1 SAMIELE 12:22 - Xitsonga (Bibele)

²² Hikuva Yehovha a nga ka a nga tshiki tiko ra yena hikwalaho ka vito ra yena lerikulu, hi leswi Yehovha a titsakeleke ku mi endla tiko ra yena.

BIBELE Mahungu Lamanene

²² Hikwalaho ka vito lerikulu ra xona, HOSI Xikwembu xi nga ka xi nga mi cukumeti n'wina vanhu va xona, hikuva xi tsakerile ku mi hlawula, xi mi endla tiko ra xona.

1 SAMIELE 12:22 Referans Kwoze

Vafilipiya 1:6

Ndza tshemba leswaku la sunguleke ntirho lowunene eka n'wina, u ta wu heta ku fikela siku ra Yesu Kriste;

Pisalema 106:8

Hambiswiritano, a va ponisa hikwalaho ka vito ra yena, Leswaku a ta kombisa matimba ya yena.

Duteronoma 14:2

Hikuva u tiko leri hlawuleriweke Yehovha, Xikwembu xa wena, kambe Yehovha u ku hlawurile leswaku u va tiko ra yena ra xiviri, exikarhi ka matiko hinkwawo lama nga ehenhla ka misava.

1 TIHOSI 6:13

kutani ndzi ta aka exikarhi ka vana va Israele, ndzi nga tshiki tiko ra mina ra Israele.”

Varhoma 11:29

hikuva ku nyika ka Xikwembu, ni ku vitana ka xona, a ku na ku hundzuka.

Yeremiya 14:21

Hikwalaho ka vito ra wena, u nga tshuki u sandzisa, hambi ku ri ku onha xiluvelo xa ku kwetsima ha wena. Anakanya, u nga tshuki u tshova ntwanano wa wena na hina!

Yoxuwa 7:9

Vakanana, ni vaaki hinkwavo va tiko va ta swi twa, va ta hi rhendzela, va ta susa vito ra hina emisaveni; kutani u ta endla yini hi vito ra wena lerikulu xana?”

Vaefesa 1:12

leswaku hi ta hanya eku dzuniseni ka ku kwetsima ka yena hina lava tshembeke Kriste eku sunguleni;

Ezekiele 20:14

Kambe ndzi tirhe hikwalaho ka vito ra mina, leswaku ri nga nyamisiwi emahlweni ka matiko walawo ndzi nga va humesa emahlweni ka wona.

Ezekiele 20:9

Kambe ndzi tirhe hikwalaho ka vito ra mina, leswaku ri nga nyamisiwi emahlweni ka matiko lawa i ingi va ri eka wona, lawa ingi ndzi titivisile emahlweni ka wona, hi ku va humesa etikweni ra Egipta.

Esaya 43:25

“Hi mina, hi mina ntsena loyi a hlangulaka ku dyoha ka wena hikwalaho ka mina, kutani ndzi nga ka ndzi nga ha anakanyi swidyoho swa wena.

Pisalema 94:14

Hikuva Yehovha a nga ka a nga cukumeti tiko ra yena, A nga tshiki ndzhaka ya yena.

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

Matewu 11:26

Ina, Tatana, hi sweswo hikuva hilaha u tirhandzeleke hakona.

1 Vakorinto 4:7

Hikuva i mani la ku hlawuleke eka un'wana? Xana u na yini lexi u nga xi nyikiwangiki xana? Kutani loko u xi nyikiwile, u tidzunisela yini kukota loko ngi u nga nyikiwanga xana?

2 TIKRONIKA 15:2

kutani a humelela emahlweni ka Asa, a ku eka yena: “Wee Asa, ni va Yuda hinkwenu, ni va Benjamini, ndzi yingiseni! Yehovha u na n'wina loko mi ri na yena; kungakuloko mi n'wi lava, u ta pfumela ku kumiwa hi n'wina; kambe loko mi n'wi tshika, u ta mi tshika.

Eksoda 32:12

Vaegipta va ta vulela yini va ku: ‘U va humesile ku va endla swo biha, ku va dlaya etintshaveni, ni ku va heta laha emisaveni? Tlherisa ku kariha ka wena, u tshika khombo leri u ri lavelaka tiko ra wena.

Vaefesa 1:6

eku dzunisiweni ka tintswalo to kwetsima ta xona, leti xi hi endleke ha tona lava tsakisaka eka Murhandziwa wa xona,

Yohane 15:16

“A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya mi veleka mihandzu, ni leswaku mihandzu ya n'wina yi tshama, swi ri leswaku hinkwaswo leswi mi nga ta swi kombela eka Tatana hi vito ra mina, a mi nyika swona.

Malakiya 1:2

“Ndzi mi rhandzile,” ku vula Yehovha; kambe mi ri: “U hi rhandzile ha yini?”

Swirilo 5:20

Xana u nga hi rivala hilaha ku nga heriki? Xana u nga hi lan'wa hi malembe ya ku tala xana?

Yeremiya 14:7

“Loko milandzu ya hina yi va ni vumbhoni bya ku hi hehla, oho Yehovha tirha hikwalaho ka vito ra wena hikuva milandzu ya hina yi tele; hi ku dyoherile.

Esaya 48:11

Hikwalaho ka mina, ka mina ntsena, ndzi ta swi endla; hikuva xana ndzi ta pfumela ha yini-ke leswaku vito ra mina ri ta sandziwa? A ndzi swi koti ku nyika un'wana ku vonakala ka mina.

