1 SAMIELE 12:18 - Xitsonga (Bibele)

¹⁸ Samiele a huwelela eka Yehovha, kutani Yehovha a pfumisa tilo, a nisa mpfula siku leri, kutani tiko hinkwaro ri chava ngopfu Yehovha na Samiele.

BIBELE Mahungu Lamanene

¹⁸ Hiloko Samiele a khongela HOSI Xikwembu, kutani hi siku rero xi pfumisa tilo, xi nisa ni mpfula; hikokwalaho vanhu va sungula ku chava ngopfu HOSI Xikwembu na Samiele.

1 SAMIELE 12:18 Referans Kwoze

Eksoda 14:31

Ku va kona Israele a vonaka matimba lamakulu ya Yehovha, lawa a ma kombiseke Vaegipta. Kutani tiko ri chava Yehovha; ri pfumela eka Yehovha ni le ka Muxe, nandza wa yena.

Ezra 10:9

Kutani vanhu hinkwavo va Yuda, ni va Yerusalema, ni va Benjamini, va hlengeletana eYerusalema hi masiku manharhu; yi nga n'hweti ya ntlhanu na mune, hi siku ra makume mambirhi ra n'hweti. Tiko hinkwaro ri ta tshamisa erivaleni, emahlweni ka yindlu ya Xikwembu, va ri karhi va rhurhumela hikwalaho ka mhaka leyi nga kona, ni hikwalaho ka timpfula.

Ntirho 37:13

Yi nga va nhonga leyi xi baka misava ha yona, Kumbe xi nga humesa ha wona ku kateka ka xona.

Pisalema 99:6

Muxe na Aroni exikarhi ka vaprista va yena; Na Samiele, un'wana wa lava khongelaka vito ra yena, Va khongele Yehovha, kutani a va yingisa.

Yoxuwa 4:14

Hi siku lero, Yehovha a kurisa Yoxuwa emahlweni ka Vaisraele hinkwavo, kutani va n'wi chava kukota leswi va chaveke Muxe hi masiku hinkwawo ya ku hanyaka yena.

Yoxuwa 10:12

Kavaloko Yoxuwa a vulavula na Yehovha siku Yehovha a nyiketeke Vaamori eka vana va Israele, a ku: “Dyambu, yima ehenhla ka Gibiyoni, na wena n'weti enkoveni wa Ayaloni.”

1 TIHOSI 18:42

Akabu a tlhandluka ku ya dya ni ku nwa; kambe Eliya a khandziya enhlohlorhini ya Karmele a khinsama hansi a veka mombo wa yena exikarhi ka matsolo ya yena.