1 SAMIELE 11:1 - Xitsonga (Bibele)

¹ Kutani Nahaxi, wa ka Amoni, a ya dzima mixaxa kusuhi na Yabexe wa Giliyadi ku ya hlasela; kutani vanhu hinkwavo va Yabexe va ku eka Nahaxi: “Endla xinakulobye na hina, hi ta ku tirhela.”

BIBELE Mahungu Lamanene

¹ Nahaxi wa Muamoni a huma nyimpi a ya rhendzela muti wa Yabexe-Giliyadi, kutani vavanuna hinkwavo va Yabexe va ku ka Nahaxi: “Hi pfumelele ku endla xinakulobye na wena, kutani hina hi ta ku tirhela.”

1 SAMIELE 11:1 Referans Kwoze

1 SAMIELE 12:12

Kuteloko mi vonile Nahaxi, hosi ya vana va Amoni, a ta ku lwa na n'wina, mi te eka mina: ‘E-e, kambe hosi yi ta hi fuma,’ kambe Yehovha, Xikwembu xa n'wina, a yi ri hosi ya n'wina.

Ezekiele 17:13

Yi tekile n'wana un'wana wa hosi, yi endlile xinakulobye na yena, yi n'wi hlambanyisa, kambe yi susile vakulukumba va tiko,

1 TIHOSI 20:34

Bene-Hadada a ku eka yena: “Ndzi ta ku tlherisela miti leyi tatana a yi tekeke eka tata wa wena, kutani u ta tiakela mitsendzele eDamaska kukotisa tatana a tiakeleke yona eSamariya.” Akabu a hlamula, a ku: “Loko ndzi ri mina, ndzi ta ku tshika u famba loko hi endlile xinakulobye.” Kavaloko a endla xinakulobye na yena, kutani a n'wi tshika a famba.

Vaavanyisi 21:8

Kutani va ku: “Xana hi vahi va tinyimba ta Israele lava nga tlhandlukelangiki eka Yehovha eMispa xana?” Kutani va kuma leswaku a ku nga ri na un'we wa va Yabexe wa Giliyadi la tlhandlukeleke emixaxeni ni le nhlengeletanweni.

Genesa 26:28

Va hlamula, va ku: “Hi swi vonisise swinene leswaku Yehovha u na wena, kutani hi ku: ‘A ku ve ku hlambanya exikarhi ka hina, na wena’, hi va hi tiyisa xinakulobye na wena.

Ntirho 41:4

Xana yi ta tiboha eka wena, Leswaku yi ta ku tirhela hi masiku xana?

Eksoda 23:32

U nga tshuki u endla xinakulobye na vona, kumbe ni swikwembu swa vona.

Esaya 36:16

Mi nga yingisi Hezekiya, hikuva hosi ya Asiriya yi vurisa sweswo, yi ku: “Lavani ku rhula na mina, mi tinyiketa eka mina, kutani un'wana ni un'wana u ta dya mihandzu ya vhinya ya yena ni ya nkuwa wa yena, u ta nwa mati ya xihlovo xa yena,

Vaavanyisi 10:7

Kutani ku kariha ka Yehovha ku pfurhela va Israele; a va nyiketa emavokweni ya Vafilista, ni le mavokweni ya vana va Amoni.

Duteronoma 23:3

“Vaamoni ni Vamowabu va nga ka va nga ngheni enhlengeletanweni ya Yehovha hambi rixaka ra vona ra vukhume ri nga ka ri nga ngheni enhlengeletanweni ya Yehovha; va nga ka va nga ngheni ni siku ni rin'we,

1 SAMIELE 14:47

Sawulo, kuteloko a nghenile evuhosini bya Israele a hlasela valala hinkwavo lava ngi va n'wi rhendzele, va ri Vamowabu, ni vana va Amoni, na Edomu, ni tihosi ta Soba, ni Vafilista; kutani hinkwako laha ingi a kongoma kona, a a ri muhluri.

2 SAMIELE 10:1

Endzhaku ka sweswo, hosi ya vana va Amoni yi fa, kutani Hanunu, n'wana wa yena, a fuma ematshan'weni ya vona.

2 SAMIELE 10:2

Kutani Davhida a ku: “Ndzi ta kombisa tintswalo eka Hanunu, n'wana Nahaxi, kukotisa leswi tata wa yena a ndzi kombiseke tintswalo.” Kavaloko Davhida a rhuma malandza ya yena ma ya n'wi chavelela hikwalaho ka tata wa yena; kutani malandza ya Davhida ma fika etikweni ra vana va Amoni.

2 SAMIELE 17:27

Kakuloko Davhida a fika eMahanayimi, Xobi, n'wana Nahaxi wa Rhaba, wa vana va Amoni, na Makiri n'wana Amiele, wa Lo-Debara, na Barizilayi Mugiliyadi wa Rogelimi,

Yeremiya 40:11

Kambe Vayuda hinkwavo lava ngi va ri etikweni ra Mowabu, ni le tikweni ra vana va Amoni, ni ra Vaedomu, ni lava ngi va ri ematikweni hinkwawo ya matlhelo, va twa leswaku hosi ya Babilona yi siyele Yuda masalela ni leswaku yi vekile Gedaliya, n'wana Ahikama, n'wana Xafani, murisi wa vona.

Yeremiya 40:14

“A hi ku, wa swi tiva leswaku Baalisi, hosi ya vana va Amoni, u rhumile Iximaele, n'wana Netaniya, ku ku dlaya xana?” Kambe Gedaliya, n'wana Ahikama, a nga pfumelanga.

Vaavanyisi 11:4

Endzhakunyana, vana va Amoni va huma nyimpi ku ya lwa ni Vaisraele.

2 SAMIELE 2:5

Kutani Davhida a rhuma tintsumi eka vanhu va Yabexe wa Giliyadi, a ku eka vona: “A mi katekisiwe hi Yehovha, n'wina mi nga kombisa tintswalo eka hosi ya n'wina, Sawulo, mi va mi n'wi lahla.

1 TIKRONIKA 10:11

Hinkwavo va Yabexe wa Giliyadi va twa hinkwaswo leswi Vafilista va swi endleleke Sawulo,

1 TIKRONIKA 10:12

kutani vavanuna hinkwavo lava tiyeke va pfuka va ya teka ntsumbu wa Sawulo ni mitsumbu ya vana va yena, va yi tisa eYabexe. Va lahla marhambu ya vona ehansi ka nkanyi wa Yabexe; kutani va titsona swakudya hi masiku ya ntlhanu na mambirhi.