Esaya 42:16

Ndzi ta fambisa lavo fa mahlo endleleni leyi va nga yi tiviki, ndzi va fambisa emitileni leyi va nga yi tiviki. Emahlweni ka vona ndzi ta hundzula munyama wu va ku vonakala, ni tintshava ti va rivala; hi leswi ndzi nga ta swi endla, ndzi nga ka ndzi nga va fularheli.

Esaya 41:17

Swisiwana ni vapfumari va lava mati va nga ma kumi, ririmi ra vona ri omile hi torha. Mina Yehovha, ndzi ta va yingisa, mina Xikwembu xa Israele ndzi nga ka ndzi nga va tshiki.

Esaya 37:35

Ndzi ta sirheleta muti lowo ku wu hlayisa, hikwalaho ka mina, ni hikwalaho ka Davhida, nandza wa mina.’ ”

1 TIKRONIKA 28:9

Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.

2 TIHOSI 21:14

Ndzi ta tshika lexi seleke xa ndzhaka ya mina, kutani ndzi ta va nyiketa emavokweni ya valala va vona; va ta phangiwa ni ku khomiwa hi valala hinkwavo va vona,

Duteronoma 31:17

Kambe vukari bya mina byi ta va pfurhela hi siku lero, kutani ndzi ta va tshika, ndzi va fihlela mombo wa mina, va ta dyiwa, kutani makhombo layo tala ni nhlomulo swi ta va wela ehenhla kutani va ta ku hi siku leri: ‘A hi leswi Xikwembu xa mina xi nga riki xikarhi ka hina leswi makhombo lawa ma ndzi weleke ehenhla xana?’

Duteronoma 9:5

A hi ku lulama ka wena, ni vunene bya mbilu ya wena lebyi ku ngheniseke etikweni ra vona, kambe Yehovha u ta teka tiko ra vona emahlweni ka wena hikwalaho ka ku biha ka matiko lawa, ni ku tiyisa rito leri Yehovha a ri hlambanyeleke vatata wa wena, Abrahama, na Isaka, na Yakobo.

Vaheveru 13:5

Mikhuva ya n'wina yi nga tshuki yi va ya ku navela xuma, kambe mi kolwa hi leswi mi nga na swona, hikuva Xikwembu, hi xiviri xa xona, xi te: “Ndzi nga ka ndzi nga ku tshiki ndzi nga ka ndzi nga ku lahli.”

Varhoma 11:1

Kambe ndzi ri: Xana Xikwembu xi cukumetile tiko ra xona xana? E-e! Niswitsanana! Hikuva na mina ndzi Muisraele, wa rixaka ra Abrahama, wa nyimba ya Benjamini.

Duteronoma 7:6

Hikuva u tiko leri hlawuleriweke Yehovha, Xikwembu xa wena; Yehovha, Xikwembu xa wena, u ku hlawurile leswaku u va tiko ra yena hi xiviri exikarhi ka matiko hinkwawo lama nga emisaveni.

Duteronoma 31:6

Tiyisani mbilu, mi tiya! Mi nga chaveni, kambe mi nga chavisiwi hi vona, hikuva Yehovha, Xikwembu xa wena, a famba emahlweni ka wena, a nga ka a nga ku siyi, a nga ka a nga ku tshiki.”

1 TIHOSI 8:57

Yehovha, Xikwembu xa hina, a a ve na hina kukotisa leswi ngi a ri ni vatatana; a nga hi tshiki, a nga hi rivali,

Duteronoma 31:8

Yehovha u ta famba emahlweni ka wena, u ta va na wena; a nga ka a nga ku tshiki, a nga ka a nga ku siyi; u nga chavi, u nga heli mbilu.”

2 TIHOSI 14:27

Kambe Yehovha a nga vulanga leswaku u ta herisa vito ra Israele ehansi ka matilo; kutani a va kutsula ha Yerobuwamu, n'wana Yowasi.

Nehemiya 9:17

va ala ku twa, a va anakanyangi swihlamariso swa wena leswi u va endleleke swona, kambe va nonon'hwisa tinhamu ta vona, va tiarisa, va tivekela tihosi va ta tlhelela eku bohiweni ka vona. Kambe wena u Xikwembu lexi teleke ku rivalela ni tintswalo ni vunene, u hlwela ku kariha, u tele ku tsetselela, a ku va fularhelanga.

Esaya 43:7

hinkwavo lava thyiweke hi vito ra mina vona lava ndzi va endleleke ku vonakala ka mina, lava ndzi va vumbeke, lava ndzi va endleke!”

Esaya 49:15

“Xana mana wa munhu a nga rivala xihlangi xa yena, a nga tweri vusiwana la humeke ekhwirini ra yena xana? Hambiloko a n'wi rivala, mina ndzi nga ka ndzi nga ku rivari!

Esaya 63:8

U vurile, a ku: “Kunene tiko ranga hi vona, vana lava nga ka va nga ndzi xisi!” Kutani a a ri muponisi wa vona.

Yeremiya 14:9

Xana u swi rhandza ha yini ku va munhu la hlamarisiwaka, kukotisa nhenha leyi tsandzekaka ku ponisa? Kambe wee Yehovha, u karhi u le xikarhi ka hina, ni vito ra wena ra karhi ra vuriwa ehenhla ka hina: U nga tshuki u hi tshika!”