1 SAMIELE 1:19 - Xitsonga (Bibele)

¹⁹ Kutani va pfuka nimixo, va ya khinsama emahlweni ka Yehovha; va tlhela va famba ekaya ka vona eRhama.

BIBELE Mahungu Lamanene

¹⁹ Siku leri tlhandlamaka, Elkana ni ndyangu va vindzuka, va ya khongela HOSI Xikwembu, kutani loko va hetile, va tlhelela ekaya eRhama. Kavaloko Elkana a tiva Hana nsati wa yena, kutani HOSI Xikwembu xi katekisa Hana,

1 SAMIELE 1:19 Referans Kwoze

Genesa 21:1

Yehovha a endzela Sara, hilaha a nga vula hakona; kutani Yehovha a endlisa Sara hilaha a n'wi tshembiseke hakona.

1 SAMIELE 1:11

“Yehovha wa mavandla, loko u languta masangu ya nandza wa wena, ni loko u ndzi tsundzuka u nga rivali nandza wa wena, kutani u nyika nandza wa wena n'wana wa wanuna, ndzi ta n'wi nyika Yehovha, a va wa yena masiku hinkwawo ya vutomi bya yena, kutani rikari ri nga ka ri nga hundzi enhlokweni ya yena.”

Genesa 30:22

Kavaloko Xikwembu xi tsundzuka Rahele; Xikwembu xi n'wi yingisa, xi n'wi pfulela mbeleko.

Genesa 4:1

Adamu a tiva Evha, nsati wa yena, kutani a tika nyimba, a veleka Kayini, a ku: “Ndzi kumile munhu ha Yehovha.”

Luka 23:42

Kutani xi ku eka Yesu: “Hosi, ndzi anakanye loko u nghenile eku fumeni ka wena.”

Marka 1:35

Nimpundzu a pfuka bya ha ri vusiku, a huma endlwini, a ya mananga, a ya khongela kona.

Pisalema 119:147

Ndzi rhangela vurhonga, ndzi huwelela! Ndzi ri karhi ndzi langutela ku tshembisa ka wena.

Pisalema 55:17

Nimadyambu, nimixo, ninhlekanhi, ndza konya, ndzi ni mahika; Kambe u ta yingisa rito ra mina.

Pisalema 25:7

U nga anakanyi swidyoho swa vuntshwa bya mina, ni ku tlula ka mina; U ndzi anakanya hi nsovo wa wena, Hikwalaho ka tintswalo ta wena, oho Yehovha!

1 SAMIELE 9:26

Va pfuka nimixo, kutani loko vurhonga byi tsuvuka, Samiele a vitana Sawulo elwangwini, a ku: “Pfuka, ndzi ta ku tshika u famba.” Kavaloko Sawulo a pfuka, kutani va huma swin'we, yena na Samiele.

Genesa 8:1

Kutani Xikwembu xi tsundzuka Nowa ni swiharhi hinkwaswo, ni swifuwo hinkwaswo leswi ngi swi ri na yena engalaveni; kutani Xikwembu xi hungisa moya emisaveni, kutani mati ma hunguteka.

Pisalema 136:23

Kambe hi yena la hi tsundzukeke eku tsongahatiweni ka hina, Hikuva tintswalo ta yena hi leti nga heriki!

Pisalema 5:3

Yehovha, u yingisa rito ra mina ka ha ri mixo; Wa ha ri mixo, ndzi hundzuka eka wena, ndzi languta.

1 SAMIELE 2:11

Elikana a tlhelela ekaya ka yena eRhama, kutani wandzisanyana a pfuna entirhweni wa Yehovha, emahlweni ka Heli, muprista.

1 SAMIELE 1:1

A ku ri ni munhu wa Ramatayimi-Sofimi, entshaveni ya Efrayimi, vito ra yena a a ri Elikana. A a ri n'wana Yerohama, n'wana Elihu, n'wana Tohu, n'wana Sufu, wa Efrayimi.

1 SAMIELE 7:17

Kutani a vuyela Rhama, hikuva yindlu ya yena a yi ri kona; hi kona kambe a tshamaka a avanyisela Israele; kutani a akela Yehovha alitari kona.

Yoxuwa 18:25

Gibiyoni, Rhama, Beroto;

1 SAMIELE 8:4

Kutani vakulukumba va Israele hinkwavo va hlengeletana, va ya ka Samiele eRhama, va ku eka yena:

1 SAMIELE 15:34

Kutani Samiele a tlhela a muka eRhama; Sawulo yena, a muka endlwini ya yena eGibeya wa Sawulo.

1 SAMIELE 16:13

Kavaloko Samiele a teka rimhondzo ra mafurha a n'wi chela exikarhi ka vamakwavo, kutani Moya wa Yehovha wu khoma Davhida, ku sungula siku leri ni ku ya emahlweni, Kavaloko Samiele a pfuka a muka eRhama.

1 SAMIELE 19:18

Davhida a tsutsuma a baleka, kutani a ya eka Samiele eRhama; a ya n'wi byela hinkwaswo leswi Sawulo a n'wi endleke. Kavaloko va suka yena na Samiele va ya aka eNayoto.

1 SAMIELE 25:1

Samiele a fa, kutani Vaisraele hinkwavo va hlengeletana, va n'wi rila, va n'wi lahla eRhama, ekaya ka yena. Kavaloko Davhida a suka, a ngirimela emananga ya Parani.

2 TIHOSI 4:17

Kavaloko wansati loyi a tika nyimba, kutani a veleka n'wana wa wanuna, enkarhini wolowo, hi lembe leri tlhandlamaka, hilaha Elixa a n'wi byeleke hakona.