1 SAMIELE 13:7 - Xitsonga (Bibele)

⁷ Van'wana va Vaheveru va wela eYordani, va ya etikweni ra Gadi ni ra Giliyadi; kambe Sawulo a a ri eGiligala kutani tiko hinkwaro a ri rhurhumela endzhaku ka yena.

BIBELE Mahungu Lamanene

⁷ Van'wana va vona va pela Yordani va chavela etikweni ra Gadi ni ra Giliyadi. Loko a ri Sawulo yena a a ha ri eGiligala, kutani vanhu hinkwavo lava a va ri na yena, va rhurhumela hi ku chava.

1 SAMIELE 13:7 Referans Kwoze

Vaavanyisi 7:3

Yana sweswi u ya byela vanhu, u ku: ‘La chavaka, ni la karheleke, a a tlhele, a a suke entshaveni ya Giliyadi.’ ” Hikwalaho-ke ku tlhela vanhu va 22 000, ku sala vanhu va 10 000.

Duteronoma 28:25

“Yehovha u ta endla leswaku u hlaseriwa emahlweni ka valala va wena: u ta huma ku lwa na vona hi ndlela yin'we, kambe u ta hlongorisiwa emahlweni ka vona hi tindlela ta ntlhanu na timbirhi, kutani u ta va xihlamariso ematikweni hinkwawo ya misava.

Duteronoma 20:8

Tindhuna ti ta engeta ti vulavula ni tiko, ti ku: ‘I mani la chavaka la pfumalaka mbilu xana? A a fambe, a timukela eka rikwavo, leswaku timbilu ta vamakwavo ti nga tshuki ti nyuka kukotisa ya yena.’

Duteronoma 3:12

“Hi tekile tiko leri enkarhini wolowo. Ku suka eArowere loyi nga enambyeni wa Arinoni, ni hafu ya ntshava ya Giliyadi, ni miti ya yona ndzi swi nyikile va Rhuveni ni va Gadi;

Levhitika 26:17

Ndzi ta mi languta hi vukari; mi ta tlhaviwa hi valala va n'wina; lava mi vengaka va ta mi fuma, kutani mi ta baleka mi nga hlongorisiwi hi munhu.

1 SAMIELE 13:8

A yimela masiku ya ntlhanu na mambirhi lama vekiweke hi Samiele kambe Samiele a hlwela ku fika eGiligala, kutani tiko ri hangalaka ri hambana na Sawulo.

Yoxuwa 13:8

Va Rhuveni ni va Gadi, swin'we ni hafu yin'wana ya nyimba ya Manase va kumile ndzhaka ya vona leyi Muxe a va nyikeke ehase ka Yordani, evuxeni,

Yoxuwa 13:11

na Giliyadi, ni tiko ra Vagexuri, ni Vamaakati, ni ntshava hinkwayo ya Hermoni, ni Baxani hinkwayo, ku fika eSaleka;

1 SAMIELE 17:11

Sawulo ni Vaisraele hinkwavo va twa marito ya Mufilista, kutani va hela timbilu va chava ngopfu.

1 SAMIELE 31:7

Va Israele lava akeke etlhelo ra haleno ra rivala, ni tlhelo ra haleno ra Yordani, kakuloko va vona leswaku vavanuna va Israele va tsutsumile, ni leswaku Sawulo ni vana va yena lavanharhu va file, va tshika miti ya vona, va tsutsuma. Kutani Vafilista va ta aka eka yona.