1 SAMIELE 12:3 - Xitsonga (Bibele)

³ Hi mina loyi; ndzi landzuleni emahlweni ka Yehovha, ni le mahlweni ka muhlawuriwa wa yena: Ndzi tekile homu ya mani xana? Ndzi tekile mbhongolo ya mani xana? Ndzi dyelele mani? Ndzi xanisile mani? Ndzi khandlile mani? Ndzi amukerile tinyiko emavokweni ya mani leswaku ndzi pfala mahlo ehenhla ka yena ndzi ta mi tlherisela swona!”

BIBELE Mahungu Lamanene

³ Hi mina loyi! Loko ndzi mi hoxerile, vulani sweswi emahlweni ka HOSI Xikwembu, ni le mahlweni ka Sawulo muhlawuriwa wa xona. Xana i mani loyi ndzi tshamaka ndzi n'wi tekela homu ya yena kumbe mbhongolo ya yena xana? Xana ndzi dyelerile mani? I mani loyi ndzi n'wi xaniseke xana? Xana ndzi amukerile mali eka mani yo ndzi pfala nomo xana? Loko a ri kona ndzi nga n'wi tlherisela.”

1 SAMIELE 12:3 Referans Kwoze

Timhaka 20:33

A ndzi navelanga macheleni, ni loko ti ri tipondho, hambi yi ri nguvu ya munhu ni un'we.

Tinhlayo 16:15

Muxe a kariha ngopfu, kutani a ku eka Yehovha: “U nga ka u nga amukeli nhlengo wa vona! A ndzi va tekelanga mbhongolo ni yin'we; a ndzi dyelelanga ni un'we wa vona.”

1 Petro 5:2

Risani ntlhambi wa Xikwembu lowu nga na n'wina mi wu langutela, ku nga ri hi ku sindzisiwa, kambe ku va hi ku swi rhandza; ku nga ri hikwalaho ka bindzu lero biha, kambe ku va hi ku chivirika;

1 SAMIELE 24:6

Kutani ndzhaku ka swona, ripfalo ra yena ri n'wi tshinya, hikuva a a xekile nguvu ya Sawulo.

Duteronoma 16:19

U nga tshuki u voyamisa ku lulama; u nga tshuki u ya hi nghohe ya vanhu, kambe u nga tshuki u amukela tinyiko, hikuva nyiko yi phumerisa mahlo ya tintlhari, kambe yi onha timhaka ta lavo lulama.

1 Vatesalonika 2:10

Mi timbhoni, swin'we na Xikwembu, ta mukhuva lowu hlawuriweke, lowo lulama lowu nga riki na nandzu, lowu hi mi endleleke ha wona, n'wina lava pfumeleke.

1 SAMIELE 12:5

A ku eka vona: “Yehovha i mbhoni ya ku mi landzula, na yena muhlawuriwa wa yena i mbhoni namuntlha leswaku a mi kumangi nchumu emavokweni ya mina.” Kutani tiko ri ku: “Hi tona timbhoni.”

1 SAMIELE 10:1

Kutani Samiele a teka rimhondzo ra mafurha, a ri chela enhlokweni ya Sawulo, kutani a n'wi ntswontswa a ku: “Xana Yehovha a nga ku chelanga hi mafurha leswaku u va hosi ehenhla ka ndzhaka ya yena xana?

Eksoda 23:8

U nga tshuki u amukela tinyiko, hikuva i xilo lexi pfalaka mahlo ya lava vonaka ni ku hombolokisa timhaka ta lava lulameke ehubyeni.

1 Vatesalonika 2:5

Hikuva a hi vanga na rito ra ku kanganyisa hi ku sasela ni siku ni rin'we, na n'wina ma swi tiva, ni loko ma ri mano lama fihlaka ku navela ku fuwa; Xikwembu i mbhoni ya hina.

Eksoda 20:17

“U nga tshuki u navela yindlu ya warikwenu, u nga tshuki u navela nsati wa yena, hambi a ri nandza wa yena wa wanuna, kumbe wa wansati hambi yi ri homu ya yena, hambi yi ri mbhongolo ya yena, hambi xi ri xilo xin'wana xa warikwenu.”

Luka 19:8

Kwalaho Zakiya a yima, a ku eka Hosi: “Vona, Hosi, ndzi avanyisela swisiwana rifuwo ra mina hi le xikarhi; loko ndzi dyile xilo xa munhu ndzi n'wi tlherisela ka mune.”

