1 SAMIELE 11:7 - Xitsonga (Bibele)

⁷ kutani a tlhava tihomu timbirhi a xindla tinyama ta tona, a endla mihluvi, kutani a yi rhumela hi vanhu etikweni hinkwaro ra Israele; a ku: “Un'wana ni un'wana loyi a nga tiki huma ku landza Sawulo na Samiele tihomu ta yena ti ta xindliwa hi mukhuva wolowo.” Kutani nchavo wa Yehovha wu khoma tiko, vanhu va huma kukota munhu un'we.

BIBELE Mahungu Lamanene

⁷ kutani a teka tihavi timbirhi, a dlaya a tsemelela nyama ya kona, a rhuma vanhu va yi yisa etikweni hinkwaro ra Israele, ni xitiviso lexi nge: “Munhu un'wana ni un'wana la alaka ku huma nyimpi a landza Sawulo na Samiele, tihavi ta yena ti ta tsemeleriwa hi ndlela yoleyo.” Kavaloko va ngheniwa hi ku chava HOSI Xikwembu, kutani va huma hinkwavo, ku nga sali munhu ni un'we.

1 SAMIELE 11:7 Referans Kwoze

Vaavanyisi 19:29

Kuteloko a fikile ekaya, a teka mukwana, a khoma mbuya ya yena, a avanyisa swirho swa yona hi swihlubyana swa khume na swimbirhi, a swi rhumela etikweni hinkwaro ra Israele.

Vaavanyisi 20:1

Kutani vana va Israele hinkwavo, va huma ku sukela eDani ku ya fika eBerexeba ni le tikweni ra Giliyadi, Vaisraele va hlengeletana eMispa emahlweni ka Yehovha, kukotisa loko a ri munhu un'we.

2 TIKRONIKA 17:10

Xichavo xa Yehovha xi va eku fumeni ka matiko hinkwawo lama rhendzeleke Yuda hi le xikarhi, kutani a va humanga nyimpi ku lwa na Yoxafati.

2 TIKRONIKA 14:14

va hlasela miti hinkwayo leyi nga ekusuhi na Gerara, hikuva ku chava ka Yehovha a ku va khomile, va phanga miti hinkwayo hikuva a yi ri ni xuma lexikulu ngopfu.

Genesa 35:5

Kavaloko va suka; kutani ku chava Xikwembu ku ve ehenhla ka miti leyi vandzamaneke na vona, hikwalaho a va landzelangi vana va Yakobo.

2 TIKRONIKA 19:7

Sweswi, xichavo xa Yehovha a xi ve ehenhla ka n'wina; tivoneleni hilaha mi nga ta endla hakona, hikuva eka Yehovha, Xikwembu xa hina, a ku na vumbabva hambi ku ri ku ya hi nghohe ya vanhu, ni ku amukela tinyiko.”

Esaya 8:13

Yehovha wa tinyimpi, hi yena loyi mi fanelaka ku n'wi hlawula; a a ve yena xichaviso xa n'wina, ni xirhurhumeriso xa n'wina.