1 SAMIELE 10:5 - Xitsonga (Bibele)

⁵ Endzhaku ka swona u ta fika eGibeya-Elohimi, laha ku nga ni yindlu ya valanguteri va tiko ra Vafilista. Kutakuloko u nghena kona, emutini, u ta hlangana ni ntlawa wa vaprofeta lava ngirimelaka va suka exivandleni lexi tlakukeke va ri ni timbila, ni ngoma, ni nanga, ni haripa, va ri karhi va bvumbha.

BIBELE Mahungu Lamanene

⁵ Endzhaku ka sweswo, u ta fika emutini lowu vuriwaka ‘Xintshabyana-xa-Xikwembu’, laha ku nga ni vuthu ra Vafilista. Loko u nghena emutini, u ta hlangana ni ntlawa wa vaprofeta lava rhelelaka va huma exitsungeni lexo hlawuleka, va rhangeriwile hi vachayi va haripa, ni xingomana, ni xitiringo, ni xitende, va ri karhi va vhumbha.

1 SAMIELE 10:5 Referans Kwoze

2 TIHOSI 3:15

Kambe sweswi, ndzi tiseleni la tivaka ku yimba haripa.” Kutani kakuloko muyimbi a yimba, voko ra Yehovha ri va ehenhla ka Elixa.

1 SAMIELE 19:20

Kavaloko Sawulo a rhuma vanhu ku ya khoma Davhida; kutani va vona ntlawa wa vaprofeta lava bvumbhaka, Samiele a ri exikarhi ka vona a va dyondzisa, kutani Moya wa Xikwembu wu khoma varhumiwa va Sawulo, na vona va bvumbha.

1 SAMIELE 13:3

Yonatani a tlhava ntlawa wa Vafilista eGeba na vona Vafilista va swi twa. Kutani Sawulo a yimba nanga etikweni hinkwaro, a ku: “Vaheveru a va yingise!”

2 TIHOSI 2:15

Vana va vaprofeta lava ngi va ri eYeriko va langutene na yena, kuteloko va n'wi vona, va ku: “Moya wa Eliya wu tshame eka Elixa.” Va ya hlangana na yena, kutani va khinsama ehansi emahlweni ka Yena.

2 TIHOSI 2:5

Kutani vana va vaprofeta lava ngi va ri Yeriko, va tshinelela Elixa, va ku eka yena: “Xana wa swi tiva leswaku namuntlha Yehovha u ta tlakusela hosi ya wena ehenhla?” Kutani a ku: “Ndza swi tiva na mina: miyelani.”

2 TIHOSI 2:3

Kavaloko va ngirimela eBetele.” Vana va vaprofeta lava ngi va ri eBetele va huma va ta eka Elixa, va ku eka yena: “Xana wa swi tiva leswaku namuntlha Yehovha u ta tlakusa hosi ya wena ehenhla?” Kutani a ku: “Ndza swi tiva na mina: miyelani.”

1 SAMIELE 10:10

Kuteloko va fika eGibeya, waswivo, ntlawa wa vaprofeta wu ta hlangana na yena kutani Moya wa Xikwembu wu n'wi khoma, a bvumbha exikarhi ka vona.

1 Vakorinto 14:1

Phikelelani rirhandzu; chivirikelani na tona tinyiko ta Moya, ngopfungopfu ya ku profeta.

Pisalema 49:4

Ndzi ta rhiyela rito ra vutlhari ndleve, Ndzi ta hlamusela xifaniso xa mina ndzi va ndzi yimba haripa.

1 TIKRONIKA 16:42

Hemani na Yedutuni a va ri na vona, va ri ni tinanga, ni swiphambati swa vayimbeleri, ni timbila ta ku yimbelela tinsimu ta Xikwembu, vana va Yedutuni a va ri etinyangweni.

1 TIKRONIKA 16:5

Asafa a a ri hosana, na Zakariya wa vumbirhi, endzhaku ka yena; na Yaaziele, na Xemiramoto, na Yehiele, na Matitiya na Eliyabu, na Benaya, na Obede-Edomu, na Yehiele. Va ri ni magubu ni tiharipa, Asafa, yena, a a pfumisa swiphambati.

1 TIKRONIKA 13:8

kutani Davhida ni Vaisraele hinkwavo va ri karhi va cina emahlweni ka Xikwembu, hi matimba hinkwawo ya vona, va yimbelela, va ri ni tiharipa, ni magubu, ni madzandzana, ni swiphambati, ni tinanga.

2 TIHOSI 6:1

Vana va vaprofeta va ku eka Elixa: “Yindlu leyi hi tshamaka eka yona, emahlweni ka wena, a yi hi eneri.

2 TIHOSI 4:38

Kakuloko Elixa a tlhelela eGiligala, a ku ri ni ndlala etikweni. Vana va vaprofeta a va tshamisile emahlweni ka yena; kutani a ku eka nandza wa yena: “Tseleka mbita leyikulu, u swekela vana va vaprofeta matsavu.”

1 SAMIELE 9:12

“Xana Muvoni u kona xana?” Va va hlamula, va ku: “U kona le mahlweni ka wena. Hatlisa sweswi, hikuva namuntlha u tile emutini leswi ku nga ni gandzelo leri phahleriwaka tiko exivandleni lexi tlakukeke.

1 SAMIELE 10:4

va ta ku rungurisa ku hanya ka wena, kutani va ta ku nyika swinkwa swimbirhi, u ta swi amukela emavokweni ya vona.

1 SAMIELE 13:2

Sawulo a tihlawulela vanhu va Israele va 3 000; va 2 000 a va ri na Sawulo eMikamaxa ni le ntshaveni ya Betele, kambe va 1 000 a va ri na Yonatani eGibeya wa Benjamini; loko va ri lava seleke va tiko, a va rhuma un'wana ni un'wana entsongeni wa yena.

1 TIKRONIKA 11:16

Enkarhini wolowo Davhida a a ri ekhokholweni, kutani a ku ri ni ntlawa wa valanguteri va Vafilista, eBetlehema.

Pisalema 92:3

Hi xitendze xa tingoti ta khume, ni psalteri, Ni mimpfumawulo leyi nandzikaka ya haripa.

1 TIHOSI 18:29

Kuteloko nhlekanhi wu hundzile va bvumbha ku fika enkarhini wa ku humesa gandzelo; kambe va nga twi rito ni ku hlamula, va nga voni nchumu.

2 TIHOSI 2:7

Kutani vanhu va ntlhanu wa makume va vana va vaprofeta va ta, va yima emahlweni ka vona va ri ekulenyana; loko va ri vona havambirhi va yima eribuwini ra Yordani.