1 SAMIELE 10:27 - Xitsonga (Bibele)

²⁷ kambe vanhu van'wana lavo biha a va ku: “Xana loyi a nga hi ponisa ku yini-ke?” Kutani va n'wi sandza, a va n'wi tiselanga ndzuvu. Kambe Sawulo a nga vulanga nchumu ha swona.

BIBELE Mahungu Lamanene

²⁷ Kambe vanhu lavo biha vona a va ku: “Munhu yoloyi a nga hi lamulerisa ku yini xana?” Vanhu lava, a va n'wi tsan'wa va nga n'wi tiseli ndzuvo, kambe Sawulo yena a timiyelela.

1 SAMIELE 10:27 Referans Kwoze

Duteronoma 13:13

‘Vanhu va hava va hume eka wena, va khunguvanyisile vaaki va muti wa vona va ku: “A hi yeni, hi ya tirhela swikwembu swin'wana,” ’ leswi mi nga swi tivangiki;

2 TIKRONIKA 17:5

Kutani Yehovha a tiyisa vuhosi evokweni ra yena, va Yuda hinkwavo va luva eka Yoxafati; a va ni rifuwo lerikulu ni ku twala lokukulu.

1 TIHOSI 10:25

un'wana ni un'wana a tisa nhlengo wa yena, swi ri swibya swa silivhere ni swa nsuku, ni tinguvu, ni matlhari, ni mirhi ya risuna, ni tihanci, ni timula, lembe rin'wana ni rin'wana.

1 SAMIELE 2:12

Vana va Heli a va ri vana va Beliyali (lavo biha); a va nga tivi Yehovha.

Timhaka 7:35

“Muxe yeloyi va nga n'wi landzula, va ku: ‘I mani la ku vekeke hosi ni muavanyisi wa hina?’ Hi yena la nga rhumiwa hi Xikwembu leswaku a va hosi ni muntshunxi wa vona, hi matimba ya ntsumi leyi n'wi humeleleke exihlahleni.

Esaya 36:21

Kutani va miyela, va nga hlamuri rito ni rin'we, hikuva hosi a yi lerisile, yi ku: “Mi nga tshuki mi n'wi hlamula.”

Pisalema 72:10

Tihosi ta le Tarxixi ni ta swihlale ti ta tisa ndzuvo, Tihosi ta le Xeba ni ta Seba ti ta humesa tinyiko;

Pisalema 38:13

Kambe mina ndzi kotisa wo fa tindleve, a ndzi twi nchumu; Ndzi fana ni mbheveve la nga ahlamisiki nomu wa yena.

2 TIKRONIKA 13:7

kutani vanhu lava nga riki va nchumu, vavanuna lavo biha, va hlengeletanile eka yena, va titiyisa ku hlula Rhobuwamu, n'wana Solomoni. Rhobuwamu a a ri lontshwa, a nga tiyangi mbilu, kutani a nga kumangi matimba emahlweni ka vona.

1 TIHOSI 4:21

Solomoni a a fuma kambe ematikweni hinkwawo, ku suka enambyeni wa Yufrata ku fika etikweni ra Vafilista, ni ku fika endzilakaneni wa Egipta; a va luva eka Solomoni, va n'wi tirhela hi masiku hinkwawo ya ku hanya ka yena.

2 SAMIELE 20:1

Kutani ku humelela kona munhu wa Beliyali, vito ra yena a a ri Xeba n'wana Bikri, wa Benjamini; a yimba nanga, a ku: “A hi na ku averiwa na Davhida, a hi na ndzhaka na n'wana Yese! Va ka Israele, un'wana ni un'wana a a muke entsongeni wa yena!”

2 SAMIELE 8:2

Kutani a hlasela Vamowabu, a va etlerisa ehansi a va pima hi ngoti: lava ringanaka tingoti timbirhi a va dlaya, ni lava ringanaka ngoti yin'we a va hanyisa. Hi sweswo Vamowabu va fumiwa hi Davhida, va ta luva eka yena.

1 SAMIELE 11:12

Kutani tiko ri ku eka Samiele: “I mani la nga ku: ‘Xana Sawulo u ta hi fuma xana?’ Hi nyikeni vanhu lava hi va dlaya.”

Matewu 2:11

Kutani loko va nghena endlwini, va kuma n'wana ni mana wa yena, Mariya; kutani va khinsama hi matsolo, va n'wi gandzela. Kuteloko va tshunxile mirhwalo ya vona, va n'wi nyika nsuku, ni mirhi ya risuna, ni murhi wa mirha.

1 SAMIELE 11:13

Kambe Sawulo a ku: “Ku nga ka ku nga dlayiwi munhu siku leri, hikuva namuntlha Yehovha u tirhile ku hlayiseka eIsraeleni.”

1 SAMIELE 16:20

Kutani Yese a teka mbhongolo leyi rhwexiweke vuswa, ni nghotsa ya vhinyo, ni ximbutana, a swi rhumela Sawulo hi Davhida, n'wana wa yena.

1 SAMIELE 25:17

Sweswi, anakanya, u vona leswi u nga ta swi endla, hikuva khombo ri kaneriwile ehenhla ka hosi ya hina, ni yindlu ya yena hinkwayo; kambe leswi a nga munhu wa tihanyi ngopfu, hi tsandzeka ku vulavula na yena.”

1 TIHOSI 5:1

Hiramu, hosi ya Tiri, a rhumela malandza ya yena eka Solomoni, hikuva a a twile leswaku va n'wi vekile hosi ematshan'weni ya tata wa yena, hi ku n'wi chela mafurha; hikuva Hiramu a a ri nakulobye wa Davhida hi masiku hinkwawo.

Eklesiasta 7:21

Loko swi ri tano, u nga hlayisi marito hinkwawo lama vulavuriwaka, u nga ti tshuka u yingisa nandza wa wena loko a ku hleva.