1 SAMIELE 13:9 - Xitsonga (Bibele)

⁹ Kavaloko Sawulo a ku: “Ndzi tiseleni holokosta ni magandzelo ya ku khensa.” Kutani a humesa holokosta.

BIBELE Mahungu Lamanene

⁹ Kavaloko Sawulo a lerisa vanhu a ku: “Ndzi tiseleni swifuwo swa gandzelo leri hisiwaka ni swa magandzelo ya xinakulobye!” Kutani Sawulo hi byakwe a humesa gandzelo leri hisiwaka.

1 SAMIELE 13:9 Referans Kwoze

1 TIHOSI 3:4

Hosi yi ya eGibiyoni ku ya gandzela kona, hikuva a xi ri xitsunga lexikulu. Solomoni a humesa kona tiholokosta ta khume ra madzana.

Duteronoma 12:6

Mi ta tisa kona tiholokosta ta n'wina, ni magandzelo ya n'wina, ni swa vukhume bya n'wina, ni leswi mavoko ya n'wina ma nga ta swi pambula, ni magandzelo ya n'wina ya ku tiboha hi ku hlambanya, ni magandzelo ya ku tirhandzela ka n'wina, ni mativula ya swifuwo leswikulu ni leswitsongo swa n'wina.

Esaya 66:3

La tlhavaka homu, a kotisa loyi a dlayaka munhu, la gandzelaka hi nyimpfu, a kotisa loyi a tlhavaka mbyana; la humesaka nhlengo, a kotisa la humesaka ngati ya nguluve, la hisaka mirhi ya risuna, a fana ni la katekisaka swifaniso swa swikwembu. Valavo hinkwavo va titsakela etindleleni ta vona, kutani moya wa vona wu tsakela manyala ya vona.

Swivuriso 21:27

Magandzelo ya lavo biha i manyala, Ngopfu loko va gandzela hi makungu layo biha.

Swivuriso 21:3

Ku endla leswinene ni leswo lulama, Swi tsakisa Yehovha ku tlula magandzelo.

Swivuriso 20:22

U nga vuri: Ndzi ta tlherisela swo biha hi swo biha, Tshemba Yehovha, hi yena la nga ta ku ponisa.

Swivuriso 15:8

Magandzelo ya lavo biha i manyala eka Yehovha, Kambe u tsakisiwa hi xikhongelo xa vanhu vo lulama.

Pisalema 37:7

Miyela emahlweni ka Yehovha, u langutela yena; U nga kariheli munhu la katekeke endleleni ya yena, La hetisaka makungu layo biha ya yena.

2 SAMIELE 24:25

Kutani Davhida a aka kona alitari eka Yehovha, a humesa magandzelo lama hisiwaka, ni magandzelo ya ku khensa; kavaloko Yehovha a tsetselela tiko kutani ntungu wu tlherisiwa eka Israele.

1 SAMIELE 14:18

Sawulo a ku eka Ahiya: “Tshineta areka ya Xikwembu!” Hikuva areka ya Xikwembu a yi ri kona siku lero ni vana va Israele.

Duteronoma 12:5

kambe xivandla lexi Yehovha, Xikwembu xa n'wina, a nga ta hlawula exikarhi ka tinxaka hinkwato ta n'wina ku veka kona vito ra yena, hi xona xivandla xa yindlu ya yena; mi ta n'wi lavisisa kona, mi va mi ya kona.