wena!