1 SAMIELE 12:2 - Xitsonga (Bibele)

² sweswi hosi leyi nga ta famba emahlweni ka n'wina hi yoleyi; loko ndzi ri mina ndzi dyuhele, ndzi basile misisi, kutani vana va mina hi lava exikarhi ka n'wina. Loko ndzi ri mina, ndzi fambile emahlweni ka n'wina ku suka evutsongwaneni bya mina ku fika namuntlha.

BIBELE Mahungu Lamanene

² Sweswi, hosi leyi hi yona mufambisi wa n'wina. Mina ndzi dyuharile, ndzi basile nhloko; vana va mina va kona exikarhi ka n'wina. Ndzi vile mufambisi wa n'wina ku sukela evuhlangini bya mina, ku fikela namuntlha.

1 SAMIELE 12:2 Referans Kwoze

1 SAMIELE 8:5

“Waswivo, u dyuharile, kutani vana va wena a va fambi etindleleni ta wena. Sweswi hi vekele hosi ku hi avanyisa, kukotisa ematikweni hinkwawo.”

1 SAMIELE 8:20

“A hi swona kambe hosi yi ta va henhla ka hina na hina hi ta fana ni matiko hinkwawo: hosi ya hina yi ta hi avanyisa, yi ta huma emahlweni ka hina, yi ta tiyisa tinyimpi ta hina.”

1 SAMIELE 8:1

Samiele, kuteloko a dyuharile, a veka vana va yena va va vaavanyisi va Israele.

1 SAMIELE 8:3

Kambe vana va yena a va fambanga etindleleni ta yena, va hambuka hi ku navela mali, a va amukela ni tinyiko, va voyamisa ku lulama.

Tinhlayo 27:17

loyi a va humesaka, ni loyi a va nghenisaka; nhlengeletano ya Yehovha yi nga vi ku kotisa ntlhambi lowu nga riki na murisi.”

2 Petro 1:14

Hikuva ndza swi tiva leswaku ku rhurha ka mina entsongeni lowo, ku kusuhi, tanihi leswi Hosi ya hina, Yesu Kriste, a nga ndzi kombisa, na yena.

2 Timotiya 4:6

Hikuva, loko ndzi ri mina, ndzi kotisa mhamba leyi humesiwaka egandzelweni, kutani nkarhi wa ku suka ka mina wu le kusuhi.

Pisalema 71:18

U nga ndzi tshiki, oho Xikwembu! Ni le ku dyuhaleni ka mina, Ndzi ta kota ku vula matimba ya wena eka vanhu va sweswi, Ni mitirho ya ntamu wa wena eka hinkwavo lava nga ta ta!

1 SAMIELE 3:16

Kambe Heli a vitana Samiele, a ku: “Samiele, n'wananga!” A ku: “Hi mina loyi.”

1 SAMIELE 3:13

Ndzi n'wi byerile leswaku ndzi ta avanyisa yindlu ya yena hilaha ku nga heriki hikwalaho ka xidyoho lexi a xi tivaka. Hikuva vana va yena va tilavele ndzhukano ehenhla ka vona, kambe a nga va layanga.

1 SAMIELE 2:29

Xana mi kandziyela yini hi milenge magandzelo ya mina ni mihlengo ya mina, leswi ndzi swi leriseke ku swi humesa endlwini ya mina-ke? U dzunisile vana va wena ku tlurisa mina, mi tinonisa hi swirhangana hinkwaswo swa Israele, tiko ra mina.

1 SAMIELE 2:22

Kambe Heli a a dyuhele ngopfu; kutani a twa hinkwaswo leswi vana va yena va swi endlaka eka Vaisraele hinkwavo, a twa ni leswaku va etlela ni vavasati lava hlengeletanaka enyangweni ya tabernakela ya nhlengeletano.

1 SAMIELE 3:10

Kutani Yehovha a ta, a yima, a vitana kambe kukotisa eku sunguleni, a ku: “Samiele, Samiele!” Kutani Samiele a ku: “Vulavula, hikuva nandza wa wena wa yingisa.”

Yoxuwa 23:1

Kuteloko masiku layo tala ma hundzile, mpfhuka Yehovha a nyikile vana va Israele ku wisa eka valala va vona hinkwavo, ematlhelweni hinkwawo, yena Yoxuwa a dyuharile, a taleriwe hi masiku.

Yoxuwa 23:2

Yoxuwa a hlengeleta Vaisraele hinkwavo, va ri vakulukumba va vona, ni tindhuna ta vona, ni vaavanyisi va vona, ni tindhuna ta nyimpi ya vona, a ku eka vona: