1 SAMIELE 12:21 - Xitsonga (Bibele)

²¹ Mi nga tshuki mi n'wi fularhela, hikuva mi ta landza swilo swahava leswi nga pfuniki nchumu, ni leswi nga ponisiki, hikuva swi ri swilo swahava.

BIBELE Mahungu Lamanene

²¹ Ndzi ri, mi nga xi fularheli hi ku landza swikwembu swa hava leswi nga ta ka swi nga mi pfuni nchumu, hambi ku ri ku mi ponisa, hikuva i swa hava hakunene.

1 SAMIELE 12:21 Referans Kwoze

Habakuku 2:18

Xifaniso lexi vatliweke xi pfuna yini leswi muvatli wa xona a xi vatleke; ni xifaniso lexi chuluriweke, lexi dyondzisaka vunwa, leswaku muvatli a titshembela eka lexi vatliweke hi yena, a ta swi endla swikwembu leswi nga vulavuriki?

Yeremiya 16:19

Oho Yehovha, matimba ya mina, ni khokholo ra mina, ni xichavelo xa mina hi siku ra mahlomulo! Matiko ma ta ta eka wena, ma huma emakumu ka misava, kutani ma ta ku: “Kunene, vatata wa hina va fuwile vunwa ni vuhava lebyi nga riki na ku pfuna nchumu.

Yeremiya 10:15

Swilo sweswo i vuhava, i mitirho ya ku kanganyisa; siku swi tshinyiwaka swi ta hela.

Yeremiya 14:22

Xana un'wana a nga va kona exikarhi ka swahava swa matiko la nisaka mpfula-ke? Kumbe tilo ri nga tinisela mpfula-ke? Xana a hi wena Yehovha Xikwembu xa hina? Na swona hi tshembile wena hikuva hi wena la endleke leswo hinkwaswo.

Duteronoma 11:16

“Tilanguteleni leswaku timbilu ta n'wina ti nga tshuki ti ringiwa, kutani mi hambuka, mi ya tirhela swikwembu swin'wana, mi khinsama emahlweni ka swona;

1 Vakorinto 8:4

Loko ku ri ku dya leswi tlhaveriweke swifaniso, ha swi tiva leswaku xifaniso a hi nchumu emisaveni, hikuva a ku na xikwembu ximbe loko xi nga ri xin'we ntsena.

Yonasi 2:8

Kakuloko moya wa mina wu hlala endzeni ka mina ndzi tlhela ndzi ehleketa Yehovha, kutani ku khongela ka mina ku fikile eka wena, etempeleni ya ku kwetsima ka wena.

Yeremiya 2:13

“Hikuva tiko ra mina ri dyohile kambirhi: va ndzi tshikile, mina ndzi nga nseledyana ya mati lama pfelelaka kambe va ticelele swihlovo, le swi handzukeke, leswi nga kotiki ku hlayisa mati.

Esaya 46:7

Va xi tlakula, va xi rhwala ekhatleni, va xi veka endhawini ya xona, kutani xi tshama kona, xi nga suki; hambi va huwelela eka xona a xi hlamuli a xi ponisi munhu enhlomulweni wa yena.

Esaya 45:20

Hlengeletanani, tanani, tshinelani swin'we, n'wina lava seleke exikarhi ka vamatiko! Va pfumala ku twisisa lava rhwalaka xifaniso xa vona xa ntsandze, lava khongelaka xikwembu lexi nga kotiki ku ponisa.

Yeremiya 10:8

Hinkwavo va hungukile va rivele; dyondzo ya swifaniso swa vona i murhi ntsena, ni silivhere leyi furiweke leyi pfaka Tarxixi, ni nsuku lowu humaka eUfazi;

Yeremiya 2:5

Ku vula Yehovha a ku: “Vatata wa n'wina va tshama va kuma ku biha kwihi eka mina xana? Leswi va tshamaka va hambana na mina, va fambela vuhava, kutani va hundzuka swahava.

Esaya 41:29

Vonani, hinkwavo i swahava, mitirho ya vona a hi ya nchumu, swifaniso swa vona i moya wa hava ntsena!

Duteronoma 32:21

Vona va ndzi pfuxele vukwele hi leswi nga riki Xikwembu, Va ndzi karihisa hi swahava swa vona; Kambe mina ndzi ta va pfuxela vukwele hi lexi nga riki tiko, Ndzi va karihisa hi tiko leri hungukeke.

Timhaka 14:15

“Vavanuna, mi endlisela yini sweswo xana? Kasi na hina hi vanhu lava fanaka na n'wina hi ntumbuluko; kutani ho mi byela leswaku mi tshika timhaka leti ta swahava, ni leswaku mi hundzukela eka Xikwembu lexi hanyaka, lexi nga endla tilo ni misava, ni lwandle, ni swilo hinkwaswo leswi nga eka swona;

Duteronoma 30:17

Kambe loko mbilu ya wena yi hunguka, ni loko u nga yingisi, kambe u pfumela ku kokiwa ni ku khinsama emahlweni; ka swikwembu swin'wana, ni ku swi tirhela,

2 TIHOSI 17:15

Va sandza milawu ya yena, ni ntwanano wa yena lowu a wu endleke ni vatata wa vona, ni ku layiwa loku a va layeke hakona; va landza swahava, kutani va hundzuka swahava, va ri karhi va famba endzhaku ka matiko lawa ma va rhendzeleke, lawa Yehovha a va leriseke leswaku va nga tshuki va endla kukotisa wona.

Yonasi 2:9

Lava tinyiketaka eka leswa hava, va titsonela tintswalo.