1 SAMIELE 15:13 - Xitsonga (Bibele)

¹³ Samiele a ta eka Sawulo, kutani Sawulo a ku eka yena: “A ku katekisiwe hi Yehovha! Ndzi hetisile ku lerisa ka Yehovha.”

BIBELE Mahungu Lamanene

¹³ Samiele a fika eka Sawulo kwale Giligala, kutani Sawulo a ku ka yena: “HOSI Xikwembu a xi ku katekise! Ndzi endlile ku lerisa ka HOSI Xikwembu.”

1 SAMIELE 15:13 Referans Kwoze

Rhuti 3:10

Kutani a ku eka yena: “N'wananga, Yehovha a a ku katekise. Vunene lebyi u byi kombisaka sweswi eka mina, byi tlula byo sungula leswi u nga landzangiki majaha, hambi va ri lava fuweke, hambi swi ri swisiwana.

Vaavanyisi 17:2

A ku eka mana wa yena: “Tixikele ta silivhere ta 1 100 leti yiviweke eka wena, leti u nga vulavula hi ku kariha hikwalaho ka tona ndzi ri kona, vona, mali yoleyo yi le ka mina; hi mina loyi ndzi yi tekeke.” Mana wa yena a ku eka yena: “N'wananga a a katekisiwe hi Yehovha!”

Luka 18:11

Mufarisi a a yimile hitlhelo rin'wana a khongerisa sweswo, a ku: ‘Xikwembu, ndza ku khensa hikuva a ndzi fani na vanhu van'wana, va nga makhamba ni swidyohi ni vaoswi, ku kota munhu loyi wa muluvisi.

Luka 17:10

Hi mukhuva wolowo, na n'wina, kutakuloko mi hetile hinkwaswo leswi mi swi lerisiweke, vulani, mi ku: ‘Hi malandza lama nga pfuniki nchumu, hikuva hi endlile leswi hi faneleke ku swi endla.’ ”

Swivuriso 31:31

N'wi nyikeni mihandzu ya mavoko ya yena, Mitirho ya yena yi n'wi dzunisa etihubyeni ta muti.

Swivuriso 30:13

Ina, rixaka ri kona ra mahlo lama tlakukeke, Ra tinxiyi leto leha;

Swivuriso 28:13

La fihlaka swidyoho swa yena, a nga ka a nga kateki, Kambe la swi vulaka, a tshika, u ta kuma tintswalo.

1 SAMIELE 15:11

“Ndza vilela hi leswi ndzi vekeke Sawulo hosi, hikuva u ndzi fularhele, kambe a nga hlayisanga marito ya mina.” Kutani Samiele a holova, a huwelela eka Yehovha vusiku hinkwabyo.

1 SAMIELE 15:9

Sawulo ni tiko va hlayisa Agaga, ni tinyimpfu leto saseka, ni tihomu leti noneke, ni swifuwo swin'wana, ni swinyimpfana, ni hinkwaswo leswinene leswi ngi swi ri kona; a va rhandzanga ku swi yirisa; kambe hinkwaswo leswi sandzekaka, leswi onhakeke, va swi yirisa.

Genesa 14:19

Kutani a katekisa Abrama, a ku: “A ku katekisiwe Abrama hi Xikwembu xa le henhlahenhla, n'wini wa tilo ni misava;

Genesa 3:12

Kutani wanuna a ku: “Hi yena wansati loyi u nga ndzi nyika yena a va na mina, la nga ndzi ha murhi, ndzi dya.”

Swivuriso 27:2

La ku dzunisaka a ve un'wana ri nga ri ririmi ra wena, A a ve un'wana, wu nga ri nomu wa wena.

1 SAMIELE 13:10

Kakuloko a heta ku humesa holokosta, Samiele a fika, kutani Sawulo a ya hlangana na yena ku n'wi xeweta.

1 SAMIELE 15:20

Sawulo a ku eka Samiele: “Ndzi yingisile rito ra Yehovha, kambe ndzi fambile endleleni leyi Yehovha a ndzi rhumeleke eka yona, ndzi tisile Agaga hosi ya Vaamaleke kutani ndzi yirisile Vaamaleke;

1 SAMIELE 25:14

Kambe un'wanyana wa malandza ya Nabala a ya byela Abigayele, nsati wa Nabala, a ku: “Waswivo, Davhida u rhumile tintsumi, ti suka emananga ku ta rungula hosi ya hina, kambe u va karihele.

2 SAMIELE 2:5

Kutani Davhida a rhuma tintsumi eka vanhu va Yabexe wa Giliyadi, a ku eka vona: “A mi katekisiwe hi Yehovha, n'wina mi nga kombisa tintswalo eka hosi ya n'wina, Sawulo, mi va mi n'wi lahla.

1 SAMIELE 23:21

Sawulo a ku eka vona: “A mi katekisiwe hi Yehovha hikuva mi ndzi twele vusiwana.