1 SAMIELE 1:2 - Xitsonga (Bibele)

² A a ri ni vasati vambirhi, vito ra lowo rhanga a a ri Hana, ra lowa vumbirhi a a ri Penina; Penina a a ri ni vana, kambe Hana a a nga ri na vana.

BIBELE Mahungu Lamanene

² Elkana a a ri ni vasati vambirhi; un'wana a a ri Hana, un'wana a a ri Penina. Penina a a kuma vana, kambe Hana a a nga va kumi.

1 SAMIELE 1:2 Referans Kwoze

Luka 1:7

Ntsena a va nga ri na n'wana, hikuva Elizabeta a a ri mhika; kutani a va dyuharile havambirhi.

Matewu 19:8

A ku eka vona: “Muxe u mi pfumelele ku tshika vasati va n'wina hikwalaho ka ku nonon'hwa ka timbilu ta n'wina; kambe eku sunguleni, a swi nga ri tano.

Vaavanyisi 13:2

Wanuna un'wana a a ri kona eSora, wa nyimba ya Dani; vito ra yena a a ri Manowaka; nsati wa yena a a ri mhika, a a nga veleki.

Vaavanyisi 8:30

Gidiyoni a va ni vana va vavanuna va 70, lava tswariweke hi yena, hikuva a a tekile vasati lavo tala.

Genesa 29:31

Yehovha a vona leswaku Leya a a vengiwa, kutani a n'wi pfulela mbeleko; Rahele, yena, a a ri mhika.

Genesa 25:21

Kutani Isaka a khongelela nsati wa yena eka Yehovha, hikuva a a ri mhika; kutani Yehovha a amukela ku khongela ka yena; kavaloko Rhaveka, nsati wa yena, a tika nyimba.

Genesa 4:23

Kutani Lameke a byela vasati va yena, a ku: “Ada na Sila, twanani rito ra mina! Vasati va Lameke, yingisani ku vulavula ka mina! Ndzi dlele munhu hikwalaho ka mbanga ya mina, ni jaha hikwalaho ka felangati ra mina.

Luka 2:36

Kambe a ku ri na Ana, muprofeta wa wansati, n'wana Fanuwele, wa rixaka ra Asere, a a dyuhele ngopfu. Loko a tekiwile a ri wanhwana, u tshame ni nuna wa yena ntlhanu wa malembe na malembe mambirhi ntsena,

Genesa 4:19

Kutani Lameke a teka vasati vambirhi, vito ra un'wana a a ri Ada, ni vito ra un'wana a a ri Sila.

Genesa 11:30

Sarayi a a ri mhika, a a nga ri na vana.