1 SAMIELE 1:3 - Xitsonga (Bibele)

³ Lembe rin'wana ni rin'wana munhu loyi a a suka emutini wa yena, a tlhandluka ku ya khinsama emahlweni ka Yehovha wa mavandla, ni ku n'wi humesela mihlengo eXilo. Vana vambirhi va Heli a va ri kona, Hofini na Finiyasi, va ri vaprista va Yehovha.

BIBELE Mahungu Lamanene

³ Wanuna loyi a a toloverile ku suka emutini wa yena lembe rin'wana ni rin'wana, a tlhandlukela emutini wa Xilo a ya khongela ni ku humesela HOSI ya matimba hinkwawo emagandzelo. Vana va Heli, Hofini na Finiyasi, a va ri vaprista va HOSI Xikwembu kwale Xilo.

1 SAMIELE 1:3 Referans Kwoze

Luka 2:41

Vakulu va yena a va ya eYerusalema, hi malembe hinkwawo enkhubyeni wa Paseka.

Yoxuwa 18:1

Nhlengeletano hinkwayo ya vana va Israele yi hlangana eXilo; kutani va dzima kona tabernakela ya nhlengeletano, hikuva tiko a ri fumiwa hi vona.

Eksoda 34:23

“Vavanuna hinkwavo exikarhi ka n'wina, va ta humelela kanharhu hi lembe emahlweni ka Hosi Yehovha, Xikwembu xa Israele;

Eksoda 23:14

“U ta ndzi endlela nkhuvo kanharhu hi lembe.

1 SAMIELE 1:21

Nuna wa yena, Elikana, a tlhandluka, a ri ni yindlu ya yena hinkwayo, ku ya humesela Yehovha magandzelo ya lembe rin'wana ni rin'wana, ni ku ya endla lexi a xi tiyiseke hi ku hlambanya.

1 SAMIELE 1:9

Kuteloko va dyile, ni loko va nwile eXilo, Hana a pfuka (Heli muprista a a tshamile exitulwini, a seketele erimbeni ra nyangwa ya yindlu ya Xikwembu);

Duteronoma 16:16

“Kanharhu hi lembe, wanuna un'wana ni un'wana u ta humelela emahlweni ka Yehovha, Xikwembu xa wena, exivandleni lexi a nga ta xi hlawula; hileswaku enkhubyeni wa xinkwa lexo kala comela, ni le nkhubyeni wa mavhiki, ni le nkhubyeni wa mitsonga kambe va nga ka va nga humeleli emahlweni ka Yehovha va nga tamelanga nchumu:

Vaavanyisi 18:31

Va tiyimisela xifaniso lexi vatliweke lexi endliweke hi Mika, hi mikarhi hinkwayo leyi yindlu ya Xikwembu yi nga tshama eXilo ha yona.

Pisalema 78:60

Xi tshika vuako bya Xilo, Ntsonga lowu ngi xi tshame eka wona exikarhi ka vanhu,

1 SAMIELE 4:11

Areka ya Xikwembu yi tekiwa, na vona vana vambirhi va Heli, Hofini na Finiyasi, va dlawa.

1 SAMIELE 4:4

Kavaloko tiko ri rhuma vanhu eXilo, kutani va tisa areka ya ntwanano wa Yehovha wa mavandla, la tshamaka xikarhi ka tikerubu. Na vona vana vambirhi va Heli, Hofini na Finiyasi, a va ri kona, ni areka ya ntwanano wa Xikwembu.

1 SAMIELE 3:13

Ndzi n'wi byerile leswaku ndzi ta avanyisa yindlu ya yena hilaha ku nga heriki hikwalaho ka xidyoho lexi a xi tivaka. Hikuva vana va yena va tilavele ndzhukano ehenhla ka vona, kambe a nga va layanga.

1 SAMIELE 2:34

Xikombiso xa wena, hi leswi nga ta humelela eka vana vambirhi va wena, Hofini na Finiyasi: va ta fa havambirhi hi siku rin'we.

Eksoda 23:17

Kanharhu hi lembe, vavanuna va ta humelela hinkwavo emahlweni ka Hosi Yehovha.

Vaavanyisi 21:19

Kutani va ku: “Vonani nkhuvo wa Yehovha wu kona eXilo, hi lembe rin'wana ni rin'wana, hitlhelo ra n'walungu ra Betele, ni tlhelo ra vuxa eka ndlela leyi sukaka eBetele ku tlhandlukela eXikeme, ni tlhelo ra dzonga ra Lebona.”

1 SAMIELE 2:19

Mana wa yena a a n'wi rhungela xingubyana hi lembe rin'wana ni rin'wana, kutani a n'wi tisela xona loko a tlhandluka ni nuna wa yena ku humesa gandzelo ra lembe rin'wana ni rin'wana.

1 SAMIELE 14:3

Ahiya, n'wana Ahituba, makwa Ikabodo, n'wana Finiyasi, n'wana Heli, muprista wa Yehovha eXilo, a ambele Efodi, kambe tiko a ri tivanga leswaku Yonatani a fambile.