1 SAMIELE 14:3 - Xitsonga (Bibele)

³ Ahiya, n'wana Ahituba, makwa Ikabodo, n'wana Finiyasi, n'wana Heli, muprista wa Yehovha eXilo, a ambele Efodi, kambe tiko a ri tivanga leswaku Yonatani a fambile.

BIBELE Mahungu Lamanene

³ (Muprista loyi a ambaleke nceka lowu vuriwaka “efodi”, a a ri Ahiya n'wana Ahituba; makwa wa tata wakwe a a ri Ikabodo n'wana Finiyasi n'wana Heli, muprista wa HOSI Xikwembu eXilo.) A ku vanga na un'we la tiveke leswaku Yonatani ú fambile.

1 SAMIELE 14:3 Referans Kwoze

1 SAMIELE 22:20

Ku baleka un'wana wa vana va Ahimeleke, n'wana Ahituba, vito ra yena a a ri Abiyatara; a tsutsumela eka Davhida.

1 SAMIELE 4:21

Kambe a nga hlamulanga nchumu, ni ku n'wi languta. A thya n'wana vito ra Ikabodo, hikuva a ku: “Ku twala ku sukile eIsraeleni”; a ku ri hikwalaho ka areka ya Xikwembu leyi tekiweke, ni hikwalaho ka n'wingi wa yena ni nuna wa yena.

1 SAMIELE 2:28

Ndzi n'wi hlawurile xikarhi ka tinxaka hinkwato ta Israele leswaku a va muprista wa mina, ni ku gandzela ealitarini ya mina, ni ku hisa mirhi ya risuna, ni ku ambala efodi emahlweni ka mina; kambe ndzi nyikile yindlu ya tata wa wena magandzelo hinkwawo lama hisiwaka ya vana va Israele.

1 SAMIELE 1:3

Lembe rin'wana ni rin'wana munhu loyi a a suka emutini wa yena, a tlhandluka ku ya khinsama emahlweni ka Yehovha wa mavandla, ni ku n'wi humesela mihlengo eXilo. Vana vambirhi va Heli a va ri kona, Hofini na Finiyasi, va ri vaprista va Yehovha.

1 SAMIELE 14:36

Kutani Sawulo a ku: “A hi ngirimeleni, hi landza Vafilista nivusiku, hi va hlasela ku fikela nimixo, hi nga va siyeli munhu.” Kutani va ku: “Endla hinkwaswo leswi u swi rhandzaka.” Kambe muprista a ku: “A hi tshineleni ka Xikwembu kwala!”

1 SAMIELE 2:18

Samiele a tshama a tirha ntirho emahlweni ka Yehovha, a ri wandzisanyana la ambaleke efodi ya ntsembyana.

1 SAMIELE 4:4

Kavaloko tiko ri rhuma vanhu eXilo, kutani va tisa areka ya ntwanano wa Yehovha wa mavandla, la tshamaka xikarhi ka tikerubu. Na vona vana vambirhi va Heli, Hofini na Finiyasi, a va ri kona, ni areka ya ntwanano wa Xikwembu.