1 SAMIELE 10:16 - Xitsonga (Bibele)

¹⁶ Sawulo a ku eka yena: “U hi khorwisile leswaku timbhongolo ti kumiwile.” Kambe loko yi ri emhakeni ya vuhosi, a nga n'wi byelanga leswi Samiele a swi vuleke.

BIBELE Mahungu Lamanene

¹⁶ Sawulo a hlamula makwa tata wa yena, a ku: “Ú hi byele a nga kanakani leswaku timbhongolo ti kumekile.” Kambe loko ti ri ta vuhosi leti Samiele a nga vulavula ha tona, Sawulo a nga n'wi byelanga.

1 SAMIELE 10:16 Referans Kwoze

Swivuriso 29:11

Xihunguki xi humesa hinkwaswo swa mbilu ya yena, Kambe wa ku tlhariha wa tihlayisa ni ku tikhoma.

1 SAMIELE 9:27

Kakuloko va ha ngirimela, va ri emakun'weni ya muti, Samiele a ku eka Sawulo: “Byela nandza a hundza emahlweni ka hina (kutani a hundza), kambe wena yima sweswi, ndzi ta ku byela rito ra Xikwembu.”

1 SAMIELE 9:20

Loko ti ri timbhongolo leti ti ku lahlekeleke ku hundzile masiku manharhu namuntlha, u nga tikarhati hikwalaho ka tona, hikuva ti kumiwile. Kambe ku navela hinkwako ka Israele ku ya ka mani xana? A hi ka wena ni ka yindlu hinkwayo ya tata wa wena xana?”

Vaavanyisi 14:6

Kutani Moya wa Yehovha wu n'wi tela hi matimba. A handzula nghala kukotisa loko ku handzuriwa ximbutana, a nga tamelanga nchumu emavokweni ya yena; kambe a nga byelangi tata wa yena ni mana wa yena lexi a xi endleke.

Eksoda 4:18

Muxe a famba a tlhelela eka Yetro, mukon'wana wa yena, a ku eka yena: “Ndzi pfumelele ndzi tlhelela eka rikwerhu, eEgipta, ku ya va kamba loko va ha hanya.” Yetro a ku eka Muxe: “Famba hi ku rhula.”

1 SAMIELE 10:15

Kutani makwa tata wa Sawulo a ku: “Ndzi tivise leswi Samiele u mi byeleke swona.”

Vaavanyisi 14:9

Kutani a hakula, vulombe hi mavoko ya yena, a suka a famba, a dya; kuteloko a fika eka tata wa yena ni mana wa yena, a va pambulela, va dya; kambe a nga va tivisanga leswaku u hakule vulombe entsumbyini wa nghala.

Swivuriso 12:23

Muxiyaxiyi u fihla vutivi, Kambe mbilu ya xihunguki yi dzunisa vuhunguki bya yona.

Eklesiasta 3:7

nkarhi wu kona wa ku handzula, wu kona nkarhi wa ku rhunga; nkarhi wu kona wa ku hlayisa, wu kona nkarhi wa ku cukumeta; nkarhi wu kona wa ku miyela, wu kona nkarhi wa ku vulavula;