1 SAMIELE 1:8 - Xitsonga (Bibele)

⁸ Nuna wa yena Elikana a ku eka yena: “Hana, u rilela yini? A ku dyi ha yini? Mbilu ya wena yi vavisekela yini xana? A ndzi tluli khume ra vana eka wena-ke?”

BIBELE Mahungu Lamanene

⁸ Kutani Elkana a a khongotela nsati wa yena, a ku: “Swi lo yini Hana, u rilela yini xana? U alela yini ku dya swakudya? Xana mbilu ya wena yi vavela yini xana? Xana a ndzi tluli khume ra majaha eka wena xana?”

1 SAMIELE 1:8 Referans Kwoze

Rhuti 4:15

U ta chavelela moya wa wena, u ta ku tiyisa eku dyuhaleni ka wena! Hikuva u velekiwe hi n'wingi wa wena, la ku rhandzaka, yena la tlulaka eka wena, vana va xinuna vanthlanu na vambirhi.”

Esaya 54:6

Hikuva Yehovha wa ku vitana tanihi nsati la tshikiweke, la nga enhlomulweni, kukota mulovoriwa la hlongoriweke, ku vula Xikwembu xa wena.

Ntirho 6:14

“Maxaka ya la vavisekaka ma fanele ku n'wi twela vusiwana, Hikuva a nga tshika ku chava Lowa matimba hinkwawo.

1 Vatesalonika 5:14

Kambe, vamakwerhu, ha mi khongotela, hi ri: Layani lava nga fambiki hi nawu, mi chavelela lava karheleke timbilu, mi tiyisa lava tsaneke, mi va lehisela mbilu hinkwavo.

Yohane 20:15

Yesu a ku eka yena: “Wansati, u rilela yini? U lava mani xana?” Yena, hi ku ehleketa leswaku i murimi wa ntanga, a ku eka yena: “Hosi, loko u n'wi susile, ndzi byele laha u n'wi vekeke kona, ndzi ta ya ndzi ya n'wi teka.”

Yohane 20:13

Ti ku eka yena: “Wansati, u rilela yini?” Yena a ku eka tona: “Hikuva va susile Hosi yanga, kambe a ndzi tivi laha va n'wi vekeke kona.”

Pisalema 43:4

Ndzi ta tshinela alitari ya Xikwembu, Ya Xikwembu lexi ku nga ku tsaka ka mina ni ku yimbelela ka mina; Ndzi ta ku dzunisa hi haripa, wena Xikwembu, Xikwembu xanga!

Esaya 54:1

“Huwelela hi ku tsaka, wena mhika la nga velekangiki. Tsaka, u tsaka ngopfu, wena la nga siki lumiwaka eku velekeni! Hikuva vana va la tshikiweke va tele ku tlula vana va la tekiweke,” ku vula Yehovha.

2 TIHOSI 8:12

Hazaele a ku: “Hosi yanga yi rilela yini xana?” Yena a hlamula, a ku: “Hi leswi ndzi tivaka hilaha u nga ta onha vana va Israele hakona, u ta hisa miti ya vona ya makhokholo, u dlaya majaha ya vona hi tlhari, u phyandlasa swihlangi swa vona, u boxa makhwiri ya vasati va vona lava tikeke.”

1 SAMIELE 1:7

A swi ri tano hi malembe hinkwawo. Mikarhi hinkwayo loko Hana a tlhandlukela endlwini ya Yehovha, Penina a tshama a n'wi endlela sweswo kutani Hana a tshama a rila, a nga dyi nchumu.