1 SAMIELE 10:9 - Xitsonga (Bibele)

⁹ Kuteloko Sawulo a fularhele Samiele, Xikwembu xi n'wi hundzuluxa mbilu, kutani swikombiso hinkwaswo leswi, swi n'wi humelela hi siku lero.

BIBELE Mahungu Lamanene

⁹ Loko Sawulo a hundzuluka a hambana na Samiele, Xikwembu xi n'wi nyika mbilu leyintshwa, kutani swikombiso hinkwaswo leswi vuriweke swi humelela siku rero:

1 SAMIELE 10:9 Referans Kwoze

Vaavanyisi 7:11

U ta twa leswi vulavuriwaka kona, mavoko ya wena ma ta tiyisiwa, kutani u ta ngirimela emixaxeni.” Kutani a ngirimela kona, a ri na Pura, nandza wa yena a ya laha ku nga ni valanguteri lava hlomeke emixaxeni.

Vaavanyisi 6:21

Kutani ntsumi ya Yehovha yi kombeta hi yinhla va nhonga leyi, ngi yi ri evokweni ra yona, yi khumba nyama ni swinkwa leswi nga riki na comela kwalaho ku huma ndzilo eribyeni wu hisa nyama ni swinkwa leswi nga riki na comela, kutani ntsumi ya Yehovha yi suka eka yena.

Marka 14:16

Kutani vadyondzisiwa va yena va suka, va nghena emutini, va kuma swi ri tano hilaha a nga va byela hakona; kutani va lunghisa Paseka.

1 SAMIELE 2:35

Ndzi ta tivekela muprista la tshembekeke; u ta endla hi ku rhandza ka mbilu yanga ni moya wa mina, ndzi ta n'wi akisela yindlu leyi tiyeke, kutani u ta famba hilaha ku nga heriki emahlweni ka Muhlawuriwa wa mina.

1 SAMIELE 16:13

Kavaloko Samiele a teka rimhondzo ra mafurha a n'wi chela exikarhi ka vamakwavo, kutani Moya wa Yehovha wu khoma Davhida, ku sungula siku leri ni ku ya emahlweni, Kavaloko Samiele a pfuka a muka eRhama.

Ezekiele 36:26

Ndzi ta mi nyika timbilu letintshwa, ndzi veka endzeni ka n'wina moya lowuntshwa, ndzi susa enyameni ya n'wina timbilu ta maribye, ndzi mi nyika timbilu ta nyama.