Matewu 22:21

Va ku eka yena: “I swa Khezari.” Kutani a ku eka vona: “Tlheriselani Khezari leswi nga swa Khezari, ni Xikwembu leswi nga swa Xikwembu.”

Levhitika 6:4

kutakuloko a dyohile sweswo, kutani a tivula, u ta tlherisa xilo lexi a xi yiveke, hambi xi ri xilo lexi nga vekiwa eka yena, hambi xi ri xilo lexi lahlekeke, lexi a nga xi kuma,

Eksoda 22:4

Loko xilo lexi yiviweke xi kumiwa emavokweni ya yena ha hanya, hambi yi ri homu, hambi mbhongolo, hambi xinyimpfana, u ta swi riha kambirhi.

2 Vakorinto 12:14

Maswivo, ndzi tilunghisele ra vunharhu ku ta eka n'wina; kutani sweswi ndzi nga ka ndzi nga endli hi ku mi tikela, hikuva a ndzi lavi swa n'wina kambe ndzi lava n'wina; hikuva a hi vana lava fanelaka ku hlengeletela vatata wa vona, kambe i vatatana lava fanelaka ku hlengeletela vana va vona.

1 SAMIELE 2:35

Ndzi ta tivekela muprista la tshembekeke; u ta endla hi ku rhandza ka mbilu yanga ni moya wa mina, ndzi ta n'wi akisela yindlu leyi tiyeke, kutani u ta famba hilaha ku nga heriki emahlweni ka Muhlawuriwa wa mina.

1 SAMIELE 12:4

Va ku: “A ku dyanga swa hina, a ku hi kandlanga, kambe a ku amukelangi nchumu eka munhu ni un'we!”

Swivuriso 15:27

La navelaka bindzu ra ku phanga u karhata yindlu ya yena, Kambe la vengaka tinyiko u ta hanya.

Levhitika 6:5

hambi xi ri xihi ni xihi lexi a nga hlambanya hi mavunwa ehenhla ka xona; u ta swi tlherisa hinkwaswo, a engetela hi vuntlhanu bya swona, a swi nyika n'wini wa swona siku leri a nga ta phahla mhamba ya yena ya ku riha.

1 SAMIELE 24:7

Kutani a ku eka vanhu va yena: “Yehovha a a ndzi sivele ku endlela hosi ya mina, a nga muhlawuriwa wa Yehovha, mhaka leyi, ndzi tlakusa voko ra mina ehenhla ka yena! Hikuva i muhlawuriwa wa Yehovha.”

1 SAMIELE 24:11

Wa swi vona sweswi hi mahlo ya wena leswaku Yehovha a a ku nyiketile emavokweni ya mina ebakweni. Va ndzi byele ku ku dlaya, kambe ndzi ku tsetselerile, ndzi ku: ‘Ndzi nga ka ndzi nga tlakusi voko ra mina ehenhla ka hosi ya mina, hikuva u muhlawuriwa wa Yehovha.’

1 SAMIELE 26:9

Davhida a ku eka Abixayi: “U nga tshuki u n'wi dlaya, hikuva i mani la nga ta tlakusa voko ehenhla ka muhlawuriwa wa Yehovha, a nga vi na nandzu xana?”

1 SAMIELE 26:11

Yehovha a a ndzi sivele ku tlakusa voko ra mina ehenhla ka muhlawuriwa wa Yehovha! Sweswi, teka tlhari leri nga evuseketelweni bya yena, ni nghotsa ya mati, kutani hi suka hi famba.”

2 SAMIELE 22:22

Hikuva ndzi hlayisile tindlela ta Yehovha, A ndzi dyohelanga Xikwembu xa mina.

Nehemiya 5:11

Kona sweswi, tlheriselani eka vona masimu ya vona, ni tivhinya ta vona, ni mitlhwari ya vona, ni tindlu ta vona, ni ku avanyisa ka dzana ka mali, ni mavele, ni vhinyo leyintshwa, ni mafurha, ri ri bindzu leri mi ri tekeke eka vona.”

Pisalema 15:5

A nga lombi mali ya yena hi bindzu, Kambe a nga amukeri tinyiko, a ta avanyisa la nga riki na nandzu. La endlaka sweswo a nga ka a nga tsekatsekisiwi, ni siku ni rin'we.