1 SAMIELE 1:22 - Xitsonga (Bibele)

²² Kambe Hana a nga tlhandlukanga, hikuva a ku eka nuna wa yena: “Loko wandzisanyana a lumukile, ndzi ta n'wi yisa, u ta kombisiwa emahlweni ka Yehovha, kutani u ta tshama kona masiku hinkwawo.”

BIBELE Mahungu Lamanene

²² Hana a nga fambanga na vona, hileswi a a byerile nuna wa yena, a ku: “Loko n'wana a ta va a lumuriwile, hi kona ndzi nga ta ya eTempeleni na yena, ndzi ya n'wi veka eka HOSI, leswaku a tshama kona vutomi bya yena hinkwabyo.”

1 SAMIELE 1:22 Referans Kwoze

1 SAMIELE 1:28

Hikwalaho, ndzi n'wi nyikile Yehovha: u nyikiwile Yehovha hi masiku hinkwawo ya vutomi bya yena.” Kutani a khinsama emahlweni ka Yehovha.

1 SAMIELE 1:11

“Yehovha wa mavandla, loko u languta masangu ya nandza wa wena, ni loko u ndzi tsundzuka u nga rivali nandza wa wena, kutani u nyika nandza wa wena n'wana wa wanuna, ndzi ta n'wi nyika Yehovha, a va wa yena masiku hinkwawo ya vutomi bya yena, kutani rikari ri nga ka ri nga hundzi enhlokweni ya yena.”

Luka 2:22

Kuteloko ku hundzile masiku lawa Mariya a nga hlamba ha wona hi nawu wa Muxe, va yisa n'wana eYerusalema, ku ya n'wi kombisa eka Hosi,

1 SAMIELE 3:1

Wandzisanyana Samiele a a tirhela Yehovha emahlweni ka Heli. Kambe rito ra Yehovha a ri kala emasikwini lawa; ni mahlori ma nga talanga.

1 SAMIELE 2:18

Samiele a tshama a tirha ntirho emahlweni ka Yehovha, a ri wandzisanyana la ambaleke efodi ya ntsembyana.

1 SAMIELE 2:11

Elikana a tlhelela ekaya ka yena eRhama, kutani wandzisanyana a pfuna entirhweni wa Yehovha, emahlweni ka Heli, muprista.

Duteronoma 16:16

“Kanharhu hi lembe, wanuna un'wana ni un'wana u ta humelela emahlweni ka Yehovha, Xikwembu xa wena, exivandleni lexi a nga ta xi hlawula; hileswaku enkhubyeni wa xinkwa lexo kala comela, ni le nkhubyeni wa mavhiki, ni le nkhubyeni wa mitsonga kambe va nga ka va nga humeleli emahlweni ka Yehovha va nga tamelanga nchumu:

Levhitika 25:23

“ ‘Masimu ma nga tshuki ma xavisiwa hilaha ku nga heriki, hikuva misava i ya mina; hikuva mi valuveri ni vaendzi eka mina.

Esaya 9:7

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Pisalema 110:4

Yehovha u hlambanyile a nga ka a nga hundzuki, U te: “U muprista hi laha ku nga heriki, Hi mukhuva wa Melkisedeke.”

Pisalema 27:4

Ndzi komberile xilo xin'we eka Yehovha, ndza ha xi navela ngopfu: Hi leswaku ndzi tshama endlwini ya Yehovha hi masiku hinkwawo ya ku hanya ka mina. Ndzi ta hlalela ku kwetsima ka Yehovha, Ndzi va ndzi kambisisa tempele ya yena.

Pisalema 23:6

Kunene, ku kateka ni tintswalo swi ta ndzi landzela Hi masiku hinkwawo ya ku hanya ka mina, Kutani ndzi ta tshama endlwini ya Yehovha hi masiku hinkwawo.

Yoxuwa 4:7

Mi ta ku eka vona: Mati ya Yordani ma avanile emahlweni ka areka ya ntwanano wa Yehovha; loko yi pela Yordani, mati ya Yordani ma avanile, kutani maribye lawa, i xitsundzuxo eka vana va Israele hilaha ku nga heriki.”

Eksoda 21:6

n'wini wa rona u ta ri tisa emahlweni ka Xikwembu, a ri tshinetela kusuhi ni rivanti erimbeni ra rona, kutani n'wini wa rona u ta ri boxa ndleve hi risungunhu, kutani ri ta n'wi tirhela masiku hinkwawo.

1 SAMIELE 13:13

Samiele a ku eka Sawulo: “U endlile hi vuhunguki, a ku hlayisangi ku lerisa loku Yehovha, Xikwembu xa wena, a nga ku lerisa kona. Hikuva Yehovha a a ta tiyisa ku fuma ka wena ehenhla ka Israele, hilaha ku nga heriki;

1 SAMIELE 28:2

Davhida a ku eka Akixi: “U ta vonisisa leswi nga ta endliwa hi nandza wa wena.” Kutani Akixi a ku eka Davhida: “Hi swona, ndzi ta ku veka mulanguteri wa nhloko ya mina hi masiku.”