1 SAMIELE 16:13 - Xitsonga (Bibele)

¹³ Kavaloko Samiele a teka rimhondzo ra mafurha a n'wi chela exikarhi ka vamakwavo, kutani Moya wa Yehovha wu khoma Davhida, ku sungula siku leri ni ku ya emahlweni, Kavaloko Samiele a pfuka a muka eRhama.

BIBELE Mahungu Lamanene

¹³ Kavaloko Samiele a teka rimhondzo ra mafurha, a chela Davhida enhlokweni exikarhi ka vamakwavo. Kutani Moya wa HOSI Xikwembu wu nghena Davhida hi matimba, wu va na yena ku sukela siku rero ku ya ni ku ya. Samiele yena a tlhelela eRhama.

1 SAMIELE 16:13 Referans Kwoze

1 SAMIELE 10:6

Kutani Moya wa Yehovha wu ta ku khoma, u ta bvumbha na vona, u ta hundzuriwa u va munhu un'wana.

Vaheveru 1:9

U rhandzile leswo lulama, u vengile leswo homboloka; hikwalaho, oho Xikwembu, Xikwembu xa wena xi ku cheleke hi mafurha ya ku tsakisisa, xi ku veke ehenhla ka varikwenu hinkwavo.”

Yohane 3:34

Hikuva la rhumiweke hi Xikwembu, u vula marito ya Xikwembu, hikuva Xikwembu xi n'wi nyika Moya ku nga ri hi mpimo.

1 SAMIELE 10:1

Kutani Samiele a teka rimhondzo ra mafurha, a ri chela enhlokweni ya Sawulo, kutani a n'wi ntswontswa a ku: “Xana Yehovha a nga ku chelanga hi mafurha leswaku u va hosi ehenhla ka ndzhaka ya yena xana?

Vaavanyisi 11:29

Kutani moya wa Yehovha wu tela Yefta, a tsemakanya tiko ra Giliyadi na Manase, a hundza eMispa wa Giliyadi, a ya eka vana va Amoni.

Vaavanyisi 3:10

Moya wa Yehovha wu va eka yena; a avanyisa ta Israele, a huma nyimpi; kutani Yehovha a nyiketa Kuxani-Rixitayimi hosi ya Mesopotamiya emavokweni ya yena. Kutani voko ra yena ri hlula Kuxani-Rixitayimi.

Tinhlayo 27:18

Kutani Yehovha a ku eka Muxe: “Teka Yoxuwa, n'wana Nuni, munhu loyi Moya wu tshameke eka yena u ta veka voko ra wena ehenhla ka yena;

1 SAMIELE 16:18

Un'wana wa malandza ya yena a hlamula, a ku: “Waswivo, ndzi vonile n'wana un'wana wa Yese wa Betlehema, la tivaka ku yimba haripa; i nhenha leyi hlomaka, wa vulavula swinene, u ni miri lowo saseka, kambe Xikwembu xi na yena.”

2 TIHOSI 9:6

Kutani Yehu a pfuka a nghena ekamareni, nandza wa muprofeta a chela mafurha enhlokweni ya yena, a ku: “Yehovha, Xikwembu xa Israele u vurisile, a ku: ‘Ndzi ku cherile hi mafurha leswaku u va hosi ya Israele, etikweni ra Yehovha.

1 SAMIELE 11:6

Kutani Moya wa Xikwembu wu n'wi khoma loko a twile marito lawa; vukari bya yena byi pfurha ngopfu;

Vaavanyisi 14:6

Kutani Moya wa Yehovha wu n'wi tela hi matimba. A handzula nghala kukotisa loko ku handzuriwa ximbutana, a nga tamelanga nchumu emavokweni ya yena; kambe a nga byelangi tata wa yena ni mana wa yena lexi a xi endleke.

Vaavanyisi 13:25

Kutani moya wa Yehovha wu sungula ku n'wi kucetela a ri Mahane-Dani, exikarhi ka Sora na Exitawulu.

Tinhlayo 11:17

Ndzi ta xika, kutani ndzi ta vulavula na wena kona; ndzi ta pambula moya lowu nga eka wena, ndzi wu veka ehenhla ka vona, va ta rhwala na wena ndzhwalo wa tiko, u nga tshuki u wu rhwala u ri wena ntsena.

Timhaka 13:22

Kuteloko Xikwembu xi n'wi susile, xi va humesela Davhida, leswaku a va hosi ya vona, loyi xi n'wi vuleke xi ku: ‘Ndzi kumile Davhida n'wana Yese, munhu la nga wa mbilu ya mina la nga ta endla hinkwaswo leswi ndzi swi rhandzaka!’

Vaheveru 11:32

Kutani ndzi nga engeta ndzi vula tihi-ke? Kasi ndzi nga heleriwa hi nkarhi loko ndzi vula ta Gidiyoni, ni ta Baraka, ni ta Samsoni, ni ta Yefta, ni ta Davhida, ni ta Samiele, ni ta vaprofeta;

1 SAMIELE 2:35

Ndzi ta tivekela muprista la tshembekeke; u ta endla hi ku rhandza ka mbilu yanga ni moya wa mina, ndzi ta n'wi akisela yindlu leyi tiyeke, kutani u ta famba hilaha ku nga heriki emahlweni ka Muhlawuriwa wa mina.

1 SAMIELE 18:12

Kutani Sawulo a chava Davhida, hikuva Yehovha a a ri na Davhida, kambe a sukile eka yena.

2 SAMIELE 2:4

Vanhu va Yuda va ta kona, kutani va chela Davhida hi mafurha leswaku a va hosi ya yindlu ya Yuda. Kavaloko va ya byela Davhida mahungu, va ku: “I vanhu va Yabexe wa Giliyadi lava nga lahla Sawulo.”

2 SAMIELE 5:3

Kutani vakulukumba hinkwavo va Israele va ta ehosini, eHebroni, kutani hosi Davhida a endla xinakulobye na vona, eHebroni, emahlweni ka Yehovha; kutani va chela Davhida hi mafurha va n'wi veka hosi ya Israele.

2 SAMIELE 12:7

Kutani Natani a ku eka Davhida: “Munhu loyi hi wena! Yehovha Xikwembu xa Israele, xi vurisile, xi te: ‘Ndzi ku cherile hi mafurha leswaku u va hosi ya Israele, ndzi ku kutsurile evokweni ra Sawulo,

2 SAMIELE 23:1

Hi wona marito ya Davhida ya ku hetelela: Rito ra Davhida n'wana Yese, Rito ra munhu la tlakusiweke, Ra muhlawuriwa wa Xikwembu xa Yakobo, Ra muyimbeleri la rhandzekaka wa Israele.

Pisalema 89:20

Ndzi kumile Davhida, nandza wa mina, Ndzi n'wi cherile hi mafurha ya mina layo kwetsima.

1 SAMIELE 1:19

Kutani va pfuka nimixo, va ya khinsama emahlweni ka Yehovha; va tlhela va famba ekaya ka vona eRhama.

1 TIKRONIKA 11:3

Kavaloko vakulukumba hinkwavo va Israele va ta eka hosi eHebroni, Davhida a endla xinakulobye na vona emahlweni ka Yehovha eHebroni, kutani va chela Davhida hi mafurha leswaku a va hosi ya Israele, hilaha Yehovha a nga lerisa hakona hi nomu wa Samiele.

Pisalema 89:21

Voko ra mina ri ta n'wi akisa, Voko ra mina ri ta n'wi tiyisa.