1 SAMIELE 10:10 - Xitsonga (Bibele)

¹⁰ Kuteloko va fika eGibeya, waswivo, ntlawa wa vaprofeta wu ta hlangana na yena kutani Moya wa Xikwembu wu n'wi khoma, a bvumbha exikarhi ka vona.

BIBELE Mahungu Lamanene

¹⁰ Loko va fika eGibeya, ntlawa wa vaprofeta wu tshuka wu hlangana na yena, moya wa Xikwembu wu n'wi nghena hi matimba swinene, kutani a vhumbha swin'we ni vaprofeta.

1 SAMIELE 10:10 Referans Kwoze

1 SAMIELE 2:35

Ndzi ta tivekela muprista la tshembekeke; u ta endla hi ku rhandza ka mbilu yanga ni moya wa mina, ndzi ta n'wi akisela yindlu leyi tiyeke, kutani u ta famba hilaha ku nga heriki emahlweni ka Muhlawuriwa wa mina.

1 SAMIELE 11:6

Kutani Moya wa Xikwembu wu n'wi khoma loko a twile marito lawa; vukari bya yena byi pfurha ngopfu;

Vaavanyisi 3:10

Moya wa Yehovha wu va eka yena; a avanyisa ta Israele, a huma nyimpi; kutani Yehovha a nyiketa Kuxani-Rixitayimi hosi ya Mesopotamiya emavokweni ya yena. Kutani voko ra yena ri hlula Kuxani-Rixitayimi.

Vaavanyisi 15:14

Kuteloko a fika eLehi, Vafilista va huwelela loko va hlangana na yena. Kutani Moya wa Yehovha wu n'wi tela hi matimba, mapindza lama boheke mavoko ya yena ma hundzuka swangi i harhana leyi tshweke; leswi a bohiweke ha swona swi tshunxeka emavokweni ya yena.

1 SAMIELE 16:13

Kavaloko Samiele a teka rimhondzo ra mafurha a n'wi chela exikarhi ka vamakwavo, kutani Moya wa Yehovha wu khoma Davhida, ku sungula siku leri ni ku ya emahlweni, Kavaloko Samiele a pfuka a muka eRhama.