1 SAMIELE 13:6 - Xitsonga (Bibele)

⁶ Vanhu va Israele va tivona leswaku va le khombyeni lerikulu, hikuva tiko ri susumetiwa swinene; kutani va tumbela emabakweni, ni le swihlahleni, ni le maribyeni, ni le makhokholweni, ni le makheleni.

BIBELE Mahungu Lamanene

⁶ Vavanuna va Israele va swi vona leswaku va le khombyeni, hikuva mavuthu ya vona a ma siveleriwile hi valala, kutani vaaki va tiko va ya tumbela emabakweni, ni le makheleni, ni le makocokocweni, ni le migodini, ni le swihlobyeni.

1 SAMIELE 13:6 Referans Kwoze

Vaavanyisi 6:2

Vamidiyani va xanisa Vaisraele ngopfu, vana Vaisraele va ko va chavela emabakweni ya tintshava ni le timhakweni, ni le makhokholweni hi ku chava Vamidiyani.

Vaheveru 11:38

vona misava a yi nga va fanelanga, va tsendzeleka emananga, ni le tintshaveni, ni le mabakweni, ni le miceleni ya misava.

Vafilipiya 1:23

hikuva ndzi kokiwa hi matlhelo mambirhi, ndzi ni ku navela ku suka, leswaku ndzi va na Kriste, hikuva hi yona mhaka leyi sasekeke eka mina ku tlurisa;

Esaya 42:22

Kutani tiko leri, ri phangiwile swilo swa rona, ri ni vusweti, hinkwavo va bohiwile emabakweni va khotsiwile ekhotsweni, va phangiwile, ku hava mulamuleri, va hlanguriwile, kutani a ku na la vulaka: “Tlherisa!”

2 SAMIELE 24:14

Davhida a ku eka Gadi: “Ndzi le mapfalweni lamakulu. A hi weleni emavokweni ya Yehovha, hikuva tintswalo ta yena tikulu: ndzi nga weli emavokweni ya vanhu!”

1 SAMIELE 24:3

Kavaloko Sawulo a teka vanhu va 3 000 lava hlawuriweke eIsraeleni hinkwawo, kutani a ya lava Davhida ni vanhu va yena emaribyeni ya tintshembe.

1 SAMIELE 23:19

Va ka Zifi va tlhandlukela eka Sawulo eGibeya, va ku: “Davhida a nga tumbelanga exikarhi ka hina, hambi emakhokholweni hambi exihlahleni, hambi exitsungeni xa Hakila, lexi nga exineneni ka rivala xana?

1 SAMIELE 14:11

Kavaloko va tikombisa havambirhi ekhokholweni ra Vafilista, kutani Vafilista va ku: “Vaheveru hi lava, va huma emakheleni lawa va tumbeleke eka wona.”

Vaavanyisi 20:41

Kutani vavanuna va Israele va hundzuka, kambe vavanuna va Benjamini va chava loko va vona leswaku khombo ri va humelele.

Vaavanyisi 10:9

Vana va Amoni va pela Yordani ku ya lwa na Yuda na Benjamini, ni nyimba ya Efrayimi; vana va Israele va ri enhlomulweni lowukulu.

Yoxuwa 8:20

Vanhu va Ayi va hundzuka va languta, kutani maswivo, musi wa muti wu mbulukela etilweni, a va nga tivi laha va nga balekelaka kona, hikuva tiko leri ngi ri balekele emananga, ri hundzukela leri ri va hlongorisaka.

1 SAMIELE 7:7

Vafilista, kuteloko va twile leswaku vana va Israele a va hlengeletanile eMispa, tindhuna ta Vafilista ti tlhandluka ku ya lwa na Israele; vana va Israele va swi twa kutani va chava emahlweni ka Vafilista.

1 SAMIELE 13:15

Kutani Samiele a pfuka, a suka eGiligala, a tlhandlukela eGibeya wa Benjamini, kutani Sawulo a kamba ntlawa lowu ngi wu ri na yena, a va lava ku va vanhu va 600.

1 SAMIELE 14:22

Kutani vanhu va Israele lava tumbeleke entshaveni ya Efrayimi, loko va twa leswaku Vafilista va chavile, va chivirika na vona ku va hlongorisa va ri karhi va lwa.

Yeremiya 41:9

Khele rolero Iximaele a lahleke eka rona mitsumbu hinkwayo ya vanhu valavo a va dlayeke swin'we na Gedaliya, hi leri hosi Asa a ri endleke hi ku chava Baaxa, hosi ya ka Israele, hi rona khele leri Iximaele n'wana Netaniya a nga ri tata hi mitsumbu.

Ezekiele 33:27

U nge eka vona: Hosi Yehovha u ri: Ndza hanya, hakunene lava nga emarhumbini va ta wa hi fumu, lava nga etikweni, ndzi ta va nyiketa swivandza swi va swakudya swa swona; va le makhokholweni ni le mabakweni va ta fa hi ntungu.

1 SAMIELE 31:7

Va Israele lava akeke etlhelo ra haleno ra rivala, ni tlhelo ra haleno ra Yordani, kakuloko va vona leswaku vavanuna va Israele va tsutsumile, ni leswaku Sawulo ni vana va yena lavanharhu va file, va tshika miti ya vona, va tsutsuma. Kutani Vafilista va ta aka eka yona.