1 SAMIELE 15:3 - Xitsonga (Bibele)

³ Sweswi, famba u ya hlasela Amaleke, mi yirisa hinkwaswo leswi nga swa yena; u nga tshuki u n'wi tsetselela, kambe u ta dlaya vavanuna ni vavasati, ni vana ni swihlangi leswi an'waka ni tihomu ni tinyimpfu, ni tikamela ni timbhongolo.’ ”

BIBELE Mahungu Lamanene

³ Kutani sweswi, famba u ya hlasela Vaamaleke, u herisa hinkwaswo leswi va nga na swona, swi ku bì! U nga va tsetseleli, kambe u dlaya vavanuna hinkwavo ni vavasati; hambi va ri vana kumbe swihlangi swa le makatleni, hambi ti ri tihomu kumbe tinyimpfu, hambi ti ri tikamela kumbe timbhongolo, dlaya hinkwaswo!”

1 SAMIELE 15:3 Referans Kwoze

Tinhlayo 24:20

Balaama a vona Amaleke, a bvumbha, a ku: “Amaleke i xirhangana xa matiko, Kambe siku rin'wana u ta herisiwa.”

1 SAMIELE 22:19

Kutani Sawulo a hlasela Nobo, muti wa vaprista, hi vukari bya banga, a dlaya vavanuna ni vavasati ni vana ni swihlangi, ni tihomu ni timbhongolo ni tinyimpfu, a heta hinkwaswo hi vukari bya banga.

Tinhlayo 31:17

Sweswi, dlayani wanuna un'wana ni un'wana exikarhi ka swihlangi, mi dlaya ni vavasati hinkwavo lava tivaneke ni vavanuna.

Eksoda 20:5

u nga tshuki u swi khinsamela, ni loko ku ri ku swi tirhela; hikuva hi mina Yehovha, Xikwembu xa wena, xa rilaveta, lexi baka vana hikwalaho ka ku homboloka ka vatswari va vona, ku yisa erixakeni ra vunharhu ni ra vumune eka lava ndzi vengaka;

Genesa 36:12

Timina a a ri nhlantswa ya nkata Elifasi, n'wana Esawu; kutani a velekela Elifasi, Amaleke. Hi vona vana va Ada, nkata Esawu.

Eksoda 17:14

Kutani Yehovha a ku eka Muxe: “Tsala mhaka leyi ebukwini, xi va xitsundzuxo lexi hlayisiwaka, u tivisa Yoxuwa leswaku ndzi ta lovisa ku tsundzukiwa ka Amaleke ehansi ka tilo.”

1 SAMIELE 14:48

A endla hi matimba, kutani a hlula Amaleke, a va a kutsula Israele emavokweni ya lava n'wi hlaselaka.

1 SAMIELE 15:9

Sawulo ni tiko va hlayisa Agaga, ni tinyimpfu leto saseka, ni tihomu leti noneke, ni swifuwo swin'wana, ni swinyimpfana, ni hinkwaswo leswinene leswi ngi swi ri kona; a va rhandzanga ku swi yirisa; kambe hinkwaswo leswi sandzekaka, leswi onhakeke, va swi yirisa.

1 SAMIELE 15:18

Yehovha u ku rhumile, a ku eka wena: ‘Famba, u ya yirisa vadyohi va ka Amaleke, u va hlasela, va ko va herisiwa.’

1 SAMIELE 27:9

Davhida a hlasela tiko leri, a dlaya vavanuna ni vavasati, a teka swifuwo, ni timbhongolo, ni tikamela, ni tinguvu, kutani a tlhelela eka Akixi.

1 SAMIELE 30:17

Kutani Davhida a va hlasela, a sungula nimixo ku fika nimadyambu ya siku leri tlhandlamaka; a ku balekanga na un'we loko ma nga ri majaha ya 400 lama khandziyeke tikamela, ma tsutsuma ha tona.

2 SAMIELE 1:8

A ku eka mina: ‘U mani xana?’ Ndzi hlamula, ndzi ku: ‘Ndzi wa ka Amaleke.’

Yoxuwa 10:39

Kutani va wu teka, ni hosi ya kona, ni miti hinkwayo ya wona, va wu heta hi tlhari, kutani va yirisa leswi hanyaka hinkwaswo leswi ngi swi ri ka wona, a nga tshikanga mubaleki hilaha a endleleke Hebroni hakona, kambe a endlela Debiri ni hosi ya kona kukotisa leswi a swi endleleke Libina ni hosi ya kona.