1 SAMIELE 16:11 - Xitsonga (Bibele)

¹¹ Samiele a ku eka Yese: “Xana hi wona majaha hinkwawo ya wena-ke?” A ku: “Ku sele ndzisana ya vona, la risaka timbuti.” Kutani Samiele a ku eka Yese: “Rhuma munhu a ya n'wi lava, hikuva hi nga ka hi nga tshami etafuleni loko a nga si ta la.”

BIBELE Mahungu Lamanene

¹¹ Kutani Samiele a vutisa Yese, a ku: “Xana vana va wena va majaha, va helele hinkwavo xana?” Yese a hlamula a ku: “Ka ha sele lontsongo wa kona, kambe ú le ku riseni ka tinyimpfu.” Samiele a ku ka Yese: “Rhuma vanhu va ya n'wi vitana, hikuva hi nga ka hi nga humesi gandzelo loko a nga si fika.”

1 SAMIELE 16:11 Referans Kwoze

2 SAMIELE 7:8

Sweswi, u ta ya vurisa sweswo eka Davhida nandza wanga, u ku: ‘Yehovha wa mavandla u te: Ndzi ku tekile ematshangeni, exikarhi ka tinyimpfu leswaku u va mufambisi wa Israele, tiko ra mina;

1 TIKRONIKA 17:7

Sweswi, u ya byela nandza wa mina Davhida, u ku: “Yehovha wa mavandla u vurisa sweswo, a ku: Ndzi ku humesile evudyelweni, laha u landzeke tinyimpfu kona, leswaku u va mufambisi wa tiko ranga, ra Israele.

2 SAMIELE 13:3

Aminoni a a ri ni nakulobye, vito ra yena a a ri Yonadabu, n'wana Ximeya, makwa Davhida, kambe Yonadabu a a ri munhu wa ku tlhariha ngopfu.

1 SAMIELE 17:28

Kambe hosi ya yena, Eliyabu, a n'wi yingisa loko a vulavula ni vanhu lava, kutani a karihela Davhida ngopfu, a ku eka yena: “Xana u tele yini kwala, u siye na mani tinyimpfunyana leti nga kole mananga? Ndza tiva ku tikurisa ka wena, ni vutlhari bya mbilu ya wena. U tile ku ta vona nyimpi!”

1 SAMIELE 16:10

Yese a tisa vana va yena va vavanuna va ntlhanu na vambirhi emahlweni ka Samiele, kambe Samiele, a ku eka Yese: “Yehovha a nga hlawulangi vona lava.”

Eksoda 3:1

Muxe a a ri murisi wa tinyimpfu ta Yetro, mukon'wana wa yena, muprista wa Midiyani; kutani a yisa ntlhambi etlhelo ra mananga, a fika entshaveni ya Xikwembu, eHorebe.